പേവിഷബാധയേറ്റ് മരിച്ച പിതാവിന്റെ ദാരുണാന്ത്യം പുനഃസൃഷ്ടിച്ച് മകൻ


35 വർഷം മുമ്പ് കുടുംബാംഗത്തെപ്പോലെ ഓമനിച്ചുവളർത്തിയ വളർത്തുനായയിൽ നിന്നായിരുന്നു തോമസിന് കടിയേറ്റത്.

-

പേവിഷബാധയേറ്റ് മരിച്ച പിതാവിന്റെ ദാരുണാന്ത്യം പുനഃസൃഷ്ടിച്ച് മകനൊരുക്കിയ ഹ്രസ്വചിത്രം സോഷ്യൽ മീഡിയയിൽ വൈറലാകുന്നു. കടുപ്പശ്ശേരി സ്വദേശി ആളൂക്കാരൻ സിജോയ്‌ ആണ് തന്റെ പിതാവ് തോമസിന്റെ മരണത്തിന് കാരണമായ പേവിഷബാധയുടെ ഭീകരാവസ്ഥയെ കുറിച്ച് ‘ചൂണ്ടുവിരൽ’ എന്ന പേരിൽ ഹ്രസ്വചിത്രം നിർമിച്ചിരിക്കുന്നത്.

35 വർഷം മുമ്പ് കുടുംബാംഗത്തെപ്പോലെ ഓമനിച്ചുവളർത്തിയ വളർത്തുനായയിൽ നിന്നായിരുന്നു തോമസിന് കടിയേറ്റത്. ചൂണ്ടുവിരലിലേറ്റ കടിയെ തുടർന്ന് പേവിഷം തലച്ചോറിനെ ബാധിച്ചായിരുന്നു ദാരുണാന്ത്യം. സിജോയിക്ക് അഞ്ചുവയസ്സുള്ളപ്പോഴായിരുന്നു സംഭവം. റാബിസ് വിഷബാധയുടെ ഭയാനകതയെക്കുറിച്ച് ജനങ്ങളെ ബോധവത്‌കരിക്കുക കൂടിയാണ് ചിത്രം. ചിത്രത്തിന്റെ രചനയും സംവിധാനവും നിർവഹിച്ചിരിക്കുന്നത് സിജോയ് തന്നെയാണ്. സിനിമ, സീരിയൽ നടൻ ബിജു മാഞ്ഞൂരാനാണ് പ്രധാനവേഷത്തിൽ അഭിനയിച്ചിരിക്കുന്നത്. സിജോയിയുടെ മകൻ പത്താംക്ലാസിൽ പഠിക്കുന്ന റസിനാണ് ചിത്രത്തിന്റെ എഡിറ്റിങ് നിർവഹിച്ചിരിക്കുന്നത്. ബിജു പൈനാടത്താണ് ശബ്ദമിശ്രണം.മുൻ ചീഫ് വിപ്പ് തോമസ് ഉണ്ണിയാടനും സിജോയിയുടെ സുഹൃത്തുക്കളും നാട്ടുകാരുമാണ് ഇതിലെ അഭിനേതാക്കളും സാങ്കേതിക പ്രവർത്തകരും.

റാബിസ് വൈറസ് തലച്ചോറിനെ ബാധിച്ചാൽ ഇപ്പോഴും മരുന്നില്ല. അതേക്കുറിച്ചുള്ള അവബോധം സൃഷ്ടിക്കുകയാണ് ഈ ഹ്രസ്വചിത്രമെന്ന് സംവിധായകൻ സിജോയ് പറഞ്ഞു. അന്ന് നായ ചൂണ്ടുവിരലിലാണ് അപ്പനെ കടിച്ചത്. ചൂണ്ടുവിരലും തലച്ചോറുമായി ബന്ധമുണ്ടെന്നും അതുകൊണ്ടാണ് പെട്ടന്ന് വിഷം തലച്ചോറിനെ ബാധിച്ച് മരിച്ചതെന്നുമാണ് ഡോക്ടർമാർ പറഞ്ഞത്. ഇതാണ് ചിത്രത്തിലൂടെ പറയാൻ ശ്രമിച്ചിരിക്കുന്നതെന്നും സിജോയ് കൂട്ടിച്ചേർത്തു.

Content Highlights: Malyalam Shortfilm on rabies virus awareness, Choonduviaral, Sijoy Thomas A


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Pinarayi Vijayan

3 min

എയിംസ് ഇല്ല, റെയില്‍വേ വികസനമില്ല; ബജറ്റ് കേരളത്തിന് നിരാശാജനകമെന്ന് മുഖ്യമന്ത്രി

Feb 1, 2023


Premium

06:55

കുത്ത് കിട്ടും, ന്നാലും എനിക്കിഷ്ടാ; തേനീച്ച വളർത്താൻ വയസ്സൊക്കെ നോക്കണോ? | The Youngest beekeeper@6

Feb 2, 2023


jenna gestetner

1 min

ആകെ കഴിയ്ക്കാവുന്നത് 9 ഭക്ഷണം; അത്യപൂര്‍വ രോഗത്തെക്കുറിച്ച് തുറന്നുപറഞ്ഞ് യുവതി

Feb 1, 2023

Most Commented