2018 സിനിമയുടെ പോസ്റ്റർ | ഫോട്ടോ: www.facebook.com/akhilpdharmajan
ജൂഡ് ആന്തണി ചിത്രം '2018' ഒ.ടി.ടി റിലീസിനൊരുങ്ങുന്നു. ജൂൺ ഏഴ് മുതൽ ചിത്രം സോണി ലിവിലൂടെ സ്ട്രീമിങ് ആരംഭിക്കും. നിരവധി ബോക്സോഫീസ് റെക്കോഡുകൾ തകർത്ത ചിത്രമാണ് 2018.
റിലീസായി പത്ത് ദിവസങ്ങൾക്കുള്ളിൽ തന്നെ 100 കോടി കളക്ഷൻ '2018' നേടിയിരുന്നു. പ്രളയസമയത്ത് സ്വന്തം ജീവൻ അവഗണിച്ചും മറ്റുള്ളവരെ രക്ഷിക്കാൻ ഇറങ്ങിതിരിച്ചവർക്കുള്ള ആദരവാണ് ഈ സിനിമയെന്ന് ജൂഡ് പറഞ്ഞു. സോണി ലിവിലൂടെ കൂടുതൽ ആളുകൾക്ക് സിനിമ കാണാൻ അവസരം കിട്ടുന്നതിൽ അതിയായ സന്തോഷമുണ്ടെന്നും ജൂഡ് വ്യക്തമാക്കി.
ടൊവിനോ തോമസ്, കുഞ്ചാക്കോ ബോബൻ, ആസിഫ് അലി, വിനീത് ശ്രീനിവാസൻ, കലൈയരസൻ, ഇന്ദ്രൻസ്, ലാൽ, നരേൻ, അപർണ്ണ ബാലമുരളി, തൻവി റാം, സുധീഷ്, സിദ്ദിഖ്, അജു വർഗ്ഗീസ്, ജിബിൻ ഗോപിനാഥ്, ഡോക്ടർ റോണി, ശിവദ, വിനിതാ കോശി തുടങ്ങിയവരാണ് ചിത്രത്തിലെ പ്രധാനതാരങ്ങൾ.
'കാവ്യാ ഫിലിംസ്', 'പി കെ പ്രൈം പ്രൊഡക്ഷൻസ് 'എന്നിവയുടെ ബാനറിൽ വേണു കുന്നപ്പിള്ളി, സി കെ പത്മകുമാർ, ആന്റോ ജോസഫ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. അഖിൽ പി ധർമജന്റെതാണ് സഹതിരക്കഥ. അടുത്തിടെ ശ്രദ്ധേയമായ 'കഠിന കഠോരമീ അണ്ഡകടാഹം' എന്ന ചിത്രവും സോണി ലിവിലാണ് സ്ട്രീം ചെയ്യുന്നത്.
Content Highlights: jude anthany joseph movie 2018 ott release from june 7
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
Also Watch
RELATED STORIES
.jpg?$p=c0d0d29&f=1x1&w=100&q=0.8)
IN CASE YOU MISSED IT
.jpg?$p=8a6554b&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..