കൊച്ചി: സിനിമാ സീരിയൽ ചിത്രീകരണത്തിന് കോവിഡ് നെഗറ്റീവ് സർട്ടിഫിക്കറ്റ് നിർബന്ധമാക്കിയതിൽ ഇളവ്.
കണ്ടെയ്ൻമെന്റ് സോണിൽ നിന്ന് വരുന്നവർക്കും രോഗലക്ഷണമുള്ളവർക്കും മാത്രം ഇനി കോവിഡ് 19 പരിശോധന നടത്തിയാൽ മതിയാകും. പരിശോധന നടത്തുന്നത് പ്രൊഡക്ഷൻ മാനേജർമാരുടെയും ടെലിവിഷൻ ചാനലുകളുടെയും ഉത്തരവാദിത്തമാണെന്നും പുതിയ ഉത്തരവിൽ പറയുന്നു.
ലോക്ക് ഡൗണിനെ തുടർന്ന് നിർത്തി വച്ച ചിത്രീകരണം പുനരാരംഭിക്കാൻ അനുമതി നൽയിരുന്നു. സാമൂഹിക അകലം പാലിച്ച്, നിർദ്ദിഷ്ട മാനദണ്ഡങ്ങൾ അനുസരിച്ചാണ് ചിത്രീകരണത്തിന് അനുമതി നൽകിയത്. നാലാംഘട്ട ലോക്‌ ഡൗണിനുശേഷം കേന്ദ്രം അനുവദിച്ച ഇളവിനനുസരിച്ചായിരുന്നു തീരുമാനം. ചിത്രീകരണം പൂർത്തിയായ ചിത്രങ്ങളുടെ പോസ്റ്റ് പ്രൊഡക്ഷൻ ജോലികൾ നടത്താൻ ഏപ്രിൽ മാസം അവസാനത്തിൽ അനുമതി നൽകിയിരുന്നു.
Content Highlights: Cinema Shooting, Covid 19 pandemic
