09 June 2023, 06:25 PM IST

1 min read

Read later

കജോൾ | PHOTO: AFP, PTI

സമൂഹമാധ്യമങ്ങളിൽ നിന്നും ഇടവേള എടുക്കുന്നുവെന്ന് ബോളിവുഡ് നടി കജോൾ. ഇൻസ്റ്റഗ്രാമിൽ സജീവമായിരുന്ന താരം തന്റെ അക്കൗണ്ടിലെ എല്ലാ പഴയ പോസ്റ്റുകളും നീക്കം ചെയ്തിരിക്കുകയാണ്. ‘ജീവിതത്തിലെ ഏറ്റവും കഠിനമായ പരീക്ഷണങ്ങളിലൊന്നിനെ അഭിമുഖീകരിക്കുന്നു. ഒരിടവേള അനിവാര്യമാണ്‘ എന്ന പോസ്റ്റ് മാത്രമാണ് താരത്തിന്റെ അക്കൗണ്ടിലിപ്പോൾ ഉള്ളത്.

നിരവധി ആരാധകരാണ് പോസ്റ്റിന് കമന്റുമായി എത്തുന്നത്. താരത്തിനൊപ്പമാണെന്ന് ആരാധകർ കുറിച്ചു. എല്ലാം ശരിയാകുമെന്ന് താരത്തെ ആരാധകർ സമാധാനിപ്പിക്കുന്നുമുണ്ട്. ഭർത്താവ് അജയ് ദേവ്ഗണുമായി എന്തെങ്കിലും പ്രശ്നമുണ്ടോയെന്ന് ചിലർ ചോദിക്കുന്നുണ്ട്. പോസ്റ്റുകൾ ഡിലീറ്റ് ചെയ്തതല്ല, ആർക്കെെവ് ചെയ്തതാണെന്ന് അഭിപ്രായപ്പെടുന്നവരുമുണ്ട്.

കജോൾ ദേഷ്യപ്പെട്ടുകൊണ്ട് നടന്നുപോകുന്ന ഒരു വീഡിയോയും ഇപ്പോൾ പ്രചരിക്കുന്നുണ്ട്. എന്നാൽ ഇതെല്ലാം പുതിയ സിനിമയുടെ പ്രമോഷന്റെ ഭാഗമാണോയെന്നും ഒരു വിഭാഗം ചോദിക്കുന്നുണ്ട്.

1999 ലാണ് അജയ് ദേവ്ഗണുമായുള്ള കജോളിന്റെ വിവാഹം നടക്കുന്നത്. നൈസ, യുഗ് എന്നിവരാണ് മക്കൾ. രേവതി സംവിധാനം ചെയ്ത ‘സലാം വെങ്കി’യാണ് കജോളിന്റെ അവസാനം പുറത്തിറങ്ങിയ ചിത്രം. ലസ്റ്റ് സ്റ്റോറിയുടെ രണ്ടാം ഭാഗമാണ് ഇനി കജോളിന്റെ പുറത്തിറങ്ങാനുള്ള ചിത്രം. ജൂൺ 29-ന് നെറ്റ്ഫ്ലിക്സിലൂടെ ചിത്രം റിലീസ് ചെയ്യും.