ഒരിടവേളയ്ക്ക് ശേഷം മമ്മൂട്ടി പ്രധാനവേഷത്തിലെത്തുന്ന തമിഴ് ചിത്രം പേരന്‍പ് റിലീസിന് തയ്യാറെടുക്കുകയാണ്. രാം സംവിധാനം ചെയ്യുന്ന ചിത്രത്തില്‍ മലയാളിയും പുതുമുഖവുമായ അഞ്ജലി അമീറാണ് നായിക.
കഴിഞ്ഞ ദിവസം ചെന്നൈയില്‍ വച്ച് സിനിമയുടെ ഓഡിയോ ലോഞ്ച് നടന്നു. സത്യരാജ്, മമ്മൂട്ടി, അഞ്ജലി അമീര്‍, അഞ്ജലി എന്നിവര്‍ ചടങ്ങില്‍ പങ്കെടുത്തിരുന്നു. ചടങ്ങില്‍ അതിഥിയായി സംവിധായകന്‍ മിഷ്‌കിനും എത്തിയിരുന്നു. ചിത്രത്തില്‍ മമ്മൂട്ടിയുടെ പ്രകടനത്തെ പ്രശംസിക്കുന്നതിനിടെ മിഷ്‌കിന്‍ നടത്തിയ പരാമര്‍ശം വിവാദമാവുകയാണ്. മമ്മൂട്ടി പെണ്ണായിരുന്നെങ്കില്‍ താന്‍ പ്രേമിച്ചേനെയെന്നും ചിലപ്പോള്‍ ബലാത്സംഗം പോലും ചെയ്‌തേനെയെന്നുമാണ് മിഷ്‌കിന്‍ പറഞ്ഞത്.
മിഷ്‌കിന്റെ പ്രസംഗത്തില്‍ നിന്നുള്ള പ്രസക്ത ഭാഗങ്ങള്‍
''മമ്മൂക്ക താങ്കള്‍ എവിടെയായിരുന്നു. അദ്ദേഹം ഒരു മികച്ച നടനാണെന്ന് തെളിയിക്കുന്ന ഒരു ക്ലോസ് അപ്പ് ഷോട്ട് ചിത്രത്തിലുണ്ട്. സത്യം, ഞാന്‍ പറയുന്ന ഈ വാക്കുകള്‍ ഓര്‍ത്തു വയ്ക്കൂ, മറ്റാരെങ്കിലുമാണ് ഈ സിനിമയില്‍ അഭിനയിച്ചിരുന്നത് എങ്കില്‍ നാം പേടിച്ചു പോയേനെ.
മമ്മൂട്ടിയെ തിരഞ്ഞെടുത്തതില്‍ ഞാന്‍ റാമിനെ അഭിനന്ദിക്കുന്നു. മമ്മൂക്ക ഒരു യുവതി ആയിരുന്നുവെങ്കില്‍ ഞാന്‍ തീര്‍ച്ചയായും പ്രേമിച്ചേനേ. അല്ലെങ്കില്‍ ബലാത്സംഗം ചെയ്‌തേനേ. അദ്ദേഹം മികച്ച നടനാണ്. ഒരു പാഠപുസ്തകം''- മിഷ്‌കിന്‍ പറഞ്ഞു.
വീഡിയോ..
