ഖുശ്ബു സുന്ദർ | ഫോട്ടോ: www.instagram.com/khushsundar/
ചെന്നൈ: എയർ ഇന്ത്യയിൽ നിന്ന് നേരിട്ട ദുരനുഭവം വിവരിച്ച് നടിയും ബി.ജെ.പി നേതാവുമായ ഖുശ്ബു. കാൽമുട്ടിന് പരിക്കേറ്റ തനിക്ക് വീൽ ചെയറിനായി അര മണിക്കൂറാണ് ചെന്നൈ വിമാനത്താവളത്തിൽ കാത്തിരിക്കേണ്ടിവന്നതെന്ന് അവർ ട്വീറ്റ് ചെയ്തു. ട്വീറ്റ് ചർച്ചയായതോടെ മാപ്പുപറഞ്ഞ് എയർ ഇന്ത്യയും രംഗത്തെത്തി.
കഴിഞ്ഞ ദിവസമാണ് തനിക്ക് നേരിട്ട ദുരനുഭവത്തേക്കുറിച്ച് ഖുശ്ബു ട്വീറ്റ് ചെയ്തത്. കാൽമുട്ടിന് പരിക്കേറ്റതിനാൽ തനിക്ക് വീൽചെയർ ആവശ്യമായിരുന്നെന്നും എന്നാൽ അത് ലഭിക്കാനായി വിമാനത്താവളത്തിൽ 30 മിനിറ്റാണ് കാത്തിരിക്കേണ്ടിവന്നതെന്നും ഖുശ്ബു ട്വീറ്റ് ചെയ്തു. കാൽമുട്ടിന് പരിക്കേറ്റ ഒരു യാത്രക്കാരനെ കൊണ്ടുപോകാൻ അടിസ്ഥാനപരമായി വേണ്ട വീൽചെയർ പോലും ലഭ്യമാക്കാൻ എയർ ഇന്ത്യക്ക് കഴിഞ്ഞില്ല. മറ്റൊരു എയർലൈനിൽ നിന്ന് വീൽചെയർ കടം വാങ്ങിയാണ് തനിക്ക് നൽകിയതെന്നും ഖുശ്ബു പറയുന്നു. എയർ ഇന്ത്യ അവരുടെ സേവനങ്ങൾ ഇനിയും മെച്ചപ്പെടുത്തണമെന്നും എയർ ഇന്ത്യയെ ടാഗ് ചെയ്തുകൊണ്ട് അവർ ട്വീറ്റ് ചെയ്തു.
ട്വീറ്റ് വ്യാപകമായി പ്രചരിച്ചതോടെ മാപ്പുപറഞ്ഞ് എയർ ഇന്ത്യ രംഗത്തെത്തി. ഖുശ്ബുവിന്റെ ട്വീറ്റിന് മറുപടിയായാണ് അവർ ക്ഷമാപണവുമായെത്തിയത്. നിങ്ങൾക്കുണ്ടായ മോശം അനുഭവത്തിൽ അതിയായ ഖേദം പ്രകടിപ്പിക്കുന്നു. ഇക്കാര്യം ചെന്നൈ വിമാനത്താവളത്തിലെ ജീവനക്കാരുടെ ശ്രദ്ധയിൽപ്പെടുത്തുമെന്നുമായിരുന്നു എയർലൈൻ അധികൃതരുടെ മറുപടിയില്‍ പറയുന്നത്.
നിരവധി പേരാണ് ഖുശ്ബുവിന്റെ ട്വീറ്റിന് പ്രതികരണവുമായി എത്തിയത്. പലരും എയർ ഇന്ത്യയിൽ നിന്ന് തങ്ങൾക്ക് നേരിട്ട ദുരനുഭവങ്ങൾ പങ്കുവെച്ചപ്പോൾ മറ്റുചിലർ ഖുശ്ബുവിന് നേരിടേണ്ടിവന്ന പ്രശ്നത്തിൽ വിമാനക്കമ്പനിയെ കുറ്റപ്പെടുത്തി. ഈയിടെയാണ് ഖുശ്ബുവിന് കാലിന് പരിക്കേറ്റത്. ഇതിന്റെ ചിത്രങ്ങൾ അവർ സോഷ്യൽ മീഡിയയിൽ പോസ്റ്റ് ചെയ്തിരുന്നു.
Content Highlights: actress khushbu sundar's tweet against air india, air india not provided her wheel chair right time
Also Watch
RELATED STORIES
.jpg?$p=96377ea&f=1x1&w=100&q=0.8)
IN CASE YOU MISSED IT
.jpg?$p=5ab4c51&f=1x1&w=100&q=0.8)
.jpg?$p=afe3202&f=1x1&w=100&q=0.8)
.png?$p=2bd0e28&q=0.8&f=16x11&w=104)
.png?$p=c0551d8&q=0.8&f=16x11&w=104)
.png?$p=f59f2f4&q=0.8&f=16x11&w=104)
.png?$p=0d6dae0&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..