മതവികാരം വ്രണപ്പെടുത്തുന്നു എന്നാരോപണം'; 'രാവണ്‍ ലീല'യുടെ പേര് മാറ്റി


ഹാര്‍ദിക് ഗജ്ജാർ സംവിധാനം ചെയ്യുന്ന ചിത്രം രാമലീല കലാകാരന്മാരായ രണ്ടുപേരുടെ കഥയാണ് പറയുന്നത്

ചിത്രത്തിന്റെ ട്രെയ്ലറിൽ നിന്ന്

മതവികാരം വ്രണപ്പെടുത്തുന്നുവെന്ന ആരോപണത്തെ തുടർന്ന് ബോളിവുഡ് ചിത്രം 'രാവണ്‍ ലീല'യുടെ പേര് മാറ്റി. 'ഭവായി' എന്നാണ് ചിത്രത്തിന് നല്‍കിയിരിക്കുന്ന പുതിയ പേര്. ചിത്രത്തിന്റെ ട്രെയ്ലർ‌ കഴിഞ്ഞ ദിവസം പുറത്തിറങ്ങിയതിന് പിന്നാലെയാണ് ഒരു വിഭാ​ഗം ആളുകൾ ചിത്രത്തിനെതിരേ രംഗത്തെത്തിയത്.

രാവണനെ മഹത്വവത്കരിക്കുകയും ശ്രീരാമനെക്കുറിച്ച് തെറ്റിദ്ധാരണ പരത്തുകയും ട്രെയ്ലറിലെ സംഭാഷണങ്ങളിലൂടെയും ചിത്രത്തിന്റെ ടൈറ്റിലിലൂടെയും രാവണന് അനുകൂലമായി അപകീർത്തികരവും ആക്ഷേപകരവുമായി ശ്രീരാമനെ ചിത്രീകരിക്കുകയും ചെയ്യുന്നുവെന്നാണ് മഹാരാഷ്ട്ര സ്വദേശിയായ കമലേഷ് ദേവിദയാൽ ​ഗുപ്ത ചിത്രത്തിന്റെ സംവിധായകനും രചയിതാവിനും നിർമാതാക്കൾക്കും അയച്ച നോട്ടീസിൽ പറയുന്ന ആരോപണം. ചിത്രത്തിൽ നിന്ന് ആരോപണവിധേയമായ രം​ഗങ്ങൾ നീക്കം ചെയ്ത് അണിയറപ്രവർത്തകർ നിരുപാധികമായി മാപ്പ് പറയണമെന്നും നോട്ടീസിൽ പറയുന്നു.

ഒരുവിഭാഗം പ്രേക്ഷകരുടെ വികാരം കണക്കിലെടുത്ത് ചിത്രത്തിന്റെ പേര് മാറ്റിയതായി നായകന്‍ പ്രതീക് ഗാന്ധി പ്രതികരിച്ചു. ഹാര്‍ദിക് ഗജ്ജാർ സംവിധാനം ചെയ്യുന്ന ചിത്രത്തിൽ രാമലീല കലാകാരനായ രാജാറാം ജോഷി എന്ന കഥാപാത്രത്തെയാണ് പ്രതീക് അവതരിപ്പിക്കുന്നത്. രാമലീല കലാകാരന്മാരായ രണ്ടുപേരുടെ കഥ പറയുന്ന ചിത്രം രാവണനെ ചിത്രത്തിൽ മഹത്വവത്കരിക്കുന്നില്ലെന്നും വ്യക്തമാക്കി.

അയിന്ത്രിത റോയി, രാജേന്ദ്ര ഗുപ്ത, രാജേഷ് ശര്‍മ, അഭിമന്യു സിങ് എന്നിവരാണ് ചിത്രത്തിലെ മറ്റു പ്രധാന താരങ്ങള്‍. തീയേറ്ററുകളിൽ ഒക്ടോബർ 1ന് ചിത്രം പ്രദർശനത്തിനെത്തുമെന്നാണ് റിപ്പോർട്ടുകൾ.

content highlights : Hurting Hindu sentiments, Raavan Leela changes name to Bhavai

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented