എന്റെ സിനിമയിലെ ഓഫർ നിരസിച്ചതിന് നന്ദി; സായ് പല്ലവിയോട് ചിരഞ്ജീവി


അജിത് നായകനായെത്തിയ ബ്ലോക്ക്ബസ്റ്റർ ചിത്രം വേതാളത്തിന്റെ റീമേക്ക് ആണ് ഭോലാ ശങ്കർ

Sai Pallavi, chiranjeevi Photo | Youtube, Aditya Music

തെലുങ്കിലെ സൂപ്പർസ്റ്റാർ ചിരഞ്ജീവി നായകനായ ‘ഭോലാ ശങ്കറി’ലെ റോൾ നടി സായി പല്ലവി നിരസിച്ചത് വലിയ വാർത്തയായിരുന്നു. ഇപ്പോഴിതാ, ആ വേഷം നിരസിച്ചതിന് സായി പല്ലവിയോട് നന്ദി പറഞ്ഞിരിക്കുകയാണ് ചിരഞ്ജീവി. നാഗചൈതന്യയും സായി പല്ലവിയും ഒന്നിക്കുന്ന ലവ് സ്റ്റോറി എന്ന സിനിമയുടെ പ്രിവ്യൂ ഷോ ചടങ്ങിലാണ് സായിയോട് നന്ദി പറയുന്നതിലുള്ള രസകരമായ കാരണം ചിരഞ്ജീവി വ്യക്തമാക്കിയത്.

മെഹർ രമേശ് സംവിധാനം ചെയ്ത ഭോലാ ശങ്കർ അജിത് നായകനായെത്തിയ ബ്ലോക്ക്ബസ്റ്റർ ചിത്രം വേതാളത്തിന്റെ റീമേക്ക് ആണ്. ചിത്രത്തിൽ ചിരഞ്ജീവി അവതരിപ്പിച്ച നായക കഥാപാത്രത്തിന്റെ സഹോദരി വേഷത്തിലേക്കാണ് സായ് പല്ലവിക്ക് ക്ഷണം വന്നത്.

സായ് പല്ലവി ഓഫർ നിരസിക്കണം എന്ന് താൻ ആഗ്രഹിച്ചിരുന്നതായും സായിയെ പോലെ ഒരു താരത്തിന്റെ സഹോദരനായി അഭിനയിക്കുന്നതിലും ഇഷ്ടം നായകനായി അഭിനയിക്കുന്നതാണെന്നും ചിരഞ്ജീവി പറഞ്ഞു.

"ഭോലാ ശങ്കറിൽ എന്റെ സഹോദരിയുടെ വേഷം ചെയ്യാനാണ് സായ് പല്ലവിയെ ക്ഷണിച്ചത്. അവർ ആ അവസരം നിഷേധിച്ചതിൽ ഞാൻ സന്തോഷവാനാണ്, കാരണം അവർക്കൊപ്പം ഒരു റൊമാന്റിക് ചിത്രം ചെയ്യാനാണ് ഞാൻ ആ​ഗ്രഹിക്കുന്നത്. അവരോടൊപ്പം ഡ്യുവറ്റ് ചെയ്യണം. എന്റെ സഹോദരിയുടെ വേഷം ചെയ്യുന്നത് ആ അവസരം നശിപ്പിച്ചേനെ..." ചിരഞ്ജീവി പറഞ്ഞു.

തനിക്ക് റീമേക്ക് സിനിമകളിൽ അഭിനയിക്കുന്നതിൽ പേടിയുണ്ടെന്നും അതുകൊണ്ടാണ്‌ ഓഫർ നിരസിച്ചതെന്നും സായി അതേ വേദിയിൽ മറുപടി നൽകി. അതല്ലാതെ ചിരഞ്ജീവിക്കൊപ്പം അഭിനയിക്കാനുള്ള അവസരം താൻ നിഷേധിക്കില്ലെന്നും എവിടെ പോയാലും ചിരഞ്ജീവിയെ കണ്ടുമുട്ടാനാവുമോ എന്നാണ് താൻ അന്വേഷിക്കാറുള്ളതെന്നും അദ്ദേഹത്തോടൊപ്പം അഭിനയിക്കാൻ സാധിക്കുന്നത് വലിയ അം​ഗീകാരമായാണ് താൻ കാണുന്നതെന്നും സായ് വ്യക്തമാക്കി.

ശേഖർ കമൂലയാണ് ലവ് സ്റ്റോറി സംവിധാനം ചെയ്യുന്നത്. സെപ്റ്റംബർ 24ന് തീയേറ്ററുകളിലൂടെ ചിത്രം പ്രദർശനത്തിനെത്തും.

Content Highlights : Chiranjeevis thanks Sai Pallavi for rejecting role in Bhola Shankar, actress reveals the reason

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


06:18

നിവേദ്യം കള്ള്, നേര്‍ച്ചയായി കിട്ടിയത് 101 കുപ്പി ഓള്‍ഡ് മങ്ക് റം; കേരളത്തിലെ ഏക ദുര്യോധന ക്ഷേത്രം

Mar 26, 2022


dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022

Most Commented