ജിസ് ജോയ് തിരക്കഥയെഴുതി സംവിധാനം ചെയ്യുന്ന പുതിയ ചിത്രത്തിന്റെ ചിത്രീകരണം തിങ്കളാഴ്ച്ച കൊച്ചിയില്‍ ആരംഭിച്ചു. സെന്‍ട്രല്‍ അസ്വര്‍ട്ടൈസിംഗ് ഏജന്‍സിയാണ് ഈ ചിത്രം നിര്‍മ്മിക്കുന്നത്. തൃക്കാക്കരയിലെ ഒരു ഫ്‌ളാറ്റില്‍ നടന്ന ലളിതമായ ചടങ്ങില്‍ ജിസ് ജോയ് യുടെ പിതാവ് തോമസ് ജോയ്- സ്വിച്ചോണ്‍ കര്‍മ്മം നിര്‍വ്വഹിച്ചതോടെയാണ് തുടക്കമിട്ടത്. നിമിഷാസജയന്‍ ഫസ്റ്റ് ക്ലാപ്പും നല്‍കി.

ജിസ് ജോയ് ഇതുവരെ ചെയ്തു പോന്ന ചിത്രങ്ങളില്‍ നിന്നും തികച്ചും വ്യത്യസ്ഥമായ പാറ്റേണിലൂടെയാണ് ഈ ചിത്രത്തിന്റെ അവതരണം. ബോബി - സഞ്ജയ് യുടേതാണ് ഈ ചിത്രത്തിന്റെ കഥ. ആസിഫ് അലി, നിമിഷാ സജയന്‍, ആന്റണി വര്‍ഗീസ്ഋ എന്നിവര്‍ കേന്ദ്രകഥാപാത്രങ്ങളെ അവതരിപ്പിക്കുന്ന ഈ ചിത്രത്തില്‍ സിദ്ദിഖ്, അതുല്യ, റെബേക്കാമോത്തിക്കാ ജയന്‍, ഡോ.റോണി ഡേവിഡ്, ശീലഷ്മി, ശ്രീഹരി എന്നിവരും പ്രധാന താരങ്ങളാണ്. ബാഹുല്‍ രമേഷാണ് ഛായാഗ്രാഹകന്‍. എഡിറ്റിംഗ്-രതീഷ് രാജ,് കലാസംവിധാനം - എം.ബാവ, ചീഫ് അസ്സോസ്സിയേറ്റ,് ഡയറക്ടര്‍-രതീഷ് മൈക്കിള്‍, അസ്സോസ്സിയേറ്റ് ഡയറക്ടര്‍-ഫര്‍ഹാന്‍ പി. ഫൈസല്‍, പ്രൊഡക്ഷന്‍ എക്‌സിക്കുട്ടിവ്. ഷിബു പന്തലക്കോട്.
പ്രൊഡക്ഷന്‍ കണ്‍ട്രോളര്‍. ജാവേദ് ചെമ്പ്, കൊച്ചിയില്‍ ചിത്രീകരണം പുരോഗമിക്കുന്ന ഈ ചിത്രം സെന്‍ട്രല്‍ പിക്‌ച്ചേഴ്‌സ് പ്രദര്‍ശനത്തിനെത്തിക്കുന്നു. ഫോട്ടോ-രാജേഷ് നടരാജന്‍.

Content Highlights: Asif Ali, Jis Joy, Nimisha Sajayan, Antony Varghese, Movie started