എന്റെ മകന്‍ തെറ്റു ചെയ്‌തെങ്കില്‍ ശിക്ഷിക്കപ്പെടട്ടേ; ജിയ ഖാന്‍ കേസിനെക്കുറിച്ച് സെറീന വഹാബ്


സെറീന വഹാബിന്റെയും സംവിധായകന്‍ ആദിത്യാ പഞ്ചോളിയുടെയും മകനാണ് സൂരജ് പഞ്ചോളി

ജിയാ ഖാൻ, സെറീന വഹാബ് മകൻ സൂരജ് പഞ്ചോളിയ്‌ക്കൊപ്പം

മുംബൈ: നടി ജിയാ ഖാന്റെ മരണവുമായി ബന്ധപ്പെട്ട കേസ് സിബിഐ പ്രത്യേക കോടതിയിലേക്ക് മാറ്റണമെന്ന നിര്‍ദ്ദേശവുമായി സെഷന്‍ കോടതി. ജിയയുടെ കാമുകനായിരുന്ന സൂരജ് പഞ്ചോളി നടിയുടെ മരണത്തെ തുടര്‍ന്ന് അറസ്റ്റിലായിരുന്നു. ആത്മഹത്യപ്രേരണ കുറ്റം ചുമത്തിയാണ് സൂരജിനെ അറസ്റ്റ് ചെയ്തത്. സൂരജിന്റെ വിചാരണയാണ് സിബിഐ കോടതിയിലേക്ക് മാറ്റാന്‍ ഉത്തരവായിരിക്കുന്നത്.

സെറീന വഹാബിന്റെയും സംവിധായകന്‍ ആദിത്യാ പഞ്ചോളിയുടെയും മകനാണ് സൂരജ് പഞ്ചോളി. മകന് നീതിലഭിക്കുമെന്ന് പ്രതീക്ഷിക്കുന്നതായി സെറീന വഹാബ് പ്രതികരിച്ചു.

എന്റെ മകന്‍ കഴിഞ്ഞ എട്ടുവര്‍ഷങ്ങളായി ദുരിതത്തിലാണ്. ഇതൊരു വലിയ കാലയളവാണ്. എനിക്കും എന്റെ ഭര്‍ത്താവിനും കോടതിയിലും ദൈവത്തിലും വിശ്വാസമുണ്ട്. മകന്‍ തെറ്റ് ചെയ്തിട്ടുണ്ടെങ്കില്‍ ശിക്ഷിക്കപ്പെടട്ടേ. എന്നാല്‍ നിരപരാധിയാണെങ്കില്‍ അവനോട് ചെയ്യുന്നത് ക്രൂരതയാണ്. വിചാരണ നടന്നെങ്കില്‍ മാത്രമേ തെറ്റും ശരിയും അറിയാനാകൂ. എന്റെ കുഞ്ഞിനെയോര്‍ത്ത് എനിക്ക് ദുഖമുണ്ട്. അവന്റെ മുഖം കാണുമ്പോള്‍ അതിയായ വിഷമം തോന്നും. മകളെ നഷ്ടപ്പെട്ട അമ്മയുടെ ദുഖവും എനിക്ക് മനസ്സിലാകും- സെറീന വഹാബ് പറഞ്ഞു.

സിബിഐ പ്രത്യേക കോടതിയിലേക്ക് കേസിന്റെ വിചാരണ മാറ്റിയത് ജിയയുടെ മാതാവ് റാബിയ ഖാന്‍ സ്വാഗതം ചെയ്തു. മകള്‍ക്ക് നീതി ലഭിക്കുമെന്ന് പ്രതീക്ഷിക്കുന്നതായി റാബിയ ഖാന്‍ പ്രതികരിച്ചു.

അമേരിക്കന്‍ പൗരത്വമുള്ള ജിയാഖാനെ 2013 ജൂണ്‍ മൂന്നിനാണ് ജുഹുവിലെ വീട്ടില്‍ ആത്മഹത്യ ചെയ്തനിലയില്‍ കണ്ടെത്തിയത്. ജിയാഖാന്‍ എഴുതിയ ആറുപേജുള്ള ആത്മഹത്യക്കുറിപ്പ് പോലീസ് കണ്ടെടുത്തിരുന്നു.

സൂരജ് ജിയയോട് പ്രണയം നടിക്കുകയായിരുന്നുവെന്നും എന്നാല്‍ ജിയയുടെ ഇഷ്ടം ആത്മാര്‍ത്ഥമായിരുന്നുവെന്നും കുടുംബം ആരോപിച്ചു. സൂരജുമായുള്ള ബന്ധത്തില്‍ ജിയ ഗര്‍ഭിണി ആയപ്പോഴാണ് കാര്യങ്ങള്‍ വഷളാകുന്നത്. ആശുപത്രിയില്‍ പോകാതെ ഗര്‍ഭം അലസിപ്പിക്കാന്‍ ജിയയെ പ്രേരിപ്പിച്ചത് സൂരജാണ്. ഗര്‍ഭം നശിപ്പിച്ചെങ്കിലും സൂരജ് ജിയയെ ഒഴിവാക്കാന്‍ ശ്രമിച്ചു. ആ മാനസിക വിഷമമാണ് ജിയയുടെ മരണത്തിലേക്ക് നയിച്ചതെന്നും കുടുംബം ആരോപിച്ചു.

Content Highlights: Jiah Khan death case: Zarina Wahab on Sooraj Pancholi, transferring case to CBI special court

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022


Civic Chandran

1 min

ലൈംഗിക പ്രകോപനമുണ്ടാക്കുന്ന വസ്ത്രംധരിച്ചു; സിവിക് ചന്ദ്രന്‍ കേസില്‍ പരാതിനിലനില്‍ക്കില്ലെന്ന് കോടതി

Aug 17, 2022


supreme court

1 min

ക്രിസ്ത്യന്‍ വേട്ടയാടല്‍ ഇല്ല; ആരോപണം വിദേശസഹായം നേടാനാകാമെന്ന് കേന്ദ്രം സുപ്രീംകോടതിയില്‍

Aug 16, 2022

Most Commented