പഴശ്ശിരാജയ്ക്ക് വേണ്ടിയും കൃഷ്ണമൂർത്തിയെ ക്ഷണിച്ചു, ‌പക്ഷേ അനാരോ​ഗ്യം കാരണം അദ്ദേഹമത് നിരസിച്ചു: ഹരിഹരൻ


ശ്രീലക്ഷ്മി മേനോൻ

വളരെ കലാബോധമുള്ള, ആത്മാർഥമായി പ്രവൃത്തിക്കുന്ന സിനിമയിലെ അപൂർവം വ്യക്തിത്വങ്ങളിൽ ഒരാളായിരുന്നു കൃഷ്ണമൂർത്തി

ഹരിഹരൻ, പി.കൃഷ്ണമൂർത്തി

ന്തരിച്ച കലാസംവിധായകൻ പി.കൃഷ്ണമൂർത്തിയെ അനുസ്മരിച്ച് സംവിധായകൻ ഹരിഹരൻ. ഒരു വടക്കൻ വീര​ഗാഥ, പരിണയം, ഒളിയമ്പുകൾ തുടങ്ങിയ ഹരിഹരൻ ചിത്രങ്ങളിൽ കലാസംവിധായകനായിരുന്നത് കൃഷ്ണമൂർത്തിയായിരുന്നു. ഒരു വടക്കൻ വീര​ഗാഥയുടെ കലാസംവിധാനത്തിനും വസ്ത്രാലങ്കാരത്തിനും കൃഷ്ണമൂർത്തിക്ക് ദേശീയ പുരസ്കാരവും ലഭിച്ചിരുന്നു. പഴശ്ശിരാജയിലും കലാസംവിധാനം ചെയ്യാൻ കൃഷ്ണമൂർത്തിയെ സമീപിച്ചിരുന്നുവെങ്കിലും ശാരീരികാസ്വസ്ഥതകൾ ചൂണ്ടിക്കാണിച്ച് അദ്ദേഹം ആ ക്ഷണം നിരസിക്കുകയായിരുന്നുവെന്ന് ഹരിഹരൻ ഓർക്കുന്നു. കൃഷ്ണമൂർത്തിയുടെ വിയോ​ഗം ഇന്ത്യൻ സിനിമയ്ക്ക് തന്നെ വലിയ നഷ്ടമാണെന്നും ഹരിഹരൻ പറഞ്ഞു

"വളരെ കലാബോധമുള്ള, ആത്മാർഥമായി പ്രവൃത്തിക്കുന്ന സിനിമയിലെ അപൂർവം വ്യക്തിത്വങ്ങളിൽ ഒരാളായിരുന്നു കൃഷ്ണമൂർത്തി. വടക്കൻ വീര​ഗാഥ, ഒളിയമ്പുകൾ, പരിണയം തുടങ്ങിയ ചിത്രങ്ങളിൽ കൃഷ്ണമൂർത്തി എനിക്കൊപ്പം പ്രവൃത്തിച്ചിട്ടുണ്ട്. പഴശ്ശിരാജയ്ക്ക് വേണ്ടിയും കൃഷ്ണമൂർത്തിയെ ഞാൻ വിളിച്ചിരുന്നു. എന്നാൽ അനാരോ​ഗ്യം കാരണം ആ ക്ഷണം അദ്ദേഹം നിരസിച്ചു. അന്നേ അദ്ദേഹത്തിന് ശാരീരികാസ്വസ്ഥതകൾ ഉണ്ടായിരുന്നു. വെറുതെ വന്നിരുന്നാൽ മതി വേറെ ആരെയെങ്കിലും വച്ച് ചെയ്യിച്ചോളാം എന്ന് വരെ പറഞ്ഞു. യാത്ര ചെയ്യാനൊന്നും തീരെ വയ്യായിരുന്നു.

വടക്കൻ വീര​ഗാഥ, വൈശാലി, തുടങ്ങിയ ചിത്രങ്ങൾ കണ്ടാൽ അറിയാം അദ്ദേഹത്തിന്റെ കലാമികവ്. എത്രത്തോളം റിയലിസ്റ്റിക് ആക്കി അവതരിപ്പിക്കാമോ അതിനായി ധാരാളം ​ഗവേഷണം നടത്തുമായിരുന്നു. ചരിത്ര പുരാതന ചിത്രങ്ങൾ ഒക്കെയാണെങ്കിൽ ആ കാലത്ത് എങ്ങനെ ആയിരുന്നു കൊട്ടാരങ്ങൾ, ക്ഷേത്രങ്ങൾ, വസ്ത്രധാരണരീതി...എന്നിങ്ങനെ എല്ലാ കാര്യങ്ങളിലും സ്വന്തം രീതിയിൽ ​ഗവേഷണം നടത്തും. അഞ്ച് തവണ അദ്ദേഹത്തിന് ദേശീയ പുരസ്കാരം ലഭിച്ചിട്ടുണ്ട്. അതെല്ലാം അദ്ദേഹത്തിന്റെ ആത്മാർഥതയുടെ ഫലമാണ്.

എല്ലാത്തിലുമുപരി വളരെ ലളിതമായി ജീവിക്കുന്ന, എളിമയുള്ള, ഈശ്വര ഭക്തനായ ഒരു വ്യക്തിയാണ് കൃഷ്ണമൂർത്തി. ധനമോഹമല്ല, തന്റെ ജോലി ആത്മാർഥമായും സത്യസന്ധമായും ചെയ്യുക എന്നതായിരുന്നു അ​ദ്ദേഹത്തിന്റെ പ്രധാന ലക്ഷ്യം. ധന ലാഭത്തിന് സ്ഥാനം അതിനെല്ലാം ശേഷമാണ്. അങ്ങനെയുള്ളവർ വളരെ അപൂർവമാണ് സിനിമയിൽ. അദ്ദേഹത്തിന്റെ വിയോ​ഗം വലിയ ഒരു നഷ്ടമാണ് ഇന്ത്യൻ സിനിമയ്ക്ക്".

Content Highlighgts : Director Hariharan Remembers Late Award winning art director P Krishnamoorthy


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


05:30

കൊച്ചിയുടെ ഉറക്കം കെടുത്തിയ മരിയാർപൂതത്തെ മൽപിടിത്തത്തിലൂടെ പിടികൂടി തമിഴ്നാട് സ്വദേശി

Oct 3, 2022

Most Commented