രാഖി സാവന്ത് | ഫോട്ടോ: സ്ക്രീൻഗ്രാബ്
മിനി സ്ക്രീൻ പ്രേക്ഷകർക്കും ബിഗ് സ്ക്രീൻ പ്രേക്ഷകർക്കും ഒരുപോലെ സുപരിചിതയാണ് നടി രാഖി സാവന്ത്. വിവാദ പരാമർശങ്ങളിലൂടെയും അവർ ഏറെ ശ്രദ്ധനേടിയിട്ടുണ്ട്. ഇപ്പോഴിതാ പുതിയൊരു വീഡിയോയുടെ പേരിൽ വീണ്ടും വാർത്തകളിൽ നിറയുകയാണ് രാഖി. തന്റെ വിവാഹബന്ധം അപകടത്തിലാണ് എന്നുപറഞ്ഞ് പൊട്ടിക്കരയുന്ന വീഡിയോ രാഖി തന്നെയാണ് സോഷ്യൽ മീഡിയയിൽ പോസ്റ്റ് ചെയ്തത്.
ഒരു ഇൻസ്റ്റാഗ്രാം പേജിൽ വന്ന വീഡിയോ ആണിത്. മുംബൈ അന്ധേരിയിൽ വെച്ചാണ് ഈ വീഡിയോ പകർത്തിയതെന്നാണ് ഇൻസ്റ്റാഗ്രാമിലെ പോസ്റ്റിൽ വ്യക്തമാക്കിയിരിക്കുന്നത്. എന്റെ വിവാഹജീവിതം അപകടത്തിലാണ്. വിവാഹം എന്നത് തമാശയല്ല. എന്റെ വിവാഹജീവിതത്തിൽ ഇടപെട്ടിട്ട് ആർക്ക് എന്ത് കിട്ടാനാണ്. അവർ വീഡിയോയിൽ ചോദിക്കുന്നു. ഏതാനും ദിവസങ്ങൾക്ക് മുമ്പാണ് അമ്മയുടെ മരണം സംഭവിച്ചതെന്നും രാഖി വീഡിയോയിൽ പറയുന്നു.
അതേസമയം എന്താണ് താൻ നേരിടുന്ന പ്രശ്നമെന്ന് രാഖി സാവന്ത് പറയുന്നില്ല. രാഖിയുടേത് നാടകമാണെന്നാണ് വീഡിയോക്ക് താഴെ വരുന്ന നിരവധി കമന്റുകൾ സൂചിപ്പിക്കുന്നത്. ഇതുപോലുള്ള അമിതാഭിനയം നിർത്തണമെന്നും പ്രേക്ഷകരെ വെച്ച് കളിക്കരുതെന്നുമാണ് വന്നിരിക്കുന്ന പ്രതികരണങ്ങൾ. നിരവധി സോഷ്യൽ മീഡിയാ ഗ്രൂപ്പുകളിൽ ഈ വീഡിയോ ഇപ്പോൾ വ്യാപകമായി പ്രചരിക്കുകയാണ്.
2022-ൽ താനും ആദിൽ ഖാനും വിവാഹിതരായെന്ന് ഈയിടെയാണ് രാഖി സാവന്ത് വെളിപ്പെടുത്തിയത്. ഇതാദ്യമായല്ല തന്റെ വിവാഹജീവിതത്തിൽ പ്രശ്നങ്ങളുണ്ടെന്ന് രാഖി പറയുന്നത്. താനുമായുള്ള വിവാഹത്തേക്കുറിച്ച് പുറംലോകമറിഞ്ഞാൽ സഹോദരിയുടെ വിവാഹം നടക്കില്ലെന്ന് ആദിൽ പറഞ്ഞതിനാലാണ് ഈ വിഷയത്തേക്കുറിച്ച് മൗനം പാലിച്ചതെന്ന് രാഖി ഒരു ദേശീയ മാധ്യമത്തിന് നൽകിയ അഭിമുഖത്തിൽ പറഞ്ഞിരുന്നു.
Content Highlights: actress rakhi sawanth crying viral video, rakhi sawanth claims her marriage Is in danger
Also Watch
RELATED STORIES
.jpg?$p=8a7b7b1&f=1x1&w=100&q=0.8)
IN CASE YOU MISSED IT
.png?$p=eb5d914&q=0.8&f=16x11&w=104)
.png?$p=562ffad&q=0.8&f=16x11&w=104)
.png?$p=09f0512&q=0.8&f=16x11&w=104)
.png?$p=b114999&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..