‘അമ്മ’യെ വീണ്ടും മോഹൻലാൽ നയിക്കും, ഇടവേള ബാബു ജനറൽ സെക്രട്ടറി


ബാബുരാജ്, നിവിൻ പോളി, സുധീർ കരമന, ടിനി ടോം, ടൊവിനോ തോമസ്, ഉണ്ണി മുകുന്ദൻ എന്നിവരും തിരഞ്ഞെടുക്കപ്പെടാനാണ് സാധ്യത.

മോഹൻലാലും ഇടവേള ബാബുവും | ഫോട്ടോ: ടി.കെ. പ്രദീപ് കുമാർ മാതൃഭൂമി

കൊച്ചി: താര സംഘടനയായ ‘അമ്മ’യുടെ ഭരണസാരഥ്യത്തിലേക്ക്‌ വീണ്ടും മോഹൻലാലും ഇടവേള ബാബുവും. തിരഞ്ഞെടുപ്പ് 19-ന്‌ നടക്കാനിരിക്കെ പത്രികകളുടെ സൂക്ഷ്മപരിശോധന പൂർത്തിയായപ്പോൾ മോഹൻലാൽ പ്രസിഡന്റായും ഇടവേള ബാബു ജനറൽ സെക്രട്ടറിയായും എതിരില്ലാതെ തിരഞ്ഞെടുക്കപ്പെടുമെന്ന് ഉറപ്പായി.

ജയസൂര്യ ജോയിന്റ് സെക്രട്ടറിയായും സിദ്ദിഖ് ട്രഷറർ ആയും തിരഞ്ഞെടുക്കപ്പെടും.



ഷമ്മി തിലകൻ മൂന്നു സ്ഥാനങ്ങളിലേക്ക് പത്രിക നൽകിയിരുന്നെങ്കിലും ഒപ്പ് രേഖപ്പെടുത്താതിരുന്നതിനാൽ പത്രിക തള്ളി. ഉണ്ണി ശിവപാൽ പത്രിക നൽകിയിരുന്നെങ്കിലും പൂർണമല്ലാത്തതിനാൽ അതും തള്ളി.

രണ്ട്‌ വൈസ് പ്രസിഡന്റുമാർക്കായും 11 അംഗ കമ്മിറ്റിക്കായുമാകും ഇനി തിരഞ്ഞെടുപ്പ് നടക്കുന്നത്.

ആശ ശരത്തിനെയും ശ്വേത മേനോനെയുമാണ് ഔദ്യോഗിക പാനൽ വൈസ് പ്രസിഡന്റ് സ്ഥാനത്തേക്ക്‌ നിർത്തിയിട്ടുള്ളത്. മുകേഷ്, ജഗദീഷ്, മണിയൻപിള്ള രാജു എന്നിവരും ഈ സ്ഥാനത്തേക്ക്‌ പത്രിക നൽകിയിട്ടുണ്ടെങ്കിലും പിൻമാറുമെന്നാണ് സൂചന.

വനിതകൾക്ക്‌ വലിയ പ്രധാന്യം നൽകിയാണ് ഇത്തവണ ഔദ്യോഗിക പാനലിന്റെ അവതരണം. ഹണി റോസ്, ലെന, മഞ്ജു പിള്ള, രചന നാരായണൻകുട്ടി എന്നിവരെ കമ്മിറ്റിയിലേക്ക് മത്സരിപ്പിക്കുന്നുണ്ട്.

ബാബുരാജ്, നിവിൻ പോളി, സുധീർ കരമന, ടിനി ടോം, ടൊവിനോ തോമസ്, ഉണ്ണി മുകുന്ദൻ എന്നിവരും തിരഞ്ഞെടുക്കപ്പെടാനാണ് സാധ്യത.

ലാൽ, വിജയ് ബാബു, സുരേഷ് കൃഷ്ണ, നാസർ ലത്തീഫ് എന്നിവർ കമ്മിറ്റി അംഗങ്ങൾക്കുള്ള മത്സരത്തിൽ ഉണ്ടെങ്കിലും ഏതാനുംപേർ പത്രിക പിൻവലിക്കുമെന്നാണ് സൂചന. ബുധനാഴ്ച വരെ പത്രിക പിൻവലിക്കാം.

മോഹൻലാലിന്റെ നേതൃത്വത്തിലുള്ള നിലവിലെ ഭരണസമിതി രണ്ടാംവട്ടമാണ് തിരഞ്ഞടുക്കപ്പെടുന്നത്. 21 വർഷം തുടർച്ചയായി ഇടവേള ബാബു സെക്രട്ടറിയായും ജനറൽ സെക്രട്ടറിയായും സംഘടനയെ നയിക്കുന്നു.

Content Highlights: AMMA, Mohanlal, Idavela Babu, Jayasurya, latest malayalam movie news


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


argentina vs australia

3 min

ആളിക്കത്തി അര്‍ജന്റീന! ഓസ്‌ട്രേലിയയെ തകര്‍ത്ത് മെസ്സിയും സംഘവും ക്വാര്‍ട്ടര്‍ ഫൈനലില്‍

Dec 4, 2022


photo: Getty Images

1 min

മനോഹരം...മെസ്സി.... മാറഡോണയുടെ ഗോള്‍നേട്ടം മറികടന്നു

Dec 4, 2022

Most Commented