നൃത്തസംവിധാന സഹായിക്കെതിരെ ലൈം​ഗികാതിക്രമം; ​ഗണേഷ് ആചാര്യക്ക് ജാമ്യം


​ഗണേഷ് ആചാര്യയും മറ്റ് രണ്ടുപേരും ചേർന്ന് 2020 ജനുവരി 26-ന് നടന്ന ഇന്ത്യൻ ഫിലിം ആൻഡ് ടെലിവിഷൻ കോറിയോ​ഗ്രാഫേഴ്സ് അസോസിയേഷൻ അന്ധേരിയിൽ നടത്തിയ ചടങ്ങിൽ വെച്ച് തന്നെ കയ്യേറ്റം ചെയ്തതായും പരാതിക്കാരി

ഗണേഷ് ആചാര്യ | ഫോട്ടോ: എ.എഫ്.പി

ലൈം​ഗികാതിക്രമം നടത്തിയ കേസിൽ പ്രശസ്ത നൃത്തസംവിധായകൻ ​ഗണേഷ് ആചാര്യക്ക് ജാമ്യം. മുംബൈയിലെ മജിസ്ട്രേറ്റ് കോടതിയാണ് ജാമ്യം അനുവദിച്ചത്. കേസിൽ ​ഗണേഷ് ആചാര്യ അറസ്റ്റിലായിരുന്നില്ല. വ്യാഴാഴ്ച കോടതിയിൽ അദ്ദേഹം ഹാജരാവുകയായിരുന്നു. തന്നെ മർദിച്ചെന്നാരോപിച്ച് അസിസ്റ്റന്റ് കോറിയോ​ഗ്രാഫർ അംബോലി സ്റ്റേഷനിൽ പരാതി നൽകിയ സംഭവത്തിലാണ് ​ഗണേഷിന് ജാമ്യം ലഭിച്ചിരിക്കുന്നത്.

2020 ഫെബ്രുവരിയിലാണ് നൃത്തസംവിധാന സഹായിയായ യുവതി ​ഗണേഷിനെതിരെ പരാതിയുമായി രം​ഗത്തെത്തുന്നത്. 2009-2010 കാലത്ത് ​ഗണേഷിന്റെ ഓഫീസിൽ ചെല്ലുമ്പോൾ തന്നെ അശ്ലീല വീഡിയോ കാണാൻ നിർബന്ധിക്കാറുണ്ടായിരുന്നെന്നാണ് അവർ പരാതിയിൽ പറയുന്നത്. ഇതേ രീതിയിൽ ഇയാൾ മറ്റു പല സ്ത്രീകളോടും പെരുമാറിയിരുന്നെന്നും പരാതിയിലുണ്ട്. ഇതേ തുടർന്ന് ഈ വർഷം ഏപ്രിലിൽ ലൈം​ഗികാതിക്രമം അടക്കം നിരവധി കുറ്റങ്ങൾ ചുമത്തി മുംബൈ പോലീസ് കേസെടുക്കുകയായിരുന്നു.

​ഗണേഷ് ആചാര്യയും മറ്റ് രണ്ടുപേരും ചേർന്ന് 2020 ജനുവരി 26-ന് നടന്ന ഇന്ത്യൻ ഫിലിം ആൻഡ് ടെലിവിഷൻ കോറിയോ​ഗ്രാഫേഴ്സ് അസോസിയേഷൻ അന്ധേരിയിൽ നടത്തിയ ചടങ്ങിൽ വെച്ച് തന്നെ കയ്യേറ്റം ചെയ്തതായും പരാതിക്കാരി പറയുന്നു. അതേസമയം ആരോപണങ്ങളെല്ലാം ​ഗണേഷ് ആചാര്യ നിഷേധിച്ചിട്ടുണ്ട്.

1990-കളുടെ തുടക്കത്തിൽ കൊറിയോഗ്രാഫർ കമൽജിയുടെ സഹായിയായാണ് ​ഗണേഷ് തന്റെ കരിയർ ആരംഭിച്ചത്. 1992-ൽ അനാം എന്ന ചിത്രത്തിലൂടെ സ്വതന്ത്ര കോറിയോ​ഗ്രാഫറായെങ്കിലും 2001-ൽ പുറത്തിറങ്ങിയ ലജ്ജയിലെ ബഡി മുഷ്‌കിൽ എന്ന ഗാനമാണ് അദ്ദേഹത്തെ പ്രശസ്തിയിലേക്കുയർത്തിയത്. 2007-ൽ, മനോജ് ബാജ്‌പേയ്, ജൂഹി ചൗള എന്നിവരെ പ്രധാന കഥാപാത്രങ്ങളാക്കി സ്വാമി എന്ന ചിത്രത്തിലൂടെ സംവിധായകനുമായി. നിരവധി ചിത്രങ്ങളിലും അദ്ദേഹം അഭിനയിച്ചിട്ടുണ്ട്. ദേഹാത്തി ഡിസ്കോ എന്ന ചിത്രമാണ് ​ഗണേഷ് ആചാര്യയുടേതായി വരാനിരിക്കുന്ന ചിത്രം.

Content Highlights: choreographer ganesh acharya case, ganesh acharya granted bail, sexual harassment case

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
R Madhavan, Interview ,Rocketry The Nambi Effect Movie, Minnal Murali Basil Joseph

1 min

ഞാനിത് അര്‍ഹിക്കുന്നു, എന്റെ അറിവില്ലായ്മ; പരിഹാസങ്ങള്‍ക്ക് മറുപടിയുമായി ആര്‍ മാധവന്‍

Jun 27, 2022


satheesan

രാഹുലിന്റെ ഓഫീസിലെ ഗാന്ധി ചിത്രത്തെക്കുറിച്ച്‌ ചോദ്യം; മര്യാദക്കിരുന്നോണം, ഇറക്കിവിടുമെന്ന് സതീശന്‍

Jun 25, 2022


Balussery mob attack

1 min

തോട്ടില്‍ മുക്കി, ക്രൂരമര്‍ദനം; ബാലുശ്ശേരി ആള്‍ക്കൂട്ട ആക്രമണത്തിന്റെ കൂടുതല്‍ ദൃശ്യങ്ങള്‍

Jun 26, 2022

Most Commented