ലോസ് ആഞ്ജലീസ്; ഹോളിവുഡ് നിടി സിസെലി ടൈസണ്‍ (96) അന്തരിച്ചു. നടിയുടെ മരണവാര്‍ത്ത മനേജര്‍ ലാറി തോംസണാണ് പുറത്ത് വിട്ടത്. വാര്‍ധക്യസഹജമായ രോഗങ്ങളെ തുടര്‍ന്ന് ചികിത്സയിലായിരുന്നു.
കാരിബ് ഗോള്‍ഡ് എന്ന ചിത്രത്തിലൂടെയാണ് 1950-കളിലാണ് സിനിമയില്‍ അരങ്ങേറ്റം കുറിച്ചത്. 1970-ല്‍ സൗണ്ടര്‍ എന്ന ചിത്രത്തിലൂടെ പ്രശസ്തിയിലേക്കുയര്‍ന്നു. ഹൂഡ്‌ലം, ഡയറി ഓഫ് എ മാഡ് ബ്ലാക്ക് വുമണ്‍, ദ ഹെല്‍പ്പ്, ദ ഓട്ടോബയോഗ്രഫി ഓഫ് മിസ് ജെയിന്‍ പിറ്റ്മാന്‍, വിഡോ ടെല്‍സ് ഓള്‍, ദ ബ്ലൂ ബേഡ്, അലക്‌സ് ക്രോസ് എന്നിവയാണ് പ്രധാനപ്പെട്ട ചിത്രങ്ങള്‍. 2020-ല്‍ പുറത്തിറങ്ങിയ എ ഫാള്‍ ഫ്രം ഗ്രേസിലാണ് അവസാനമായി അഭിനയിച്ചത്. സൗണ്ടറിലെ അഭിനയത്തിന് മികച്ച നടിക്കുള്ള ഓസ്‌കര്‍ നാമനിര്‍ദ്ദേശം നേടിയിരുന്നു. ലോക സിനിമയ്ക്ക് നല്‍കിയ സംഭാവനയ്ക്ക് 2018-ല്‍ ഓണററി ഓസ്‌കാര്‍ പുരസ്‌കാരം നല്‍കി ആദരിച്ചു.
മൂന്ന് പ്രൈം ടൈം എമ്മി പുരസ്‌കാരങ്ങളും നാല് ബ്ലാക്ക് റീല്‍ പുരസ്‌കാരങ്ങളും ഒരു സ്‌ക്രീന്‍ ആക്ടേഴ്‌സ് ഗില്‍ പുരസ്‌കാരവും നേടി. ഒട്ടനവധി ടെലിവിഷന്‍ സീരിയലുകളില്‍ വേഷമിട്ടിട്ടുണ്ട്.
1942-ലായിരുന്നു ആദ്യ വിവാഹം. കെന്നത്ത് ഫ്രാങ്ക്‌ളിനായിരുന്നു ഭര്‍ത്താവ്. 1956-ല്‍ ഇവര്‍ വേര്‍പിരിഞ്ഞു. 1957-ല്‍ നടന്‍ ബില്ലി ടീ വില്ല്യംസിനെ വിവാഹം ചെയ്തു. 1956-ല്‍ ഈ ബന്ധവും അവസാനിച്ചു. 1981-ല്‍ അമേരിക്കന്‍ സംഗീതജ്ഞന്‍ മില്ലി ഡേവിസിനെ വിവാഹം ചെയ്തു. ഈ ബന്ധവും അധികം കാലം നീണ്ടു നിന്നില്ല. 1988-ല്‍ വിവാഹമോചനം നേടി.
Content Highlights: Hollywood actor Cicely Tyson passes away
