ആണോ പെണ്ണോ ആവട്ടെ, നീ ഒരുപാട് സന്തോഷം കൊണ്ടുവരും; ബേബി ഷവർ ചിത്രങ്ങളുമായി ബാലുവും എലീനയും, Balu Vargheese and Aileena Catherine Baby Shower Pictures

19 March 2021, 12:15 PM IST

2020 ഫെബ്രുവരിയിൽ ആയിരുന്നു ബാലുവും എലീനയും വിവാഹിതരാകുന്നത്

Balu, Aileena

ആദ്യത്തെ കണ്മണിയെ കാത്തിരിക്കുകയാണ് നടൻ ബാലു വർഗീസും ഭാര്യയും നടിയും മോഡലുമായ എലീന കാതറിനും. എലീനയുടെ ബേബി ഷവർ ചിത്രങ്ങളാണ് ഇപ്പോൾ വൈറലായി മാറുന്നത്.

"ആൺകുട്ടിയോ പെൺകുട്ടിയോ ആവട്ടെ,നീയൊരുപാട് സന്തോഷം കൊണ്ടുവരും” ചിത്രങ്ങൾ പങ്കുവച്ചുകൊണ്ട് ബാലു കുറിച്ചു.

നടൻ ആസിഫ് അലി കുടുംബസമേതം ബേബി ഷവറിൽ പങ്കെടുക്കാൻ എത്തിയിരുന്നു.

2020 ഫെബ്രുവരിയിൽ ആയിരുന്നു ബാലുവും എലീനയും വിവാഹിതരാകുന്നത്. നടനും സംവിധായകനുമായ ലാലിന്റെ സഹോദരി പുത്രനാണ് ബാലു വർഗീസ്. ലാൽ ജോസിന്റെ ‘ചാന്തുപൊട്ടി’ലൂടെയാണ് ബാലു അഭിനയരംഗത്തേക്കെത്തുന്നത്. ഹണി ബീ, കിങ് ലയർ, വിജയ് സൂപ്പറും പൗർണമിയും, ഇതിഹാസ, ചങ്ക്സ് തുടങ്ങിയ ചിത്രങ്ങളിൽ ബാലുവിന്റെ കഥാപാത്രങ്ങൾ ശ്രദ്ധ നേടിയിരുന്നു. ഓപ്പറേഷൻ ജാവ, സുനാമി എന്നിവയാണ് താരത്തിന്റേതായി ഒടുവിൽ പുറത്തിറങ്ങിയ ചിത്രങ്ങൾ.

റിയാലിറ്റി ഷോയിലൂടെ മോഡലിങ്ങ് രംഗത്തേക്ക് എത്തിയ എലീന ആസിഫ് അലി നായകനായെത്തിയ വിജയ് സൂപ്പറും പൗർണമിയും എന്ന ചിത്രത്തിൽ വേഷമിട്ടിട്ടുണ്ട്.

Content Highlights : Balu Vargheese and Aileena Catherine Baby Shower Pictures