ക്യാപ്റ്റൻ സിനിമയുടെ പോസ്റ്റർ | ഫോട്ടോ: www.instagram.com/aryaoffl/
തമിഴിൽ നിന്ന് വീണ്ടുമൊരു പരീക്ഷണചിത്രം കൂടി വരുന്നു. കോളിവുഡിൽ പരീക്ഷണചിത്രങ്ങളിലൂടെ ശ്രദ്ധേയനായ ശക്തി സൗന്ദർ രാജൻ സംവിധാനം ചെയ്യുന്ന ചിത്രത്തിന് ക്യാപ്റ്റൻ എന്നാണ് പേരിട്ടിരിക്കുന്നത്. ചിത്രത്തിന്റെ ഫസ്റ്റ്ലുക്ക് പോസ്റ്റർ പുറത്തിറങ്ങി.
ആര്യയാണ് ചിത്രത്തിലെ നായകൻ. പട്ടാളവേഷത്തിൽ നിൽക്കുന്ന നായകനും തൊട്ടുപിന്നിലായി വിചിത്രരൂപിയായ ഒരു ജീവിയും നിൽക്കുന്നതായാണ് പോസ്റ്റർ. അന്യഗ്രഹജീവിയുമായിട്ടാണോ ഇത്തവണ ശക്തി സൗന്ദർ രാജന്റെ നായകൻ ഏറ്റുമുട്ടുന്നത് എന്നാണ് സിനിമാ പ്രേമികൾ ആകാംക്ഷയോടെ ഉറ്റുനോക്കുന്നത്.
ഡി ഇമ്മനാണ് ക്യാപ്റ്റന്റെ സംഗീത സംവിധാനം. തിങ്ക് സ്റ്റുഡിയോസും ഷോ പീപ്പിളും ചേർന്നാണ് ചിത്രം നിർമിക്കുന്നത്.
ഇതേ സംവിധായകനും ആര്യയും ഒന്നിച്ച ടെഡി മികച്ച പ്രതികരണമായിരുന്നു നേടിയത്. മോഷൻ കാപ്ച്വർ സാങ്കേതികവിദ്യ ഉപയോഗിച്ച്
മുഴുനീള ആനിമേഷൻ കഥാപാത്രത്തെ സൃഷ്ടിച്ച രണ്ടാമത്തെ തമിഴ് സിനിമയായിരുന്നു ടെഡി. സോംബി ചിത്രമായ മിരുതൻ, ബഹിരാകാശ പേടകം പശ്ചാത്തലമായി വന്ന ടിക് ടിക് ടിക്, നായകനൊപ്പം നായകൾ പ്രധാനകഥാപാത്രമായി വന്ന നായ്ക്കൾ ജാഗ്രതൈ എന്നിവയാണ് ശക്തി സൗന്ദർ രാജൻ സംവിധാനം ചെയ്ത മറ്റ് പരീക്ഷണചിത്രങ്ങൾ.
Content Highlights: captain tamil movie, arya's new tamil movie, director shakti soundar rajan
Also Watch
RELATED STORIES
IN CASE YOU MISSED IT
.jpg?$p=a6f591d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..