ഈ കാലിത്തൊഴുത്തിലുണ്ട് നല്ലൊരു സിനിമാ തിയേറ്ററും സ്യൂട്ട് റൂമും


കെ.ആർ.സേതുരാമൻ

എട്ട് കമ്പികളിൽ ഉയർന്നു നിൽക്കുന്ന ചെറിയ ഷെഡ്ഡ് കാലികളെ കെട്ടാനും വൈക്കോൽ നനയാതെ സൂക്ഷിക്കാനുമാണ് ഉപയോഗിച്ചിരുന്നത്

കാലിത്തൊഴുത്തിന്റെ ആദ്യരൂപം, ഇരുമ്പ് ഷീറ്റുകളാൽ മറച്ച സ്യൂട്ട്‌ റൂമിന്റേയും തിയേറ്ററിന്റേയും പുറമേ നിന്നുള്ള കാഴ്ച, 70 ചതുരശ്രയടിയിലെ മിനി തിയേറ്റർ, സ്യൂട്ട് റൂമിനുള്ളിൽ ജയകൃഷ്ണൻ

അരൂർ: പുറത്തുനിന്നു നോക്കിയാൽ ഒരു ചെറു കെട്ടിടം. തുരുമ്പെടുത്ത ഇരുമ്പ് ഷീറ്റുകളാണു ചുറ്റും. അകത്തു കയറിയാൽ ആരുമൊന്ന് അമ്പരക്കും. വൻകിട ഹോട്ടലുകളിലെ പോലെ സ്യൂട്ട് മുറിയാണ് ഈ ഇരുമ്പു ഷീറ്റിനുള്ളിൽ. മുറിക്കുള്ളിലെ എൻട്രി ബോർഡിനു കീഴിലെ വാതിൽ തുറന്നാലുള്ള ലോകം അതിലും മാസ്മരികം. ഡി.ടി.എസ്. സൗണ്ട് സിസ്റ്റം ഉൾപ്പെടെയുള്ള മിനി തിയേറ്ററാണ് ഇവിടെ. 240 ചതുരശ്ര അടി സ്ഥലത്താണ് ഈ അദ്ഭുതലോകം. കോവിഡ് കാലത്തെ ബോറടി മാറ്റാൻ തുടങ്ങിയ കരവിരുതാണിത്. പള്ളിപ്പുറം ചെറുകാട്ട് ജയകൃഷ്ണനാണ് കാലിത്തൊഴുത്തിനെ ഇത്തരത്തിൽ മാറ്റിയത്.

എട്ട് കമ്പികളിൽ ഉയർന്നു നിൽക്കുന്ന ചെറിയ ഷെഡ്ഡ് കാലികളെ കെട്ടാനും വൈക്കോൽ നനയാതെ സൂക്ഷിക്കാനുമാണ് ഉപയോഗിച്ചിരുന്നത്. പ്ലംബിങ്‌, കോർകട്ടിങ്‌ ജോലികളായിരുന്നു ജയന്. കോവിഡ് പരന്നതോടെ ജോലി ഇല്ലാതായി. വീട്ടിലിരുന്നു മടുത്തപ്പോഴാണ് ഷെഡ്ഡിൽ നോട്ടം പതിച്ചത്. ആദ്യം ഇരുമ്പ് ഷീറ്റുകൾ ഉപയോഗിച്ച് നാലുവശവും മറച്ചു. പേരിന് പഴയ രണ്ട് വാതിലും ഒരു ജനൽപ്പാളിയും െവച്ചു. അപ്പോഴാണ് താൻ ജോലിചെയ്ത ഹോട്ടലിലെ സ്യൂട്ട് റൂം ഓർമയിൽ വന്നത്. അനുജൻ അഭിലാഷും അനന്തിരവൻ അഭിജിത്തും കൂട്ടുകാരുമൊക്കെ പിന്തുണയേകി. അങ്ങനെ കാലിത്തൊഴുത്തിന്റെ അകം ഭംഗിയേറിയ സ്യൂട്ട് റൂമാക്കി. കുളിമുറിയില്ല. പക്ഷേ ഒരാൾക്ക് പെരുമാറാൻ കഴിയുന്ന അടുക്കളയുണ്ട്. 170 ചതുരശ്ര അടിയിലാണ് ഇവ പൂർത്തീകരിച്ചത്.

സിനിമാ കമ്പക്കാരനായ ജയന്റെ അടുത്ത ലക്ഷ്യം മിനി തിയേറ്ററായിരുന്നു. 70 ചതുരശ്ര അടിയിലാണ് തിയേറ്റർ. വിജയദശമി ദിനമായ വെള്ളിയാഴ്ച തിയേറ്റർ ഔദ്യോഗികമായി തുറന്നു; വീട്ടുകാർക്കു മാത്രം സിനിമ കാണാൻ. ആറ് സീറ്റുകളാണ് തിയേറ്ററിൽ. ഡി.ടി.എസ്. സൗണ്ട് സിസ്റ്റത്തിനൊപ്പം, എൽ.ഇ.ഡി. പ്രൊജക്ടർ, പ്രൊജക്ടർ സ്‌ക്രീൻ, എയർ കണ്ടീഷൻ, വൈഫൈ കണക്ഷൻ, തിയേറ്റിലെപ്പോലെ എക്‌സിറ്റ് എൻട്രി ബോർഡ്, പുഷ്ബാക്ക് സീറ്റ് എന്നിവയൊക്കെയുണ്ട്. നിർമാണത്തിന്റെ 80 ശതമാനവും തീർത്തത് ജയൻ ഒറ്റയ്ക്കാണ്. പള്ളിപ്പുറം സാബു എന്ന പെയിന്ററുടെ കഴിവു കൂടിയായപ്പോൾ സിനിമാ തിയേറ്ററിന്റെ ഫുൾ ഫീലായി. മാതൃഭൂമി ഏജന്റാണ് ജയകൃഷ്ണനും അനുജൻ അഭിലാഷും.

Content Highlights: Jayakrishnan from aroor convert cowshed to Mini theater and suit room


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
pfi

1 min

കൊച്ചിയില്‍ പോലീസുകാരന് പോപ്പുലര്‍ ഫ്രണ്ട് ബന്ധം, സി.പി.ഒ സിയാദിന് സസ്‌പെന്‍ഷന്‍

Oct 4, 2022


kt kunhumon and atlas ramachandran

1 min

സിനിമയിൽ താൻ വളർത്തി വലുതാക്കിയവരാൽത്തന്നെ അവഹേളിതനായ രാമചന്ദ്രൻ; ഓർമക്കുറിപ്പുമായി കുഞ്ഞുമോൻ

Oct 3, 2022


Nude Library

വേണമെങ്കില്‍ വസ്ത്രം ധരിച്ചാല്‍ മതി; വ്യത്യസ്തമാണ് ഈ അമേരിക്കന്‍ ലൈബ്രറി

Dec 12, 2021

Most Commented