ബോബി ഡിയോൾ | ഫോട്ടോ: എ.എഫ്.പി
ബോളിവുഡ് താരം ബോബി ഡിയോൾ തെലുങ്ക് ചിത്രത്തിലൂടെ തെന്നിന്ത്യൻ സിനിമയിൽ അരങ്ങേറുന്നു. പവൻ കല്യാൺ നായകനാവുന്ന ഹരിഹര വീരമല്ലു എന്ന ചിത്രത്തിലൂടെയാണ് ബോബി ഡിയോൾ ദക്ഷിണേന്ത്യൻ സിനിമയിലേക്ക് കാലെടുത്തുവെയ്ക്കുന്നത്. ക്രിഷ് ജാഗർലമുഡി സംവിധാനം ചെയ്യുന്ന ചിത്രത്തിൽ നിധി അഗർവാളാണ് നായിക.
മുഗൾ ഭരണാധികാരിയായിരുന്ന ഔറംഗസീബ് ആയാണ് ബോബി ഡിയോൾ ഹരിഹര വീരമല്ലുവിലെത്തുക. ഹൈദരാബാദിൽ കലാസംവിധായകൻ തോട്ടാധരണി ഒരുക്കിയ പടുകൂറ്റൻ സെറ്റിലാണ് ചിത്രീകരണം പുരോഗമിക്കുന്നത്. ബോബിയും പവൻ കല്യാണും തമ്മിലുള്ള നിർണായകമായ രംഗങ്ങൾ ഇവിടെയാണ് ചിത്രീകരിക്കുക. ചിത്രത്തിൽ ജോയിൻ ചെയ്യാനെത്തിയ താരത്തിനെ അണിയറപ്രവർത്തകർ ചേർന്ന് സ്വീകരിക്കുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്.
തെന്നിന്ത്യൻ സിനിമകളിൽ അഭിനയിക്കാൻ ഏറെ കാലമായി ആഗ്രഹിക്കുന്നതാണെന്നും അതിശയിപ്പിക്കുന്ന ഒരു റോളിനായാണ് കാത്തിരുന്നതെന്നും ബോബി ഡിയോൾ പറഞ്ഞു. പവൻ കല്യാണിനൊപ്പമുള്ള സിനിമയെ പ്രതീക്ഷയോടെയാണ് കാണുന്നത്. നിർമാതാവ് എ.എം. രത്നവും സംവിധായകൻ ക്രിഷും നേരത്തേതന്നെ ഗംഭീര സിനിമകൾ സമ്മാനിച്ചവരാണ്. അങ്ങനെയൊരു ടീമിനൊപ്പം ചേർന്ന് പ്രവർത്തിക്കാനായതിൽ സന്തോഷമുണ്ടെന്നും അദ്ദേഹം പറഞ്ഞു.
മെഗാ സൂര്യ പ്രൊഡക്ഷന്റെ ബാനറിൽ എ.എം രത്നമാണ് ചിത്രം അവതരിപ്പിക്കുന്നത്. തെലുങ്കിന് പുറമേ മലയാളം, തമിഴ്, കന്നഡ, ഹിന്ദി ഭാഷകളിലും ചിത്രമെത്തും.
Content Highlights: Bobby Deol to Telugu Movie, Bobby Deol Joined in Harihara Veeramallu, Pawan Kalyan
RELATED STORIES
.jpg?$p=672b5ef&f=1x1&w=100&q=0.8)
IN CASE YOU MISSED IT
.jpg?$p=e1effa9&f=1x1&w=100&q=0.8)
.jpg?$p=246738b&q=0.8&f=16x11&w=104)
.jpg?$p=aa62323&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..