'സിനിമയിലെ ഇത്തരം കഴുകന്‍മാരില്‍ നിന്നും സ്വയം രക്ഷ നേടാന്‍ എന്തെങ്കിലും ഉപാധി വേണം' സമീറ റെഡ്ഡി


പാമ്പും കോണിയും കളി പോലെയാണ് സിനിമ. പാമ്പുകൾക്കിടയിലൂടെ എങ്ങനെ നീങ്ങുമെന്ന് അറിയണം. ഷൂട്ടിനു ശേഷമുള്ള പാർട്ടികൾക്കൊന്നും താൻ പോകാറില്ലെന്നും സമീറ വെളിപ്പെടുത്തി.

Photo: Facebook| Sameera Raeddy

സിനിമയിൽ 2002 മുതൽ 2013 വരെയുള്ള അഭിനയ കാലയളവിൽ തനിക്ക് കാസ്റ്റിംഗ് കൗച്ച് അനുഭവങ്ങളുണ്ടായിട്ടുണ്ടെന്ന വെളിപ്പെടുത്തലുമായി നടി സമീറ റെഡ്ഡി. പിങ്ക് വില്ലയ്ക്കു നൽകിയ അഭിമുഖത്തിനിടയിലാണ് സമീറ മനസ്സു തുറന്നത്.

'ഒരു സിനിമയിൽ അഭിനയിച്ചുകൊണ്ടിരിക്കുകയാണ്. ഒരു ചുംബനരംഗം കൂടി ചേർത്തിട്ടുണ്ടെന്ന് പറഞ്ഞു. അത് ഞാൻ കഥ കേട്ടു കഴിഞ്ഞ് പിന്നീട് ചേർത്തതായിരുന്നു. ആ രംഗത്തിൽ അഭിനയിക്കാൻ താത്‌പര്യമില്ലായിരുന്നു. മുസാഫിറിൽ നിങ്ങൾ അത്തരത്തിൽ അഭിനയിച്ചിട്ടില്ലേ എന്നായിരുന്നു അവരെന്നോട് ചോദിച്ചത്. അതിനർഥം ഞാനത് ഇനി ചെയ്തുകൊണ്ടേയിരിക്കും എന്നല്ല എന്ന് ഞാൻ തീർത്തു പറഞ്ഞു. സൂക്ഷിച്ചു സംസാരിക്കണമെന്നും തന്നെ എപ്പോൾ വേണമെങ്കിലും മാറ്റി മറ്റൊരു നടിയെ കൊണ്ടു വരുമെന്നുമായിരുന്നു പ്രതികരണം.'

മറ്റൊരു അനുഭവം ബോളിവുഡിൽ അഭിനയിക്കുമ്പോഴായിരുന്നുവെന്നും നടി വെളിപ്പെടുത്തി. 'ഞാൻ ബോർ ആണെന്നും സിനിമയിലേക്ക് വിളിക്കാതിരിക്കുന്നതാണ് നല്ലതെന്നും ഒപ്പം അഭിനയിച്ചിട്ടുള്ള ഒരു നായകനടൻ നേരിട്ട് പറഞ്ഞിട്ടുണ്ട്. ഇനി എന്നോടൊപ്പം അഭിനയിക്കാൻ ആഗ്രഹമുണ്ടാകുമോ എന്നു പോലും അറിയില്ല. ആ ചിത്രത്തിനു ശേഷം ഞാൻ അയാൾക്കൊപ്പം അഭിനയിച്ചിട്ടുമില്ല.' സമീറ പറഞ്ഞു.

'ഇത്തരം കഴുകൻമാരിൽ നിന്നും സ്വയം രക്ഷ നേടാൻ എന്തെങ്കിലും ഉപാധി വേണമെന്നും സമീറ പറയുന്നു. പാമ്പും കോണിയും കളി പോലെയാണ് സിനിമ. പാമ്പുകൾക്കിടയിലൂടെ എങ്ങനെ നീങ്ങുമെന്ന് അറിയണം. ഷൂട്ടിനു ശേഷമുള്ള പാർട്ടികൾക്കൊന്നും താൻ പോകാറില്ലെന്നും സമീറ വെളിപ്പെടുത്തി. വീട്ടിൽ തിരിച്ചെത്തി ടിവി കാണും.' സമീറ പറയുന്നു.

2002ൽ മേനെ ദിൽ തുഛ്കോ ദിയ എന്ന ഹിന്ദി ചിത്രത്തിലൂടെ സിനിമയിൽ അരങ്ങേറ്റം കുറിച്ച സമീറ തെന്നിന്ത്യൻ ഭാഷകളിലും ബംഗാളിയിലും അഭിനയിച്ചിട്ടുണ്ട്. പങ്കജ് ഉദ്ദാസിന്റെ ഓർ ആഹിസ്ത എന്ന മ്യൂസിക് വീഡിയോ ആണ് സമീറയെ ബോളിവുഡിലെത്തിച്ചത്. 2013- ലെ വരദനായക ആണ് അവസാനമായി അഭിനയിച്ച ചിത്രം.

Content Highlights : Actress Sameera Reddy, Casting Couch, Pinkvilla


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
rahul Gandhi

3 min

നടന്നു പോകുന്ന മനുഷ്യാ... നിങ്ങൾക്കൊപ്പമെത്താൻ ഇന്ത്യയ്ക്കാവുമെന്നു തോന്നുന്നില്ല

Sep 26, 2022


06:09

'വെട്ട് കിട്ടിയ ശേഷവും ചാടിക്കടിച്ചു'; പുലിയുടെ ആക്രമണ കഥ വിവരിച്ച് മാങ്കുളം ഗോപാലൻ 

Sep 27, 2022


11:48

ബ്രിട്ടന്‍, യു.കെ, ഇംഗ്ലണ്ട്... ഇതൊക്കെ രാജ്യങ്ങളാണോ? കണ്‍ഫ്യൂഷന്‍ തീര്‍ക്കാം | Inside Out

Sep 27, 2022

Most Commented