കരീന 'സീതാദേവി' ആകേണ്ട; ട്വിറ്ററിൽ ബഹിഷ്കരണാഹ്വാനം


രാമായാണം അടിസ്ഥാനമാക്കി അലൗകിക് ദേശായി സംവിധാനം ചെയ്യുന്ന പുതിയ ചിത്രം 'സീത-ദി ഇൻകാർനേഷനി'ൽ കരീന കപൂറിനെ നായികയാക്കാനുള്ള നീക്കത്തിനെതിരെയാണ്​ പ്രതിഷേധം. 

Kareena Kapoor

ബോളിവുഡ് താരം കരീന കപൂറിനെതിരേ ട്വിറ്ററിൽ ബഹിഷ്കരണാഹ്വാനം. രാമായാണം അടിസ്ഥാനമാക്കി അലൗകിക് ദേശായി സംവിധാനം ചെയ്യുന്ന പുതിയ ചിത്രം 'സീത-ദി ഇൻകാർനേഷനി'ൽ കരീന കപൂറിനെ നായികയാക്കാനുള്ള നീക്കത്തിനെതിരെയാണ്​ പ്രതിഷേധം.

സീതയായി അഭിനയിക്കാൻ ഹിന്ദു നടി മതിയെന്നാണ് ഒരു വിഭാ​ഗം പേർ ആവശ്യമുന്നയിക്കുന്നത്. ഹിന്ദു സംസ്കാരത്തെ ബഹുമാനിക്കുന്ന മറ്റേതെങ്കിലും താരം ആ വേഷം ചെയ്യണമെന്നും കങ്കണ, യാമി ​ഗൗതം തുടങ്ങിയവരെ പരി​ഗണിക്കണമെന്നുമാണ് ഇവരുടെ അഭിപ്രായം. ഇതിനെത്തുടർന്ന് 'ബോയ്​കോട്ട്​ കരീന കപുർ ഖാൻ' എന്ന ഹാഷ്​ ടാഗ്​ ട്വിറ്ററിൽ ട്രെൻഡിങ്​ ആണ്. സീതയേക്കാൾ ശൂർപ്പണഖയുടെ വേഷമാണ്​ കരീനക്ക്​ ചേരുക എന്ന തരത്തിൽ അവഹേളനങ്ങളും ശക്തമാണ്.



'സീതയുടെ വേഷം അവർ അർഹിക്കുന്നില്ല, അതുകൊണ്ട് കരീനയെ ബഹിഷ്കരിക്കുക, ഹൈന്ദവ ദൈവങ്ങളെ ആദരിക്കാത്ത ഒരു നടി ഈ വേഷം ചെയ്യരുത്, തൈമൂർ അലി ഖാൻറെ അമ്മയ്ക്ക് സീതയാകാനാവില്ല, സെയ്​ഫ്​ അലി ഖാൻ താണ്ഡവിലൂടെ ഹിന്ദു വികാര​ത്തെ വ്രണപ്പെടുത്തി, അത്​ ഇനി ആവർത്തിക്കാൻ അനുവദിക്കില്ല, ഹിന്ദുക്കൾക്കെതിരെ ബോളിവുഡ്​ മാഫിയ വിഷം പ്രചരിപ്പിക്കുന്നു' എന്നിങ്ങനെ പോകുന്നു ട്വിറ്ററിലെ പ്രതിഷേധം.

എന്നാൽ പ്രതിഷേധം ശക്തമായതോടെ ഈ വാർത്തകൾ തള്ളി സിനിമയുടെ അണിയറപ്രവർത്തകർ രംഗത്തെത്തി. സിനിമ ആരംഭഘട്ടത്തിലാണെന്നും താരങ്ങളെ തീരുമാനിച്ചിട്ടില്ലെന്നും അണിയറപ്രവർത്തകർ ട്വീറ്റിലൂടെ വ്യക്തമാക്കി.

content highlights : boycott kareena kapoor trending in twitter over sita character in new movie


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022

Most Commented