അത് ചിലരുടെ മാത്രം തീരുമാനം, ഏരീസിന് സിനിമ നൽകില്ലെന്ന് പറഞ്ഞിട്ടില്ല : നിർമാതാക്കൾ


തിയേറ്റർ മാനേജർ സിനിമകൾ മോശമായി ചിത്രീകരിക്കുന്നു എന്നകാര്യം സോഹൻ റോയിയെ അറിയിച്ചിരുന്നെന്നും അദ്ദേഹവുമായി ചർച്ച നടത്തണമെന്ന ആവശ്യം മുന്നോട്ടുവെച്ചതായും പ്രൊഡ്യൂസേഴ്സ് അസോസിയേഷൻ പറഞ്ഞു.

തിരുവനന്തപുരം ഏരീസ് പ്ലെക്സ് തിയേറ്ററിന്റെ ഉൾഭാ​ഗം | ഫോട്ടോ: സ്ക്രീൻ​ഗ്രാബ്, മാതൃഭൂമി ന്യൂസ്

കൊച്ചി: ഏരീസ് തീയറ്ററിന് സിനിമ നൽകില്ലെന്ന തീരുമാനം കൈക്കൊണ്ടിട്ടില്ലെന്ന് നിർമാതാക്കളുടെ സംഘടന. തീയേറ്റർ മാനേജർ, റിലീസാകുന്ന മലയാളം സിനിമകളെക്കുറിച്ച് വാട്സാപ്പ് ഗ്രൂപ്പുകളിൽ മോശമായി ചിത്രീകരിച്ചുവെന്നും നിർമാതാക്കളുടെ സംഘടന പറയുന്നു. മുമ്പും മാനേജർ മലയാളചിത്രങ്ങൾ പ്രദർശനത്തിനെത്തുമ്പോൾ അവയെ മോശമായി ചിത്രീകരിക്കാറുണ്ടെന്നും നിർമാതാക്കൾ പറയുന്നു.

അടുത്തിടെ റിലീസായ സ്റ്റാർ എന്ന ചിത്രത്തേയും ഇയാൾ സമാനമായ രീതിയിൽ സോഷ്യൽ മീഡിയയിൽ അവഹേളിച്ചു എന്നാണ് നിർമാതാക്കൾക്ക് കിട്ടിയിരിക്കുന്ന പരാതി. ഇതിന്റെ അടിസ്ഥാനത്തിലാണ് ഇപ്പോൾ ഏരീസ് പ്ലക്സിന് സിനിമകൾ നൽകേണ്ടതില്ല എന്ന് നിർമാതാക്കൾ സ്വയം തീരുമാനമെടുത്തതെന്ന് പ്രൊഡ്യൂസേഴ്സ് അസോസിയേഷൻ വ്യക്തമാക്കുന്നു.



എന്നാൽ സംഘടന സിനിമകൾ നൽകില്ല എന്ന് പറഞ്ഞിട്ടില്ല. തിയേറ്റർ മാനേജർ സിനിമകൾ മോശമായി ചിത്രീകരിക്കുന്നു എന്നകാര്യം സോഹൻ റോയിയെ അറിയിച്ചിരുന്നെന്നും അദ്ദേഹവുമായി ചർച്ച നടത്തണമെന്ന ആവശ്യം മുന്നോട്ടുവെച്ചതായും പ്രൊഡ്യൂസേഴ്സ് അസോസിയേഷൻ പറഞ്ഞു. എന്നാൽ ഇപ്പോൾ വിദേശത്തായതിനാൽ ചർച്ചകൾക്കായി എത്താൻ കഴിയില്ലെന്നാണ് സോഹൻ റോയി അറിയിച്ചത്. അതുകൊണ്ടാണ് ഏരീസിന് സിനിമകൾ നൽകാതിരിക്കാനുള്ള സാഹചര്യമുണ്ടായിരിക്കുന്നതെന്നും അവർ നൽകുന്ന വിശദീകരണം.

സിനിമ നൽകേണ്ടതില്ല എന്ന് പ്രൊഡ്യൂസേഴ്സ് അസോസിയേഷൻ പറഞ്ഞിട്ടില്ല. മറിച്ച് പുതിയ സിനിമകളുടെ നിർമാതാക്കൾ തിയേറ്റർ മാനേജരുടെ നിലപാടിൽ പ്രതിഷേധിച്ച് ഇങ്ങനെയൊരു തീരുമാനത്തിൽ എത്തുകയാണുണ്ടായതെന്നും പ്രൊഡ്യൂസേഴ്സ് അസോസിയേഷൻ വിശദീകരിക്കുന്നു.

Content Highlights: Aries Plex Issue, Kerala Producers Association, Sohan Roy, Malayalam Movie Release

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022

Most Commented