ന്യൂയോര്‍ക്ക്: അമേരിക്കന്‍ നടനും സംവിധായകനും സ്റ്റാന്‍ഡ് അപ്പ് കൊമേഡിയനുമായ ഡസ്റ്റിന്‍ ഡൈമണ്ട് അന്തരിച്ചു. 44 വയസ്സായിരുന്നു.ആഴ്ചകള്‍ക്ക് മുന്‍പാണ് നടന് അര്‍ബുദം സ്ഥിരീകരിച്ചത്. എന്നാല്‍ അപ്പേഴേക്കും ചികിത്സ ഫലിക്കാത്തവിധത്തില്‍ ശരീരമാകെ പടര്‍ന്നിരുന്നു. തിങ്കളാഴ്ചയോടെ നില വഷളായി. ചൊവ്വാഴ്ച രാവിലെ പുലര്‍ച്ചെ 2 മണിക്കായിരുന്നു അന്ത്യം.
ദ പ്രൈസ് ഓഫ് ലൈഫ് എന്ന സിനിമയിലൂടെയാണ് അദ്ദേഹം അഭിനയ ജീവിതത്തിന് തുടക്കം കുറിച്ചത്. പിന്നീട് അമേരിക്കന്‍ പ്ലേ ഹൗസ്, ഇറ്റ് ഈസ് എ ലിവിങ്, യോഗീസ് ഗ്രേറ്റ് എസ്‌കേപ്പ് തുടങ്ങിയ ടിവി സീരിയലുകളില്‍ വേഷമിട്ടു. സേവ്ഡ് ബൈ ദ ബെല്‍ എന്ന സീരിയലിലൂടെ ശ്രദ്ധനേടി. ലോങ്‌ഷോട്ട്, മേയ്ഡ് തുടങ്ങിയ ചിത്രങ്ങളിലും വേഷമിട്ടു. കൂടാതെ ഒട്ടനവധി റിയാലിറ്റിഷോകളില്‍ അവതാരകനായും മത്സരാര്‍ഥിയായും ഡസ്റ്റിന്‍ പ്രത്യക്ഷപ്പെട്ടിട്ടുണ്ട്.
ജെന്നിഫര്‍ മിസ്‌നെറായിരുന്നു ഭാര്യ. 2009 ലായിരുന്നു ഇവരുടെ വിവാഹം. 2013 ല്‍ ഇവര്‍ വേര്‍പിരിഞ്ഞു.
Content Highlights: Dustin Diamond American actor passed away Weeks After Cancer Diagnosis
