ഹൃത്വിക്ക് റോഷനും സൂസെനും. ഇൻസ്റ്റാഗ്രാമിൽ പോസ്റ്റ് ചെയ്ത ചിത്രം
വിവാഹബന്ധം വേർപിരിഞ്ഞതിന് ശേഷവും നല്ല സുഹൃത്തുക്കളായി തുടരുന്നവരാണ് ബോളിവുഡ് സൂപ്പർതാരം ഹൃത്വിക്ക് റോഷനും സുസാനെയും. സാമൂഹിക മാധ്യമങ്ങളിൽ സജീവമായ ഇരുവരും പരസ്പരം പിന്തുണ നൽകാറുമുണ്ട്. ഇപ്പോഴിതാ ഒരു ചിത്രത്തിലൂടെ സോഷ്യൽ മീഡിയയെ ഒന്നടങ്കം ഞെട്ടിച്ചിരിക്കുകയാണ് രണ്ടുപേരും. തങ്ങളുടെ പുതിയ പങ്കാളികൾക്കൊപ്പം ഒരേ ഫോട്ടോയിൽ ഒരുമിച്ചെത്തിയാണ് ഈ പഴയ താരദമ്പതിമാർ പുത്തൻ ചർച്ചകൾക്ക് തുടക്കമിട്ടിരിക്കുന്നത്.
ഹൃത്വിക്, സുഹൃത്തായ സാബാ ആസാദ്, സൂസാനെ പുതിയ പങ്കാളി അർസ്ലാൻ ഗോനി എന്നിവരാണ് ചിത്രത്തിലുള്ളത്. ഗോവയിൽ ഒരു ഹോട്ടൽ ഉദ്ഘാടനത്തിനെത്തിയതാണ് ഇവർ. സൂസാനെ കഴിഞ്ഞദിവസം ഇൻസ്റ്റാഗ്രാമിൽ പോസ്റ്റ് ചെയ്ത വീഡിയോയിലാണ് നാലുപേരും ഒരുമിച്ചുള്ള ചിത്രമുള്ളത്. നിരവധി പേരാണ് ഇതിന് കമന്റുകളുമായെത്തിയത്.
ഈ വർഷം ജനുവരിയിൽ മുംബൈയിൽ ഒരു ഭക്ഷണശാലയിലാണ് ഹൃത്വിക്കിനേയും നടിയും ഗായികയുമായ സാബയേയും ആദ്യമായി ഒരുമിച്ച് കാണുന്നത്. ഇതോടെയാണ് ഇരുവരും പ്രണയത്തിലാണെന്ന ഗോസിപ്പുകൾ പടർന്നത്. സൂസാനേയും അർസ്ലാനേയും പലയിടങ്ങളിലും ഒന്നിച്ച് കണ്ടിട്ടുണ്ട്. ഇരുവരും ഒന്നിച്ചുള്ള ചിത്രങ്ങൾ സാമൂഹികമാധ്യമങ്ങളിലും പങ്കുവെയ്ക്കപ്പെട്ടിരുന്നു. തങ്ങൾ പ്രണയത്തിലാണെന്ന് സൂസാനെ തന്നെ വ്യക്തമാക്കിയിരുന്നു.
തമിഴ് ചിത്രമായ വിക്രം വേദയുടെ റീമേക്കിലാണ് ഹൃത്വിക്ക് ഇപ്പോൾ അഭിനയിച്ചുകൊണ്ടിരിക്കുന്നത്. സെയ്ഫ് അലി ഖാനാണ് ചിത്രത്തിലെ മറ്റൊരു താരം. ദീപികാ പദുക്കോണിനൊപ്പമുള്ള ഫൈറ്റർ എന്ന ചിത്രമാണ് നടന്റേതായി തൊട്ടുപിന്നാലെ വരാനിരിക്കുന്നത്.
Content Highlights: Hrithik Roshan, Saba Azad, Sussanne Khan and Arslan Goni
Also Watch
RELATED STORIES
IN CASE YOU MISSED IT
.png?$p=2acd654&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..