'ചന്ദനം മണക്കുന്ന പൂന്തോട്ടത്തിന്റെ കാവൽക്കാരാ, ആ 'മണമാണ് 'നിങ്ങൾ ഞങ്ങൾക്ക് നൽകിയ അമൂല്യമായ നിധി'


കുടുംബ സിനിമയുടെ വക്താവ് എന്നെ നിലയിൽ ഞാനും കുടുംബസ്നേഹികൾ എന്ന നിലയിൽ നിങ്ങളുമൊക്കെ ഒരേ പോലെ നെഞ്ചിലേറ്റിയ ഈരടികൾ ....

ബാലചന്ദ്രമേനോൻ, രമേശൻ നായർ| Photo | Facebook facebook.com|SBalachandraMenon

അന്തരിച്ച കവിയും ​ഗാനരചയിതാവുമായ എസ് രമേശൻ നായരെ ഓർമിച്ച് നടനും സംവിധായകനുമായ ബാലചന്ദ്രമേനോൻ. രമേശൻ നായരുമായുള്ള സൗഹൃദത്തിന്റെ കഥയാണ് ബാലചന്ദ്ര മേനോൻ ഹൃദയസ്പർശിയായ ഫെയ്‌സ്ബുക്ക് കുറിപ്പിലൂടെ പങ്കുവയ്ക്കുന്നത്. ബാലചന്ദ്ര മേനോൻ ആദ്യമായി സംഗീത സംവിധാനം ചെയ്ത 'കുറുപ്പിന്റെ കണക്കു പുസ്തകം' എന്ന ചിത്രത്തിൽ രമേശൻ നായരായിരുന്നു ​ഗാനരചയിതാവ്. അവിടുന്ന് തുടങ്ങിയ സൗഹൃദത്തെക്കുറിച്ചാണ് ബാലചന്ദ്ര മേനോൻ കുറിക്കുന്നത്.

ബാലചന്ദ്ര മേനോന്റെ ഫെയ്‌സ്ബുക്ക് കുറിപ്പ്

പ്രിയപ്പെട്ട രമേശൻ നായർ,
ഞാൻ എന്താണ് കേൾക്കുന്നത് ?
ഞാൻ എവിടെ...എങ്ങിനെ തുടങ്ങാൻ ?

വർഷങ്ങൾക്ക് മുൻപ് എന്റെ ചെവിയിൽ വന്നു വീണ ഒരു പതിഞ്ഞ ശബ്ദം ...
"മേന്നേ ....ഞാൻ രമേശൻ നായർ .....തൃശൂർ ആകാശവാണിയിൽ നിന്നും വിളിക്കുന്നു" .

അത് പിന്നെ എങ്ങനൊക്കെയോ ....ഇങ്ങനെയൊക്കെയായി ....സിനിമയിലെ എന്റെ പല 'വിശേഷ സംരംഭങ്ങൾക്കും' താങ്കൾ എന്റെ ഒരു നല്ല കൂട്ടാളിയായി ....

'ആദ്യത്തതെന്തും പ്രിയപ്പെട്ടതാണ് 'എന്ന എന്റെ "ഞങ്ങളുടെ കൊച്ചു ഡോക്ടർ " എന്ന സിനിമയിലെ ഡയലോഗ് പ്രകാരം എനിക്ക് താങ്കൾ പ്രിയപ്പെട്ടവനാണ് രമേശൻ നായർ...
ഞാൻ ആദ്യമായി സംഗീത സംവിധാനം ചെയ്ത 'കുറുപ്പിന്റെ കണക്കു പുസ്തകം' എന്ന ചിത്രത്തിന്റെ ഗാന രചയിതാവ് എന്ന നിലയിൽ .....

