ബാലയ്യ അയ്യപ്പനും റാണ കോശിയുമായാല്‍? കൈയടി നേടി ട്രോള്‍ ട്രെയ്‌ലര്‍


ബാലകൃഷ്ണയുടെയും റാണയുടെയും മുന്‍ ചിത്രങ്ങളിലെ പ്രകടനങ്ങളും അയ്യപ്പനും കോശിയിലെ മലയാളം ഡയലോഗുകളും സമന്വയിപ്പിച്ചുകൊണ്ടാണ് ട്രോള്‍ ട്രെയ്‌ലര്‍.

-

യ്യപ്പനും കോശിയും തെലുങ്കില്‍ റീമേക്ക് ചെയ്യുന്നു എന്ന വാര്‍ത്ത പുറത്തു വന്ന അന്ന് മുതല്‍ ആരാധകരുടെ ഭാവന വിടര്‍ന്നു തുടങ്ങിയതാണ്. മലയാളത്തില്‍ പൃഥ്വിരാജിനെയും ബിജു മേനോനെയും കേന്ദ്ര കഥാപാത്രങ്ങളാക്കി സച്ചി സംവിധാനം ചെയ്ത ചിത്രം തെലുങ്കില്‍ റീമേക്ക് ചെയ്യപ്പെടുമ്പോള്‍ റാണ ദഗ്ഗുബാട്ടിയും നന്ദമുറി ബാലകൃഷ്ണയും അഭിനയിക്കും എന്നു കേട്ടപ്പോള്‍ മുതല്‍ സോഷ്യല്‍മീഡിയയില്‍ ട്രോളുകളുടെ ബഹളമാണ്. ഇപ്പോഴിതാ ഒരു ആരാധകന്‍ ചിത്രത്തിന്റെ ട്രെയ്‌ലറും ഭാവനയില്‍ കണ്ട് നിര്‍മ്മിച്ചിട്ടുണ്ട്.

ബാലകൃഷ്ണയുടെയും റാണയുടെയും മുന്‍ ചിത്രങ്ങളിലെ പ്രകടനങ്ങളും അയ്യപ്പനും കോശിയിലെ മലയാളം ഡയലോഗുകളും സമന്വയിപ്പിച്ചുകൊണ്ടാണ് ട്രോള്‍ ട്രെയ്‌ലര്‍. തെലുങ്കിലെ പ്രമുഖ നിര്‍മാണ കമ്പനിയായ സിതാര എന്റര്‍ടൈന്‍മെന്റ്സാണ് ചിത്രത്തിന്റെ റീമേക്ക് അവകാശം സ്വന്തമാക്കിയിരിക്കുന്നത്.

ചിത്രത്തിന്റെ തമിഴ് റീമേക്കും ഒരുങ്ങുന്നുവെന്ന് നേരത്തെ വാര്‍ത്തകള്‍ വന്നിരുന്നു. ആടുകളം, ജിഗര്‍തണ്ട, പൊള്ളാതവന്‍, എന്നീ ചിത്രങ്ങളുടെ നിര്‍മാതാവായ കതിര്‍സേനന്‍ ആണ് തമിഴില്‍ ചിത്രം നിര്‍മിക്കുന്നതെന്നായിരുന്നു റിപ്പോര്‍ട്ടുകള്‍. ചിത്രത്തില്‍ പൃഥ്വിരാജിന്റെ വേഷം ധനുഷും ബിജു മേനോന്റെ വേഷം വിജയ് സേതുപതിയും അവതരിപ്പിക്കുമെന്നും സ്ഥിരീകരിക്കാത്ത റിപ്പോര്‍ട്ടുകളുണ്ട്.

അനാര്‍ക്കലി എന്ന ചിത്രത്തിന്ശേഷം സച്ചി രചനയും സംവിധാനവും നിര്‍വഹിച്ച ചിത്രമായിരുന്നു അയ്യപ്പനും കോശിയും. എസ് ഐ അയ്യപ്പന്‍ നായരായി ബിജു മേനോനും റിട്ടയേര്‍ഡ് ഹവില്‍ദാര്‍ കോശി കുര്യനായി പൃഥ്വിരാജും എത്തിയ ചിത്രം തീയേറ്ററില്‍ മികച്ച പ്രേക്ഷക പ്രതികരണം നേടിയിരുന്നു.

Content Highlights : ayyapanum koshiyum telugu troll trailer viral nandamuri balakrishna rana daggupati


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
ATLAS RAMACHANDRAN

2 min

'ജനകോടികളുടെ വിശ്വസ്ത സ്ഥാപനം', തിരിച്ചുവരാന്‍ മോഹിച്ചിട്ടും നാടുകാണാതെ മടക്കം

Oct 3, 2022


atlas ramachandran

2 min

അറ്റ്‌ലസ് രാമചന്ദ്രന്‍ അന്തരിച്ചു, അന്ത്യം ദുബായിലെ ആശുപത്രിയില്‍

Oct 3, 2022


mahsa amini

4 min

ഷിന്‍, ഷിയാന്‍, ആസാദി; മതാധികാരികളുടെ മുഖത്തുനോക്കി കരളുറപ്പോടെ അവർ വിളിച്ചു പറഞ്ഞു

Oct 2, 2022

Most Commented