'സീതാരാമം' റിലീസ് ദിവസം സന്തോഷം കൊണ്ട് കരഞ്ഞുപോയി, ഈ സ്നേഹം വർണിക്കാൻ വാക്കുകളില്ല -ദുൽഖർ


സ്വപ്നയും സംവിധായകൻ ഹനുവും സീതാ രാമവുമായി സമീപിക്കുമ്പോൾ താൻ സുരക്ഷിതമായ കൈകളിലാണെന്ന് അറിയാമായിരുന്നെന്ന് ദുൽഖർ എഴുതി.

ദുൽഖർ സൽമാൻ | ഫോട്ടോ: ഷാനി ഷാകി | മാതൃഭൂമി

തിയേറ്ററുകളിൽ വിജയകരമായി പ്രദർശനം തുടരുകയാണ് ദുൽഖർ സൽമാൻ നായകനായ തെലുങ്ക് ചിത്രമായ 'സീതാരാമം'. ചിത്രം പ്രേക്ഷകർ ഏറ്റെടുത്തതിൽ നന്ദിയറിയിച്ചും സന്തോഷം പ്രകടിപ്പിച്ചും ഒരു തുറന്ന കത്തുമായി രം​ഗത്തെത്തിയിരിക്കുകയാണ് ദുൽഖർ. സിനിമയിലെ കഥാപാത്രമായ റാമിന്റെ പേരിലാണ് കത്ത് സോഷ്യൽ മീഡിയയിൽ പോസ്റ്റ് ചെയ്തിട്ടുള്ളത്.

സ്വപ്നയും സംവിധായകൻ ഹനുവും 'സീതാരാമ'വുമായി സമീപിക്കുമ്പോൾ താൻ സുരക്ഷിതമായ കൈകളിലാണെന്ന് അറിയാമായിരുന്നെന്ന് ദുൽഖർ എഴുതി. നൽകുന്നത് ​മികച്ച ചിത്രമാണെന്നും നേരിട്ടുള്ള തെലുങ്ക് ചിത്രങ്ങൾ ചെയ്യണമെന്നാണ് എപ്പോഴും ആ​ഗ്രഹിക്കുന്നത്. സിനിമയ്ക്ക് പിന്നിൽ എല്ലാവരുടേയും കൂട്ടായ പ്രവർത്തനമുണ്ട്. എല്ലാവരും ഒത്തുചേർന്ന് പരിശ്രമിച്ചതിനാലാണ് 'സീതാരാമം' ഇത്രയും മനോഹരമായതെന്നും അദ്ദേഹം പറഞ്ഞു.

"സിനിമയെ ആളുകൾ നിറഞ്ഞമനസോടെ സ്വീകരിക്കുന്നതുകണ്ട് റിലീസ് ദിവസം കരഞ്ഞുപോയി. നിങ്ങൾ കാണിക്കുന്ന സ്നേഹത്തെ എങ്ങനെയാണ് വാക്കുകൾകൊണ്ട് വർണിക്കേണ്ടതെന്ന് അറിയില്ല. തെലുങ്കിലെ സിനിമാ പ്രേമികളോടും സിനിമയെന്ന കലാരൂപത്തെ ഏറ്റവുമധികം വിശ്വസിക്കുന്നവർക്കും നന്ദി പറയുന്നു. ഞാൻ നിങ്ങളുടെ സ്വന്തമാണെന്ന തോന്നൽ എന്നിലുണ്ടാക്കിയതിനും നന്ദി." ദുൽഖർ കുറിച്ചു.

ഓ.കെ. കണ്മണിയുടെ തെലുങ്ക് മൊഴിമാറ്റ പതിപ്പായ ഓ.കെ. ബം​ഗാരമാണ് ദുൽഖറിന്റേതായി തെലുങ്കിൽ ആദ്യം റിലീസ് ചെയ്ത ചിത്രം. ഇതിന്റെ സംവിധായകനായ മണിരത്നത്തിനും കത്തിൽ നന്ദി പറയുന്നുണ്ട്. നാ​ഗ് അശ്വിൻ സംവിധാനം ചെയ്ത മഹാനടി, കണ്ണും കണ്ണും കൊള്ളയടിത്താൽ, കുറുപ്പ് എന്നീ ചിത്രങ്ങളുടെ ഡബ്ബിങ് പതിപ്പ് എന്നിവയാണ് ദുൽഖറിന്റേതായി ഇതിനുമുമ്പ് എത്തിയ തെലുങ്ക് ചിത്രങ്ങൾ.

Content Highlights: dulquer salmaan tweet about sita ramam movie success, sita ramam movie


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented