08 August 2020, 11:45 AM IST

1 min read

Read later

കരനെല്ലിൽ ടൊവീനോയെ ഒരുക്കി വിസ്മയം തീർത്തി പ്രശസ്ത ശിൽപി ഡാവിഞ്ചി സുരേഷ്. നേരത്തെയും വ്യത്യസ്ത മാധ്യമങ്ങൾ ഉപയോഗിച്ച് കലാകാരന്മാരുടെ മുഖങ്ങൾ ഒരുക്കി ഡാവിഞ്ചി സുരേഷ് ഞെട്ടിച്ചിട്ടുണ്ട്. വിറകിൽ തീർത്ത പൃഥ്വിരാജിന്റെ മുഖവും തുണികൾ കൊണ്ട് ഒരുക്കിയ അന്തരിച്ച നടൻ അബിയുടെ ചിത്രവും അടുക്കള ഉപകരണങ്ങളിലൂടെ മോഹൻലാലിൻറെയും ആണികൾ ഉപയോഗിച്ച് ഫഹദ് ഫാസിലിൻറെയും ചിത്രങ്ങളും അതിൽ ചിലതാണ്. അക്കൂട്ടത്തിൽ പുതിയതാണ് കരനെല്ലിൽ തീർത്ത ടൊവിനോയുടെ മുഖം.

കഴിമ്പ്രം ബീച്ചിനടുത്ത് പതിമൂന്നാം വാർഡിൽ കാർഷിക കൂട്ടായ്മ നടത്തുന്ന കൃഷി സ്ഥലത്തു കര നെല്ല് ഉപയോഗിച്ച് കൊണ്ടാണ് പുതിയ ചിത്രരചനയുടെ അദ്ധ്യായം സുരേഷ് കുറിക്കുന്നത്.

"കഴിമ്പ്രം ബീച്ചിനടുത്ത് പതിമൂന്നാം വാർഡിൽ കാർഷിക കൂട്ടായ്മ നടത്തുന്ന കൃഷി സ്ഥലത്തു കര നെല്ല് ഉപയോഗിച്ച് കൊണ്ടാണ് പുതിയ ചിത്രരചനയുടെ അദ്ധ്യായം കുറിക്കുന്നത്. വ്യത്യസ്ത മീഡിയങ്ങളിൽ ചിത്രങ്ങളും ശില്പങ്ങളും രചിക്കുന്ന അന്വഷണയാത്രയിൽ ആണ് നെല്ല് കൊണ്ടും ചിത്രം സാധ്യമാക്കാനുള്ള ശ്രമം തുടങ്ങിയത്. പ്രളയ സമയത്തെ സേവനങ്ങൾ കൊണ്ട് ജനഹൃദയങ്ങളിൽ കുടിയേറിയ സിനിമാ താരം ടോവിനോ തോമസ് ആണ് ഈ ചിത്രത്തിലെ താരം. ഒറ്റ ദിവസം കൊണ്ടാണ് ചിത്രം തീർത്തത്. ക്യാമറയിൽ പകർത്തിയ സിംബാദും ചാച്ചനും സഹായിയായി രാകേഷ് പള്ളത്തും കാർഷിക കൂട്ടായ്മയിലെ സുഹൃത്തുക്കളും കൂടെയുണ്ടായിരുന്നു", ചിത്രത്തിന്റെ മെയ്ക്കിങ്ങ് വീഡിയോ പങ്കുവച്ച് സുരേഷ് കുറിക്കുന്നു.