മഞ്ജു വാര്യര്‍ സന്തോഷത്തിലാണ്. മെഗാസ്റ്റാര്‍ മമ്മൂട്ടിയ്‌ക്കൊപ്പം ആദ്യമായി അഭിനയിക്കുന്നതിന്റെ ത്രില്ലിലാണ്. ആ സന്തോഷമാണ് ഈ ചിത്രത്തില്‍ മഞ്ജുവിന്റെ മുഖത്ത് തെളിഞ്ഞു കാണുന്നത്. കൂടെ സ്വതസിദ്ധമായ ഗൗരവത്തില്‍ ഫോട്ടോയ്ക്കു പോസ് ചെയ്തു മമ്മൂട്ടിയും. ഇരുവരും ഒന്നിച്ചഭിനയിക്കുന്ന പുതിയ സിനിമയുടെ ലൊക്കേഷനില്‍ വെച്ചെടുത്ത ചിത്രമാണിത്.
'സ്വപ്‌നങ്ങള്‍ എന്നെങ്കിലും ഒരുനാള്‍ പൂവണിയും' എന്ന അടിക്കുറിപ്പോടെയാണ് മഞ്ജു ഈ ചിത്രം പങ്കുവെച്ചിരിക്കുന്നത്.
മമ്മൂട്ടിയെ നായകനാക്കി നവാഗതനായ ജോഫിന്‍ ടി. ചാക്കോ സംവിധാനം ചെയ്യുന്ന 'ദ പ്രീസ്റ്റ്' എന്ന ചിത്രത്തിലാണ് ഇരുവരും ആദ്യമായി ഒന്നിച്ച് അഭിനയിക്കുന്നത്. മഞ്ജു വാര്യരാണ് ചിത്രത്തിലെ നായിക.
ആന്റോ ജോസഫ്, ബി. ഉണ്ണികൃഷ്ണന്‍, വി.എന്‍ ബാബു എന്നിവര്‍ ചേര്‍ന്നാണ് ഈ ക്രൈം ത്രില്ലര്‍ ചിത്രം നിര്‍മിക്കുന്നത്.
Content Highlights : manju warrier shares a liocation still with mammooty
