'അന്ന് ആ പെണ്‍കുട്ടി പ്രണയാഭ്യര്‍ഥന നിരസിച്ചതിനാല്‍ ഇന്ന് ഞാനൊരു നടനായി'


കൗമാരപ്രായത്തില്‍ വീടിനടുത്ത് താമസിക്കുന്ന ഒരു പെണ്‍കുട്ടിയോട് എനിക്ക് കടുത്ത പ്രണയം തോന്നി.

സിനിമയിലെത്തുന്ന ഓരോ വ്യക്തിക്കും അവരുടേതായ കഥയുണ്ടാകും. ചിലര്‍ സിനിമയില്‍ എത്തുന്നത് വര്‍ഷങ്ങള്‍ നീണ്ട കഠിനാധ്വാനത്തിന് ശേഷമായിരുന്നു. മറ്റു ചിലരാകട്ടെ യാദൃച്ഛികമായും. തമിഴ് സിനിമകളില്‍ ചുവടുറപ്പിച്ചിരിക്കുന്ന നടന്‍ സായ് ദീനയ്ക്ക് പറയാനുള്ളത് വ്യത്യസ്തമായ ഒരു കഥയാണ്. ഒരു പ്രണയാഭ്യര്‍ഥന പരാജയപ്പെട്ടതാണ് അദ്ദേഹത്തെ നടനാക്കിയത്. സായ് ദീന എന്ന പേര് പ്രേക്ഷകര്‍ക്ക് അത്ര സുപരിചിതമല്ലെങ്കിലും, തെരി, തിമിരു പുടിച്ചവന്‍, വട ചെന്നൈ എന്നീ സിനിമകള്‍ കണ്ടിട്ടുള്ളവര്‍ക്ക് അദ്ദേഹത്തെ തിരിച്ചറിയാനാകും. ചെറിയ വില്ലന്‍ വേഷങ്ങളിലൂടെ തമിഴ് സിനിമയില്‍ ചുവടുറപ്പിച്ചിരിക്കുകയാണ് അദ്ദേഹം.

സായ് ദീന സിനിമയില്‍ എത്തിയ കഥയിങ്ങനെ...

കൗമാരപ്രായത്തില്‍ വീടിനടുത്ത് താമസിക്കുന്ന ഒരു പെണ്‍കുട്ടിയോട് എനിക്ക് കടുത്ത പ്രണയം തോന്നി. മെലിഞ്ഞ ഒരു കൊച്ചു പയ്യനായിരുന്നു അന്ന് ഞാന്‍. സുഹൃത്തുക്കളുടെ വാക്ക് കേട്ട് അവസാനം പെണ്‍കുട്ടിയോട്ഇഷ്ടം തുറന്ന് പറഞ്ഞു. എന്നാല്‍ പെണ്‍കുട്ടി അത് നിരസിക്കുകയും ചെയ്തു.

മെലിഞ്ഞിരിക്കുന്നതിനാലാണ് പെണ്‍കുട്ടി പ്രണയം നിരസിച്ചതെന്ന് കൂട്ടുകാര്‍ എന്നോട് പറഞ്ഞു. അവരന്ന് തമാശ പറഞ്ഞതായിരിക്കും. കൂട്ടുകാരുടെ വാക്കുകള്‍ കേട്ടപ്പോള്‍ എനിക്ക് വലിയ സങ്കടമായി. എന്നാല്‍ ഞാന്‍ തളര്‍ന്നില്ല, എനിക്ക് വാശിയായി. ഒരിക്കല്‍ ഞാനൊരു മസില്‍മാനാകുമെന്നും പിന്നീട് സിനിമാ നടനാകുമെന്നുമൊക്കെ സ്വപ്‌നം കണ്ടു. ജിമ്മില്‍ പോകാന്‍ ആരംഭിച്ചു. ചിട്ടയായ വ്യായാമവും ഭക്ഷണവും എന്നെ ആരോഗ്യവാനാക്കി. ജിമ്മിലെ സന്ദര്‍ശകരില്‍ സിനിമയുമായി ബന്ധമുള്ളവര്‍ ഉണ്ടായിരുന്നു. ആ പരിചയ വച്ച സിനിമയില്‍ ഭാഗ്യം പരീക്ഷിക്കാന്‍ ഇറങ്ങി തിരിച്ചു. തുടക്കത്തില്‍ അവസരം ഒന്നും ലഭിച്ചില്ല. പിന്നീട് ഒന്ന്‌, രണ്ട് സിനിമകളില്‍ ഞാന്‍ മുഖം കാണിച്ചു. പിന്നീട് ആക്ഷന്‍ രംഗങ്ങളില്‍ ഡ്യൂപ്പായി. ഒടുവില്‍ വിജയ് സാറിന്റെ തെരിയില്‍ ചെറുതാണെങ്കിലും ഒരു നല്ല വേഷം കിട്ടി. ഇപ്പോള്‍ അത്യാവശ്യം അവസരങ്ങളൊക്കെ ലഭിക്കുന്നുണ്ട്. അഭിമാനത്തോടെ പറയട്ടെ എന്റെ ഈ ലുക്ക് തന്നെയാണ് എന്റെ വിജയം- സായ് ദീന പറയുന്നു.

Content Highlights:love failure helped actor Sai Dheena to become an actor, Vada Chennai, Theri villain actor

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022


04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022

Most Commented