ധർമജൻ ബോൾഗാട്ടി, അടൂർ ഗോപാലകൃഷ്ണൻ | ഫോട്ടോ: വി.പി. പ്രവീൺ കുമാർ, ബിജു വർഗീസ് | മാതൃഭൂമി
മോഹൻലാലിനെ 'നല്ല റൗഡി' എന്നുവിശേഷിപ്പിച്ച അടൂർ ഗോപാലകൃഷ്ണനെതിരെ വിമർശനവുമായി നടൻ ധർമജൻ ബോൾഗാട്ടി. മോഹൻലാലിനെ ഇങ്ങനെ വിശേഷിപ്പിക്കാൻ കാരണം അടൂർ മോഹൻലാലിന്റെ നല്ല സിനിമകൾ കാണാത്തതുകൊണ്ടാണെന്ന് ധർമജൻ കുറ്റപ്പെടുത്തി. ഫെയ്സ്ബുക്കിലെഴുതിയ കുറിപ്പിലാണ് ധർമജന്റെ വിമർശനം.
അടൂർ സാറിനോട് രണ്ട് വാക്ക് പറയണമെന്ന് തോന്നിയത് കൊണ്ടാണ് എന്നുപറഞ്ഞുകൊണ്ടാണ് ധർമജന്റെ കുറിപ്പ് ആരംഭിക്കുന്നത്. മോഹൻലാൽ എന്ന നടൻ ഞങ്ങൾക്ക് വലിയ ആളാണെന്നും അടൂർ സാർ മോഹൻലാലിന്റെ നല്ല സിനിമകൾ കണ്ടിട്ടില്ലാത്തത് കൊണ്ടാണെന്നും അദ്ദേഹം എഴുതി.
"മോഹൻലാൽ സാധാരണക്കാരനായിട്ട് അഭിനയിച്ച ഒരുപാട് സിനിമകളുണ്ട്. സാർ സാറിന്റെ പടത്തിൽ അഭിനയിപ്പിച്ചിട്ടില്ലെങ്കിലും കുഴപ്പമില്ല. പക്ഷേ മോഹൻലാൽ എന്നും വലിയ നടനാണ്, വലിയ മനുഷ്യനാണ്. സാർ സാറിന് പറ്റിയ ആളുകളെകൊണ്ട് അഭിനയിപ്പിച്ചോളൂ. പക്ഷേ ലാലേട്ടന് നേരെ മോശം വാക്കുകൾ ഉപയോഗിക്കരുത്" എന്നുപറഞ്ഞുകൊണ്ടാണ് ധർമജൻ കുറിപ്പ് അവസാനിപ്പിക്കുന്നത്.
ദി ന്യൂ ഇന്ത്യന്‍ എക്സ്പ്രസിന്റെ അഭിമുഖ പരിപാടിയായ എക്സ്പ്രസ് ഡയലോഗില്‍ സംസാരിക്കവേയാണ് അടൂര്‍ പരാമർശം നടത്തിയത്. എന്തുകൊണ്ടാണ് മോഹൻലാലിനെ വെച്ച് സിനിമ ചെയ്യാത്തത് എന്ന ചോദ്യത്തിന് മോഹന്‍ലാലിന്റെ 'നല്ല റൗഡി' പ്രതിച്ഛായ തനിക്ക് പ്രശ്‌നമായിരുന്നുവെന്നായിരുന്നു അടൂരിന്റെ ഉത്തരം. നടിയെ ആക്രമിച്ച കേസില്‍ ദിലീപ് നിരപരാധിയാണെന്നാണ് തന്റെ വിശ്വാസമെന്നും ഒരു തെളിവും ഇല്ലാതെ ഒരാളെ മുദ്രകുത്തുന്നതിനോട് താന്‍ എതിരാണെന്നും ഇതേ അഭിമുഖത്തിൽ അടൂർ പറഞ്ഞിരുന്നു.
Content Highlights: dharmajan bolgatty against adoor gopalakrishnan, adoor on mohanlal
Also Watch
RELATED STORIES
.jpg?$p=998287b&f=1x1&w=100&q=0.8)
.jpg?$p=8a6554b&f=1x1&w=100&q=0.8)
IN CASE YOU MISSED IT
.jpg?$p=1990e2a&f=1x1&w=100&q=0.8)
.jpg?$p=a80322e&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..