സുശാന്ത് പ്രശ്നക്കാരൻ, സിനിമയിൽ അവസരം നൽകാതിരുന്നതിന് കാരണങ്ങളുണ്ട്; സന്ദേശങ്ങൾ പങ്കുവച്ച് അനുരാ​ഗ്


സുശാന്തിന്റെ മാനേജറുമായി മെയ് 22 നും ജൂൺ 14 നും ചാറ്റ് ചെയ്തതിന്റെ സ്ക്രീൻഷോട്ട് പങ്കുവച്ചാണ് അനുരാ​ഗ് തന്റെ നിലപാട് വ്യക്തമാക്കിയത്. 

അനുരാഗ് കശ്യപ് | ഫൊട്ടൊ: മാതൃഭൂമി

ന്തരിച്ച ബോളിവുഡ് നടൻ സുശാന്ത് സിങ്ങ് രജ്പുതിന് ബോളിവുഡിൽ അവസരം നിഷേധിച്ചിരുന്നുവെന്നും ഇത് അദ്ദേഹത്തെ വിഷാദത്തിലേക്ക് തള്ളിവിട്ടുവെന്നും ആരോപണങ്ങൾ ഉയർന്നിരുന്നു. അതിൽ പറഞ്ഞു കേട്ട പേരായിരുന്നു സംവിധായകൻ അനുരാ​ഗ് കശ്യപിന്റേത്. ഇപ്പോഴിതാ സുശാന്തിന് തൻറെ ചിത്രങ്ങളിൽ അവസരം നൽകാതിരുന്നതിന് കാരണങ്ങളുണ്ടെന്ന് വ്യക്തമാക്കി രം​ഗത്തെത്തിയിരിക്കുകയാണ് അനുരാ​ഗ്. സുശാന്തിന്റെ മാനേജറുമായി മെയ് 22 നും ജൂൺ 14 നും ചാറ്റ് ചെയ്തതിന്റെ സ്ക്രീൻഷോട്ട് പങ്കുവച്ചാണ് അനുരാ​ഗ് ഇക്കാര്യത്തിൽ തന്റെ നിലപാട് വ്യക്തമാക്കിയത്.

ഈ സമയത്ത് ഈ വിവരങ്ങൾ പുറത്ത് വിടേണ്ടി വന്നതിൽ ഖേദമുണ്ടെന്ന് പറഞ്ഞു കൊണ്ടാണ് അനുരാ​ഗിന്റെ ട്വീറ്റ്.

സുശാന്ത് സിംഗ് രജ്പുത് ആത്മഹത്യ ചെയ്യുന്നതിന് മൂന്ന് ആഴ്ചകൾക്ക് മുൻപുള്ള ചാറ്റിന്റെ ചിത്രങ്ങളാണ് അനുരാഗ് പുറത്ത് വിട്ടിരിക്കുന്നത്. ഇതേ വരെ ചാറ്റ് പുറത്ത് വിടുന്നതിനെക്കുറിച്ച് ചിന്തിച്ചിരുന്നില്ലെന്നും ഇപ്പോൾ അതാവശ്യമായി വന്നിരിക്കുകയാണെന്നും അനുരാ​ഗ് പറയുന്നു. സുശാന്തിനൊപ്പെം ജോലി ചെയ്യാൻ തനിക്ക് താൽപര്യക്കുറവുണ്ടായിരുന്നു. അതിന് അതിന്റേതായ കാരണങ്ങളുണ്ടെന്നും അനുരാഗ് പറയുന്നു.സുശാന്തിനെ എന്നെങ്കിലും സിനിമയിൽ പരി​ഗണിക്കണമെന്നും നിങ്ങൾ രണ്ട് പേരും ചേർന്ന് ഉണ്ടാക്കുന്ന ആ മാജിക് ഒരു പ്രേക്ഷകനനെന്ന നിലയിൽ താൻ കാണാൻ ആ​ഗ്രഹിക്കുന്നുണ്ടെന്നും മാനേജർ അനുരാ​ഗിനോട് പറയുന്നുണ്ട്. എന്നാൽ സുശാന്ത് ഒരു പ്രശ്നക്കാരനാണെന്നും അത് തനിക്ക് നേരത്തെ അറിയാമെന്നുമാണ് അനുരാ​ഗിന്റെ മറുപടി.

സുശാന്തിനെ ബാന്ദ്രയിലെ തന്റെ വസതിയിൽ മരിച്ച നിലയിൽ കണ്ടെത്തിയ ശേഷം ജൂൺ 14 ന് അനുരാ​ഗ് മാനേജർക്ക് അയച്ച സന്ദേശവും പങ്കുവച്ചിട്ടുണ്ട്. സുശാന്തിന് തന്റെ ചിത്രം ചെയ്യാൻ ആ​ഗ്രഹമുണ്ടെന്ന് മുകേഷ് ആണ് പറഞ്ഞതെന്നും എന്നാൽ സുശാന്തിന്റെ പ്രശ്നം കാരണം ആ സിനിമ താൻ വേണ്ടെന്ന് വച്ചതാണെന്നും അനുരാ​ഗ് പറയുന്നു. എന്നാൽ ഉള്ളിലുള്ള വിരോധം മാറ്റിവച്ച് ഒരു തവണ എങ്കിലും സുശാന്തിനോട് സംസാരിക്കേണ്ടതായിരുന്നുവെന്ന് സങ്കടപ്പെടുന്ന അനുരാ​ഗിനെ മാനേജർ ആശ്വസിപ്പിക്കുന്നുമുണ്ട്. സുശാന്തിന്റെ കുടുംബത്തെക്കുറിച്ചും സഹോദരങ്ങളെ കുറിച്ചും അനുരാ​ഗ് സന്ദേശങ്ങളിൽ ആവലാതിപ്പെടുന്നുണ്ട്.


Content Highlights : Anurag Kashyap On not Giving Sushanth Roles in his Films Shares Screenshots of chats with Sushanthsmanager


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022


policeman mango theft

1 min

മാമ്പഴം മോഷ്ടിച്ച പോലീസുകാരന്‍ ബലാത്സംഗക്കേസിലും പ്രതി; അതിജീവിതയെ ഉപദ്രവിക്കാനും ശ്രമം

Oct 5, 2022

Most Commented