.jpg?$p=cc29bd4&f=16x10&w=856&q=0.8)
എ.ആർ മുരുഗദോസ് തരുൺ മൂർത്തിയ്‌ക്കൊപ്പം
'ഓപ്പറേഷന്‍ ജാവ'യ്ക്ക് ശേഷം തരുണ്‍ മൂര്‍ത്തിയുടെ സംവിധാനത്തില്‍ ഒരുങ്ങിയ 'സൗദി വെള്ളക്ക' തിയേറ്ററുകളില്‍ വലിയ വിജയമായിരിക്കുകയാണ്. സിനിമയുടെ കഥയും കഥാപാത്രങ്ങളും ഹൃദയത്തോട് സംസാരിക്കുന്നതാണെന്നാണ് സിനിമ കണ്ടശേഷം പലരും അഭിപ്രായപ്പെടുന്നത്. ഇപ്പോഴിതാ കുടുംബസമേതം 'സൗദി വെള്ളക്ക' കണ്ട് തരുണ്‍ മൂര്‍ത്തിയെ അഭിനന്ദിച്ചിരിക്കുകയാണ് സംവിധായകന്‍ എ.ആര്‍ മുരുഗദോസ്.
അദ്ദേഹവും കുടുംബവും സംവിധാന സഹായികളും ചേര്‍ന്നാണ് സിനിമ കണ്ടത്. സിനിമ കണ്ട ശേഷം വികാരാധീനനായ സംവിധായകന്‍ തരുണ്‍ മൂര്‍ത്തിയെ കെട്ടിപിടിച്ചാണ് മുരുഗദോസ് സന്തോഷം അറിയിച്ചത്. ശേഷം തരുണിനേയും നിര്‍മ്മാതാവ് സന്ദീപ് സേനനേയും ചേര്‍ത്ത് നിര്‍ത്തി സിനിമയിലെ കഥാപാത്രങ്ങളെ കുറിച്ചൊക്കെ സംസാരിക്കുകയുമുണ്ടായി അദ്ദേഹം.
ഗജിനി, സ്റ്റാലിന്‍, ഏഴാം അറിവ്, തുപ്പാക്കി, കത്തി, സര്‍ക്കാര്‍, ദര്‍ബാര്‍ തുടങ്ങിയ ഒട്ടനവധി സൂപ്പര്‍ ഹിറ്റ് സിനിമകളൊരുക്കിയ സംവിധായകനാണ് എ.ആര്‍ മുരുകദോസ്. അദ്ദേഹത്തില്‍ നിന്നുമുള്ള ഈ അംഗീകാരം മനസ്സ് നിറച്ചുവെന്ന് സംവിധായകന്‍ തരുണ്‍ മൂര്‍ത്തി സോഷ്യല്‍മീഡിയയില്‍ അദ്ദേഹത്തോടൊപ്പമുള്ള ചിത്രങ്ങളോടൊപ്പം കുറിച്ചിരിക്കുകയാണ്.
വെള്ളിയാഴ്ച തിയേറ്ററുകളിലെത്തിയ 'സൗദി വെള്ളക്ക' ഇതിനകം ഹൗസ് ഫുള്‍ ഷോകളുമായി മുന്നേറുകയാണ്. ബിനു പപ്പു, ലുക്മാന്‍ അവറാന്‍, ദേവി വര്‍മ്മ, സുജിത് ശങ്കര്‍, ധന്യ അനന്യ, രമ്യ സുരേഷ്, വിന്‍സി അലോഷ്യസ്, കുര്യന്‍ ചാക്കോ, സജീദ് പട്ടാളം തുടങ്ങി നിരവധി താരങ്ങളാണ് സിനിമയില്‍ അണിനിരന്നിരിക്കുന്നത്. തൊണ്ടിമുതലും ദൃക്‌സാക്ഷിയും, സത്യം പറഞ്ഞാ വിശ്വസിക്കുവോ തുടങ്ങിയ ശ്രദ്ധേയ സിനിമകള്‍ക്ക് ശേഷം ഉര്‍വശി തിയറ്റേഴ്‌സിന്റെ ബാനറില്‍ സന്ദീപ് സേനനാണ് സൗദി വെള്ളക്ക നിര്‍മ്മിച്ചിരിക്കുന്നത്.
Content Highlights: AR Murugadoss appreciate saudi vellakkam movie tharun Moorthi
Also Watch
RELATED STORIES
.jpg?$p=7505fce&f=1x1&w=100&q=0.8)
.jpg?$p=85b4690&f=1x1&w=100&q=0.8)
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=74dd70a&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..