hrithik
ഫോട്ടോ: ടി.കെ.പ്രദീപ് കുമാർ

കൊച്ചി: ചുവടുകള്‍ കൊണ്ട് ആരാധകരെ ആവേശത്തിലാക്കുന്ന സാക്ഷാല്‍ ഹൃത്വിക്ക് റോഷനെ ഒരു നിമിഷം അത്ഭുപ്പെടുത്തി കൊച്ചിക്കാരി മെറിന്‍ അഗസ്റ്റിന്‍. തനിക്കൊപ്പം നൃത്തംവയ്ക്കാന്‍ ആരെങ്കിലും തയ്യാറുണ്ടോ എന്ന ഹൃത്വിക്കിന്റെ വെല്ലുവിളി ധൈര്യത്തോടെ ഏറ്റെടുത്തവളാണ് കലൂര്‍ സ്വദേശി മെറിന്‍.

hrithik roshan

ലുലു മാളില്‍ റാഡോ ലൈറ്റ്‌നസ് കളക്ഷന്റെ പ്രചരണാര്‍ഥം നടത്തിയ ചടങ്ങില്‍ പലരും ശങ്കിച്ച് നിന്നപ്പോള്‍ സങ്കോചമൊട്ടുമില്ലാതെ വേദിയിലേയ്ക്ക് കയറിവരികയായിരുന്നു മെറിന്‍. പിന്നെ ഒട്ടും ശങ്കിച്ചില്ല. ഹൃത്വിക്കിനൊപ്പം എല്ലാം മറന്ന് ചുവടുവച്ചു. നൃത്തം കണ്ട ആവേശഭരിതനായ ഹൃത്വിക്ക് പിന്നെ മെറിനെ കൈകളില്‍ കോരിയെടുത്തു, പണ്ട് റിമി ടോമിയെ ഷാരൂഖ് ഖാന്‍ കോരിയെടുത്തപോലെ. നിനയ്ക്കാതെ വിലയേറിയ സമ്മാനം കിട്ടിയ സന്തോഷത്തിലായിരുന്നു മെറിന്‍ അപ്പോള്‍.

ഷാരൂഖിന്റെ റയീസുമായി തന്റെ ചിത്രം കാബില്‍ ബോക്‌സ്ഓഫീസില്‍ തകര്‍ത്ത് മത്സരിക്കുന്നതിനിടെയാണ് ഹൃത്വിക്ക് കൊച്ചിയിലെത്തിയത്. ചടങ്ങിന്റെ ചിത്രങ്ങള്‍ ഹൃത്വിക്ക് തന്നെ ട്വീറ്റ് ചെയ്തിട്ടുണ്ട്.