'ജീവിതത്തിലെ മഹാഭാ​ഗ്യം, ഐ.എ.എസ്. തോറ്റല്ലോ'


ടി.ജെ. ശ്രീജിത്ത്‌

അക്ഷരമില്ലാത്തവരുടെ മുന്നിൽ തലകുനിക്കണ്ടല്ലോ. അഭിമാനത്തോടെ തലയുയർത്തി ജീവിച്ചു മരിക്കാമല്ലോ'. അക്ഷരങ്ങളുടെ അക്ഷയഖനിയിൽ മുങ്ങിനിവർന്ന ആ കവിക്ക് ഒരിക്കൽ പോലും തലകുനിക്കേണ്ടി വന്നിട്ടില്ല.

S Rameshan Nair Photo | santhosh kk

കൊച്ചി: പെറ്റമ്മ പോറ്റമ്മയും പോറ്റമ്മ പെറ്റമ്മയുമായി മാറി മറിഞ്ഞ കഥയാണ് കവി എസ്. രമേശൻ നായരുടെ ജീവിതം. ജന്മംകൊണ്ട് തമിഴനായിട്ടും മലയാളത്തെ അമ്മയായി കണ്ട് അക്ഷരങ്ങളാൽ നമസ്കരിച്ച കവി. വീട്ടുകാർക്ക് തമിഴ്നാട്ടിലെ കളക്ടറായി കാണണമെന്നായിരുന്നു ആഗ്രഹം. എല്ലാവരുംകൂടി നിർബന്ധിച്ച് ഐ.എ.എസ്. പരീക്ഷ എഴുതിച്ചു. ഫലം വന്നപ്പോൾ എട്ട് മാർക്കിന് തോറ്റു. രമേശൻ നായർ അതിനെക്കുറിച്ച് പറഞ്ഞതിങ്ങനെ: 'ജീവിതത്തിലെ മഹാ ഭാഗ്യം, അക്ഷരമില്ലാത്തവരുടെ മുന്നിൽ തലകുനിക്കണ്ടല്ലോ. അഭിമാനത്തോടെ തലയുയർത്തി ജീവിച്ചു മരിക്കാമല്ലോ'. അക്ഷരങ്ങളുടെ അക്ഷയഖനിയിൽ മുങ്ങിനിവർന്ന ആ കവിക്ക് ഒരിക്കൽ പോലും തലകുനിക്കേണ്ടി വന്നിട്ടില്ല.

വള്ളത്തോളിന്റെ കവിതകളാണ് രമേശൻ നായരിലെ കവിയെ തൊട്ടുണർത്തിയത്. പന്ത്രണ്ടാം വയസ്സിൽ മലയാളരാജ്യം ചിത്രവാരികയുടെ ബാലരംഗത്തിൽ ഒരു കവിത അച്ചടിച്ചു; 'പരിവർത്തനം'. അതിനെക്കുറിച്ച് രമേശൻ നായർ തമാശ രൂപേണ പറയുന്നത് 'ഒരു കൈപ്പിഴ' എന്നാണ്. അതു വായിച്ച ഗുരുക്കൻമാരിലൊരാൾ പറഞ്ഞു, ഇതിന്റെ വൃത്തം മഞ്ജരിയാണ്. രമേശൻ നായർക്ക് അന്നു മഞ്ജരിയെന്താണെന്നുപോലും അറിയില്ല. വള്ളത്തോളിന്റെ കവിതകൾ ഈണത്തിൽ പാടി പഠിച്ചതിന്റെ സുകൃതം എന്നാണ് അദ്ദേഹം പറഞ്ഞത്.

കവിയാകണമെന്നതൊരു വാശിയായിരുന്നു. ബിരുദവും ബിരുദാനന്തര ബിരുദവുമെല്ലാമായപ്പോൾ വീട്ടുകാർ വക്കീൽപരീക്ഷയ്ക്ക് പഠിക്കാൻ പറഞ്ഞു. രമേശൻ നായർ വഴങ്ങിയില്ല. എന്നാൽ പിന്നെ ഡോക്ടർഭാഗത്തിന് പഠിക്കൂ എന്നായി ബന്ധുക്കൾ. പോയി ചേർന്നു, രണ്ടാഴ്ചയ്ക്കകം പെട്ടിയും കിടക്കയുമായി രമേശൻ നായർ വീടിനു മുന്നിലെത്തി. എന്നിട്ടു പറഞ്ഞു, എന്നെക്കൊണ്ട് പറ്റില്ല...!

ഭാഷ അടിസ്ഥാനത്തിൽ 1956-ൽ സംസ്ഥാനങ്ങൾ രൂപവത്‌കരിച്ചപ്പോൾ രമേശൻ നായരുടെ നാടുൾപ്പെടുന്ന കന്യാകുമാരി തമിഴ്നാടിന് സ്വന്തമായി. പക്ഷേ, അന്നത്തെ എട്ടു വയസ്സുകാരന് മലയാളം പഠിക്കാനായിരുന്നു താത്‌പര്യം.

തിരുവനന്തപുരത്തേക്കയച്ച് മലയാളം പഠിപ്പിക്കാനുള്ള സാമ്പത്തിക ശേഷി കുടുംബത്തിനുണ്ടായിരുന്നില്ല. പക്ഷേ, കാലം രമേശൻ നായരെ മലയാളനാട്ടിലെത്തിച്ചു. എം.എ. മലയാളത്തിനു ചേർന്നത് പത്തനംതിട്ട കാതോലിക്കേറ്റ് കോളേജിലായിരുന്നു. പിന്നെ മലയാളത്തിൽനിന്നു മടങ്ങിയില്ല.

Content Highlights : Lyricist Poet S Rameshan Nair rememberance

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


idukki dam

1 min

അതിതീവ്രമഴയിലും ഇക്കുറി പ്രളയം ഒഴിവായത് സര്‍ക്കാരിന്റെ ഇടപെടല്‍ മൂലം - മന്ത്രി റോഷി അഗസ്റ്റിന്‍

Aug 10, 2022

Most Commented