'ജയ് ഭീമി'ന്റെ കഥ മോഷ്ടിച്ചതെന്ന് പരാതി; സൂര്യക്കും സംവിധായകനുമെതിരെ കേസ്


ജയ് ഭീമിന്റെ കഥ തന്റെയാണെന്നും ഇത് അണിയറപ്രവർത്തകർ മോഷ്ടിക്കുകയായിരുന്നുവെന്നും കാണിച്ച് വി. കുളഞ്ചിയപ്പൻ എന്നയാളാണ് രം​ഗത്തെത്തിയിരിക്കുന്നത്.

ജയ് ഭീമിൽ സൂര്യ | ഫോട്ടോ: മാതൃഭൂമി ലൈബ്രറി

ഒ.ടി.ടി റിലീസായെത്തി പ്രേക്ഷക പ്രശംസയും നിരൂപക പ്രശംസയും പിടിച്ചുപറ്റിയ ചിത്രമാണ് ത.സെ. ജ്ഞാനവേൽ സൂര്യയെ നായകനാക്കി സംവിധാനം ചെയ്ത 'ജയ് ഭീം'. പക്ഷേ ഇറങ്ങിയതുമുതൽ ചിത്രത്തെ വിവാദങ്ങൾ വിടാതെ പിന്തുടരുകയാണ്. അക്കൂട്ടത്തിലേക്ക് ഇതാ ഒന്നുകൂടി. കഥാ മോഷണ ആരോപണത്തെയാണ് ഇത്തവണ 'ജയ് ഭീമി'ന് നേരിടാനുള്ളത്.

'ജയ് ഭീമി'ന്റെ കഥ തന്റെയാണെന്നും ഇത് അണിയറപ്രവർത്തകർ മോഷ്ടിക്കുകയായിരുന്നുവെന്നും കാണിച്ച് വി. കുളഞ്ചിയപ്പൻ എന്നയാളാണ് രം​ഗത്തെത്തിയിരിക്കുന്നത്. സംവിധായകൻ ജ്ഞാനവേൽ, നിർമാതാക്കളായ സൂര്യ, ജ്യോതിക എന്നിവർക്കെതിരെ ചെന്നൈ പോലീസിൽ പരാതി നൽകിയിരിക്കുകയാണ് ഇദ്ദേഹം. തുടർന്ന് പോലീസ് കോപ്പിറൈറ്റ് ആക്ട് പ്രകാരം എഫ്.ഐ.ആർ ഫയൽ ചെയ്തു.

സിനിമയിലെ ഒരു കഥാപാത്രം തന്റെ ജീവിതത്തെ അടിസ്ഥാനമാക്കിയുള്ളതാണെന്ന് കുളഞ്ചിയപ്പൻ പരാതിയിൽ പറയുന്നതായി ദേശീയ മാധ്യമങ്ങൾ റിപ്പോർട്ട് ചെയ്തു. 1993-ൽ കമ്മാരപുരം പോലീസ് സ്റ്റേഷനിൽ വച്ച് അതിക്രൂരമായി മർദനമേറ്റിരുന്നു. ഇതേക്കുറിച്ച് അറിയാൻ 2019-ൽ 'ജയ് ഭീമി'ന്റെ സംവിധായകൻ തന്നെ വീട്ടിൽ വന്ന് കണ്ടിരുന്നു. ലാഭവിഹിതത്തിനൊപ്പം കഥയ്ക്ക് 50 ലക്ഷം രൂപ റോയൽറ്റിയായി നൽകുമെന്ന് 'ജയ് ഭീം' ടീം വാ​ഗ്ദാനം ചെയ്തിരുന്നതായും കുളഞ്ചിയപ്പൻ ആരോപിച്ചു.

നേരത്തെ വണ്ണിയാർ സമുദായവും സിനിമയ്ക്കെതിരെ രം​ഗത്തെത്തിയിരുന്നു. തങ്ങളെ മോശമായി ചിത്രീകരിച്ചു എന്നാണ് അവർ ഉന്നയിച്ച ആരോപണം. ലിജോ മോൾ, മണികണ്ഠൻ, രജിഷ വിജയൻ എന്നിവരാണ് ചിത്രത്തിൽ പ്രധാനവേഷങ്ങളിലെത്തിയത്.

Content Highlights: Case Against Jai Bhim Movie, Copy Right Act, Jai Bhim Movie, Suriya, Lijo Mol


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented