ഡിഎംആർസി മുഖ്യ ഉപദേഷ്ടാവ് ഇ ശ്രീധരന്റെ ബിജെപി പ്രവേശനത്തിൽ പ്രതികരണവുമായി നടൻ സിദ്ധാർഥ്. താൻ ഇ ശ്രീധരന്റെ വലിയ ആരാധകൻ ആണെന്നും അദ്ദേഹം ബിജെപിയിൽ ചേർന്നത് അല്പം നേരത്തെ ആയി പോയെന്നും ഇപ്പോൾ പ്രായം 88 ആയതല്ലേയുള്ളു എന്ന് താരം പരിഹാസ രൂപേണ കുറിച്ചു.
‘ഇ ശ്രീധരൻ സാറിന്റെയും ഒരു സാങ്കേതികവിദഗ്ധനെന്ന എന്ന നിലയ്ക്ക് രാജ്യത്തിന് അദ്ദേഹം നൽകിയ സേവനങ്ങളുടെയും വലിയ ആരാധകനാണ് ഞാൻ. ബിജെപിയിൽ ചേരാനും അടുത്ത കേരള മുഖ്യമന്ത്രിയാകാനുമുള്ള അദ്ദേഹത്തിന്റെ ആഗ്രഹത്തിൽ അതിയായ സന്തോഷം.
അദ്ദേഹത്തിന്റെ ഈ തീരുമാനം അല്പം നേരത്തെയായി പോയോ എന്നൊരു സംശയം. ഒരു 10-15 വർഷം കൂടെ കാത്തിരിക്കാമായിരുന്നു എന്നാണ് എന്റെ വിനീതമായ അഭിപ്രായം. അദ്ദേഹത്തിന് 88 വയസായതല്ലേയുള്ളു‘ എന്നായിരുന്നു സിദ്ധാർഥിന്റെ ട്വീറ്റ്.
Big fan of E. Sreedharan sir and his service to our country as a technocrat. So excited he has joined the BJP and wants to be the next CM of Kerala. I'm just apprehensive that it might be a little premature. He could have waited 10-15 years IMHO. He's only 88 after all.
— Siddharth (@Actor_Siddharth) February 21, 2021
Content Highlights : Actor Sidharth against E Sreedharans BJP entry
