.png?$p=83deaf4&f=16x10&w=856&q=0.8)
ഭദ്രൻ, എസ്.പി വെങ്കടേഷ് | photo: fb/bhadran
തലമുറ വ്യത്യാസമില്ലാതെ പ്രേക്ഷകര്‍ നെഞ്ചേറ്റിയ 'സ്ഫടികം' 28 വര്‍ഷങ്ങള്‍ക്ക് ശേഷം വീണ്ടും 4K ഡോള്‍ബി അറ്റ്‌മോസ് സാങ്കേതിക മികവില്‍ തിയേറ്ററുകളില്‍ റിലീസിനൊരുങ്ങുകയാണ്.
പുത്തന്‍ സാങ്കേതിക വിദ്യകളുടെ അകമ്പടിയോടെയാണ് ചിത്രത്തിന്റെ റീറിലീസ്. ഫെബ്രുവരി ഒന്‍പതിന് 4K ഡോള്‍ബി അറ്റ്‌മോസ് ദൃശ്യ-ശ്രവ്യ ചാരുതയോടെ 'സ്ഫടികം' കേരളത്തില്‍ 150-ല്‍ പരം തിയേറ്ററുകളിലും ലോകമെമ്പാടും 500-ല്‍ പരം തിയേറ്ററുകളിലുമാകും റിലീസ് ചെയ്യുക.
ഇപ്പോഴിതാ സംവിധാകന്‍ ഭദ്രന്‍ സിനിമയുടെ റീ മാസ്റ്ററിംഗ് ജോലികള്‍ക്കിടയില്‍ തന്റെ മനസ്സുടക്കിയ ഒരു ചിത്രവും കുറിപ്പും ഫേസ്ബുക്കില്‍ പങ്കുവെച്ചിരിക്കുകയാണ്. സ്ഫടികത്തിന്റെ സംഗീത സംവിധായകന്‍ എസ്.പി വെങ്കിടേഷിനെക്കുറിച്ചാണ് ഭദ്രന്‍റെ കുറിപ്പ്.
'എന്റേയും കണ്ണ് നിറയിച്ച നിമിഷമായിരുന്നു അത്. യാദൃശ്ചികമായി ക്യാമറയില്‍ പെട്ട ഈ ചിത്രം ഞാന്‍ എന്നും സൂക്ഷിക്കും. എത്രയോ പ്രാവശ്യം കണ്ട് സംഗീതം ചെയ്ത ഈ സിനിമ ഒരിക്കല്‍ കൂടി 4K അറ്റ്‌മോസിന് വേണ്ടി സംഘര്‍ഷ ഭരിതമായ സീനുകളിലൂടെ മ്യൂസിക് ചെയ്തുകൊണ്ടിരിക്കുമ്പോള്‍ ആ ഹൃദയം ഒരു നിമിഷം ഖനീഭവിച്ചു. ആ കണ്ണുകള്‍ നിറഞ്ഞു ഒഴുകി. ഇതിന്റെ അപാരമായ ബാക്ഗ്രൗണ്ട് സ്‌കോറും ഇതിലെ പാട്ടുകളും ഈ സിനിമയെ എത്രമാത്രം സഹായിച്ചു എന്ന് എത്ര വാക്കുകള്‍ ചേര്‍ത്ത് പറഞ്ഞാലും മതിയാവില്ല. എന്റെ ഹൃദയത്തില്‍ നിന്നും എന്നും എസ്.പിക്ക് സൂക്ഷിക്കാന്‍ ഒരു കുതിരപ്പവന്‍'', ഭദ്രന്‍ ഫേസ്ബുക്കില്‍ കുറിച്ചു.
തിലകന്‍, രാജന്‍ പി. ദേവ്, ഉര്‍വ്വശി, ചിപ്പി, കെ.പി.എ.സി. ലളിത, എന്‍എഫ് വര്‍ഗ്ഗീസ്, സില്‍ക്ക് സ്മിത തുടങ്ങി നിരവധി പ്രഗത്ഭഭരായ താരനിരയാണ് സ്ഫടികത്തിലുള്ളത്. ചാക്കോ മാഷായി തിലകനും തോമാച്ചായനായി മോഹന്‍ലാലും മത്സരിച്ച് അഭിനയിച്ച ചിത്രം ഒട്ടേറെ വൈകാരിക മുഹൂര്‍ത്തങ്ങളും സ്നേഹ ബന്ധങ്ങളുടെ ഊഷ്മളതയും മലയാളികള്‍ക്ക് സമ്മാനിച്ചിരുന്നു. 1995-ലാണ് ഭദ്രന്‍ 'സ്ഫടികം' ഒരുക്കിയത്. സ്വാഭാവികമായ നിരവധി സംഘട്ടന രംഗങ്ങളാലും ഏറെ ചര്‍ച്ചയായ സിനിമയായിരുന്നു സ്ഫടികം. ഒരു ബിഗ് ബജറ്റ് സിനിമയുടെ എല്ലാ ചേരുവുകളും ചേര്‍ത്തുകൊണ്ടാണ് ചിത്രം റീറിലീസിനെത്തുന്നത്.
4K ദൃശ്യ -ശ്രവ്യ മികവില്‍ ചിത്രമിറങ്ങുമ്പോള്‍ നവയുഗ സിനിമകളുടെ എല്ലാ സവിശേഷതകളോടും കൂടെ പ്രായഭേദമന്യേ ഏവര്‍ക്കും ആഘോഷിക്കാനും ആസ്വദിക്കാനുമുള്ളതെല്ലാം ഈ സിനിമയിലുണ്ടാകുമെന്നാണ് ഭദ്രന്‍ ഉറപ്പുനല്‍കിയിരിക്കുന്നത്. ഏതാനും പുതിയ ഷോട്ടുകളും സിനിമയിലുണ്ടാകുമെന്ന് ഭദ്രന്‍ വെളിപ്പെടുത്തിയിട്ടുണ്ട്.
ഭദ്രനും സുഹൃത്തുക്കളും ചേര്‍ന്ന് രൂപീകരിച്ച ജ്യോമെട്രിക്‌സ് എന്ന പുതിയ കമ്പനി വഴിയാണ് സ്ഫടികം സിനിമയുടെ റീറിലീസ്. ചെന്നെ ഫോര്‍ ഫ്രെയിംസ് സ്റ്റുഡിയോയിലാണ് സിനിമയുടെ റീമാസ്റ്ററിംഗ് നടന്നത്. പി.ആര്‍.ഒ -മഞ്ജു ഗോപിനാഥ്, മാര്‍ക്കറ്റിംഗ് സ്‌നേക്ക് പ്ലാന്റ്.
Content Highlights: director bhadran facebook post about sp venkatesh
Also Watch
RELATED STORIES
.jpg?$p=fc20cf2&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.png?$p=a8a5e14&q=0.8&f=16x11&w=104)
.png?$p=b15303e&q=0.8&f=16x11&w=104)
.png?$p=a0bbb91&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..