യോഗിബാബുവിന്റെ മുഖഛായ തുണച്ചു; തമിഴ് സിനിമയില്‍ ഹര്‍ഭജനൊപ്പം ജെന്‍സണ്‍


ജെൻസൺ ഹർഭജൻ സിങ്ങിനൊപ്പം, യോഗി ബാബു

തൃശ്ശൂര്‍: സിനിമാമോഹവുമായി നടന്ന ജെന്‍സണ്‍, ഒമ്പതുവര്‍ഷത്തിനിടയില്‍ 2500 ഓഡിഷനില്‍ പങ്കെടുത്തിട്ടുണ്ട്. സിനിമയും ഷോര്‍ട്ട് ഫിലിമും ഡോക്യുമെന്ററിയുെമല്ലാം ഉള്‍പ്പെടുമിതില്‍. കൂടെ ക്രിക്കറ്റും. അങ്ങനെ ഒടുവില്‍ ആ സുവര്‍ണാവസരം ഒത്തുവന്നു- ക്രിക്കറ്റ്താരം ഹര്‍ഭജന്‍സിങ്ങും അര്‍ജുനും നായകന്മാരാകുന്ന തമിഴ്‌സിനിമയില്‍ ആദ്യാവസാനമുള്ള കഥാപാത്രത്തെ അവതരിപ്പിക്കാനുള്ള അവസരം. 'ഫ്രണ്ട്ഷിപ്പ്' എന്ന ഈ സിനിമ സെപ്റ്റംബര്‍ 17 മുതല്‍ പ്രദര്‍ശനം തുടങ്ങും.

ഈ സിനിമയില്‍ അവസരം കിട്ടുന്നതിനും ഈ കഥാപാത്രത്തെ കിട്ടുന്നതിനും കാരണമായത് ജെന്‍സണ് തമിഴ്‌സിനിമയിലെ ഒരു താരവുമായുള്ള മുഖസാദൃശ്യമാണ്. യോഗിബാബു എന്ന ഹാസ്യതാരത്തെയാണ് ഈ കഥാപാത്രത്തിലേക്ക് നിശ്ചയിച്ചിരുന്നത്. എന്നാല്‍, തിരക്കുകാരണം യോഗിബാബുവിന് അഭിനയിക്കാനായില്ല. അങ്ങനെയിരിക്കെയാണ് സംവിധായകരായ ജോണ്‍ പോള്‍ രാജും ശ്യാംസൂര്യയും മലയാളത്തിലിറങ്ങിയ ഡിജോ ജോസ് ആന്റണിയുടെ 'ക്വീന്‍' എന്ന സിനിമ കണ്ടത്. അതില്‍ ജെന്‍സണുണ്ടായിരുന്നു.

ജെന്‍സണ് യോഗിബാബുവിന്റെ മുഖഛായയുണ്ടെന്ന് കണ്ടെത്തിയാണ് ഫ്രണ്ട്ഷിപ്പ് സിനിമയിലേക്ക് ക്ഷണം ലഭിച്ചത്.

തൃശ്ശൂര്‍ അവണൂര്‍ സ്വദേശിയായ ജെന്‍സണ്‍ ആലപ്പാട്ട് നാട്ടിലെ കനിഷ്‌ക ക്ലബ്ബിലൂടെ നാടകം കളിച്ചാണ് രംഗത്തെത്തിയത്. വടക്കാഞ്ചേരി വ്യാസ കോളേജില്‍നിന്ന് ബി.എ. ഇക്കണോമിക്‌സ് ജയിച്ചശേഷം പ്രൊഫഷണല്‍ നാടകട്രൂപ്പായ തൃശ്ശൂര്‍ സ്റ്റേജ് ഇന്ത്യയില്‍ ചേര്‍ന്നു. രണ്ടുവര്‍ഷം 100 സ്റ്റേജുകളില്‍ വേഷമിട്ടു.

മലയാളത്തില്‍ റിലീസ് ചെയ്ത എട്ട് സിനിമകളിലും തമിഴില്‍ രണ്ട് സിനിമകളിലും അഭിനയിച്ചിട്ടുണ്ട്.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:03

'ഇയാള്‍ പുറത്തിറങ്ങി നടക്കുന്നത് കണ്ട് ആളുകള്‍ ഇനിയും കുട്ടികളെയൊക്കെ ആക്രമിക്കും'

Sep 21, 2022


popular front

1 min

'ഇന്ത്യയില്‍ ഇസ്‌ലാമിക ഭരണത്തിന് ഗൂഢാലോചന നടത്തി'; PFI നേതാക്കളുടെ റിമാന്‍ഡ് റിപ്പോര്‍ട്ടില്‍ NIA

Sep 23, 2022


amazon

3 min

74,999 രൂപയുടെ സാംസങ് ഗാലക്‌സി എസ്20 എഫ്ഇ 29,999 രൂപയ്ക്ക്; സ്മാര്‍ട്ട്‌ഫോണുകള്‍ക്ക് ഗംഭീര ഓഫറുകള്‍

Sep 24, 2022

Most Commented