എന്റെ 25 - മതു ചിത്രമായ "അച്ചുവേട്ടന്റെ വീട് " എന്ന ചിത്രത്തിൽ ആകെ ഒരു പാട്ടേ ഉണ്ടായിരുന്നുള്ളു ...
"ചന്ദനം മണക്കുന്ന പൂന്തോട്ടം ..
ചന്ദ്രിക മെഴുകിയ മണിമുറ്റം .....
ഉമ്മറത്തമ്പിളി നിലവിളക്ക് ..
ഉച്ചത്തിൽ സന്ധ്യക്ക് നാമജപം ....
ഹരി നാമ ജപം ...."
കുടുംബ സിനിമയുടെ വക്താവ് എന്നെ നിലയിൽ ഞാനും കുടുംബസ്നേഹികൾ എന്ന നിലയിൽ നിങ്ങളുമൊക്കെ ഒരേ പോലെ നെഞ്ചിലേറ്റിയ ഈരടികൾ ....

'റോസസ് ദി ഫാമിലി ക്ലബ്ബ്' എന്ന എന്റെ കുടുംബ കൂട്ടായ്മയിൽ ഏറ്റവും ഒടുവിൽ രമേശൻ നായർ പങ്കെടുത്തപ്പോൾ ഞാൻ പറഞ്ഞു .... "നിങ്ങൾ എഴുതിയ പോലെ , അതായത് ..
മക്കളീ വീട്ടിൽ മയിൽപ്പീലി മെത്തയിൽ .....
മൈഥിലിമാരായ് വളരേണം.... "'
എന്ന ആശയം തന്നെയാണ് ഞങ്ങൾ ഈ ക്ലബ്ബിലൂടെ യാഥാർഥ്യമാക്കാൻ ശ്രമിക്കുന്നത് .
ഞങ്ങളുടെ ക്ലബ്ബിന്റെ ' ദേശീയ ഗാനവും ' ഇത് തന്നെ ....
നിറഞ്ഞ പുഞ്ചിരിയോടെ താങ്കൾ എന്റെ കൈത്തലം സ്നേഹപൂർവ്വം അമർത്തിപ്പിടിച്ചതും എന്റെ ഓർമ്മ ....

ഞങ്ങളുടെ കൊച്ചു ഡോക്ടർ , സുഖം സുഖകരം, ഏപ്രിൽ 19 എന്നീ ചിത്രങ്ങളിലും താങ്കളുടെ പങ്കാളിത്തമുണ്ടായിരുന്നു ..

അതു കൊണ്ടും തീർന്നില്ല...

എനിക്ക് ആദ്യമായി ദേശീയ പുരസ്ക്കാരം നേടിത്തന്ന "സമാന്തരങ്ങൾക്കായും " നാം ഒടുവിൽ ഒത്തു കൂടി ...
"ഒന്നാം കടൽ നീന്തിയോരമ്പിളി ...
എന്നോടൊരു കാരിയം ചൊല്ലു നീ ...."
അങ്ങിനെ സംഗീത സംവിധായകനായി രണ്ടാമതൊരിക്കൽ കൂടി താങ്കൾക്കൊപ്പം കൈ കോർക്കാൻ കഴിഞ്ഞത് ഒരു നല്ല അനുഭവമായിരുന്നു ...

പിന്നെയും പലതും നാം മനസ്സിൽ കണക്കു കൂട്ടിയിരുന്നു ....പക്ഷെ...

ഇനി എന്തെഴുതാൻ ? എന്തിനെഴുതാൻ ?
"ചന്ദനം മണക്കുന്ന പൂന്തോട്ടത്തിന്റെ കാവൽക്കാരാ ...."
ആ 'മണമാണ് 'നിങ്ങൾ ഞങ്ങൾക്ക് നൽകിയ ഏറ്റവും അമൂല്യമായ നിധി

Content Highlights : Balachandra Menon about S Rameshan nair

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022


thomas isaac

2 min

'ആ അഞ്ചുവര്‍ഷം നഷ്ടപ്പെട്ടില്ലായിരുന്നെങ്കില്‍ വേറൊരു കേരളമായേനെ, ഇ.ഡിയുടെ നീക്കം പാര്‍ട്ടി നേരിടും'

Aug 11, 2022


14:00

'ഞാൻ ചെല്ലുമ്പോഴേക്കും അ‌ച്ഛന്റെ ദേഹത്തെ ചൂടുപോലും പോയിരുന്നു' | Suresh Gopi | Gokul | Talkies

Jul 26, 2022

Most Commented