നടി നവ്യ നായരുടെ സഹോദരൻ രാഹുൽ വിവാഹിതനായി. കൊച്ചിയിലെ സ്വകാര്യ ഹോട്ടലിൽ വച്ചായിരുന്നു വിവാഹം. സ്വാതിയാണ് വധു. കോവിഡ് മാനദണ്ഡങ്ങൾ പാലിച്ച് നടത്തിയ വിവാഹത്തിൽ അടുത്ത ബന്ധുക്കൾ മാത്രമാണ് പങ്കെടുത്തത്.,

ചടങ്ങുകളുടെ ചിത്രങ്ങൾ നവ്യ സോഷ്യൽ മീഡിയ വഴി പങ്കുവച്ചിട്ടുണ്ട്. ഹൃദയസ്പർശിയായ കുറിപ്പോടെയാണ് താരം കണ്ണനെന്ന് വിളിക്കുന്ന സഹോദരൻ രാഹുലിനും ഭാര്യയ്ക്കും ആശംസകൾ നേർന്ന് ചിത്രങ്ങൾ പങ്കുവച്ചിരിക്കുന്നത്. 

‘എന്റെ കണ്ണപ്പന് വിവാഹമം​ഗളാശംസകൾ. എന്റെ സഹോദരൻ, സുഹൃത്ത്, സൂര്യന് കീഴെയുള്ള സകല കാര്യങ്ങളെക്കുറിച്ചും  ഞങ്ങൾ വൈകിയ രാത്രികളിൽ നിരവധി ചർച്ചകൾ നടത്തിയിട്ടുണ്ട് .. ഞാൻ ഇപ്പോഴും നിന്നെ ശകാരിക്കുന്നു, അടിക്കുന്നു, കളിയാക്കുന്നു.നീ ഇത്രയും വലുതായെന്ന് ഞാൻ അറിഞ്ഞില്ല. ഇന്നും നീയെന്റെ ചോട്ടുവാണ്. 

സ്വാതി, കണ്ണാ നിങ്ങളെ  ഞാൻ സ്നേഹിക്കുന്നു.  നിങ്ങൾ രണ്ടുപേരും സന്തുഷ്ടവും സമാധാനപരവുമായ ജീവിതം നയിക്കട്ടെ .. ജീവിതം എന്നത് ജീവിക്കുന്നതിലാണ്, അതിന്റെ എല്ലാ ദിവസവും, ഓരോ നിമിഷവും .. എല്ലാത്തിനുമൊടുവിൽ, നിങ്ങൾ എത്ര നന്നായി ജീവിച്ചു എന്നതാണ് പ്രധാനം .. പണം അല്ല, നല്ല നിമിഷങ്ങൾ സമ്പാദിക്കൂ. നവ്യ കുറിച്ചു

Content Highlights : Actress Navya Nair Brother Rahul Got Married To Swathi,Pictures