ഇന്ത്യന്‍ സിനിമയിലെ എക്കാലെത്തെയും വലിയ സൂപ്പര്‍ ഹിറ്റ് ചിത്രമായ ബാഹുബലിയുടെ നിര്‍മാതാക്കളുടെ വീടുകളില്‍ ആദായ നികുതി വകുപ്പിന്റെ റെയ്ഡ്.
ചിത്രത്തിന്റെ നിര്‍മാതാക്കളായ ഷോബു യാര്‍ലഗഡ്ഡ, പ്രസാദ് ദെവിനേനി എന്നിവരുടെ ഹൈദരാബാദിലെ വീടുകളിലും ഓഫീസുകളിലുമാണ് പരിശോധന നടന്നത്. കണക്കില്‍പ്പെടാത്ത അറുപത് കോടിയോളം രൂപ മൂല്യമുള്ള 500,1000 നോട്ടുകള്‍ നിര്‍മാതാക്കള്‍ വീടുകളില്‍ പൂഴത്തിവച്ചിരിക്കുകയാണെന്ന സംശയത്തിന്റെ അടിസ്ഥാനത്തിലായിരുന്നു റെയ്ഡ്. വിശദാംശങ്ങളൊന്നും പുറത്തു വന്നിട്ടില്ല.
കള്ളപ്പണത്തിന് തടയിടുന്നതിന്റെ ഭാഗമായി 500, 1000 നോട്ടുകള്‍ അസാധുവായി പ്രഖ്യാപിച്ചതിന് പിന്നാലെ രാജ്യത്തിന്റെ വിവിധ ഭാഗങ്ങളിലായി ആദായ നികുതി വകുപ്പിന്റെ റെയ്ഡുകള്‍ നടക്കുകയാണ്.
തെലുങ്ക്, തമിഴ്, കന്നഡ, ഹിന്ദി, മലയാളം തുടങ്ങിയ ഭാഷകളില്‍ പുറത്തിറങ്ങിയ ബാഹുബലി 600 കോടിയിലധികം കളക്ഷന്‍ നേടിയിരുന്നു. ചിത്രത്തിന്റെ രണ്ടാം ഭാഗം അടുത്ത വര്‍ഷം ഏപ്രിലില്‍ പുറത്തിറങ്ങും. ഇതിന്റെ ചിത്രീകരണം പുരോഗമിക്കുകയാണ്.
RELATED STORIES
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..