സായ് കുമാറിന് പകരം 'സ്വാതി തിരുനാളാ'യി തട്ടിൽ കയറിയ റിസബാവ


വി.പി. ശ്രീലൻ

പ്രൊഫഷണൽ നാടകരംഗത്ത് ഏതാണ്ട് ആറ് വർഷം മാത്രമാണ് അദ്ദേഹം പ്രവർത്തിച്ചത്. അതിനിടയിൽ സിനിമയിലെത്തുകയും തിരക്കുള്ള നടനായി മാറുകയും ചെയ്തു

Rizabawa, Sai Kumar

തോപ്പുംപടി: കുട്ടിക്കാലം മുതൽ റിസബാവയുടെ മനസ്സിൽ നാടകവുമുണ്ടായിരുന്നു. നേവൽ ബേയ്‌സിൽ ജീവനക്കാരനായിരുന്ന പിതാവ് ഇസ്മയിൽ ബാവ അക്കാലത്ത് നാടകത്തിൽ അഭിനയിച്ചിരുന്നു. അതുകണ്ടാണ് റിസ വളർന്നത്. തോപ്പുംപടി സെയ്ന്റ് സെബാസ്റ്റ്യൻസ് സ്‌കൂളിൽ പഠിക്കുന്ന കാലത്ത് സി.എൽ. ജോസിന്റെ ‘സൂര്യാഘാതം’ എന്ന നാടകത്തിൽ ജൂലി എന്ന കഥാപാത്രത്തെ റിസ അവതരിപ്പിച്ചു. ശക്തമായ ആ കഥാപാത്രത്തെ അതിമനോഹരമായാണ് റിസ അവതരിപ്പിച്ചതെന്ന് അദ്ദേഹത്തിന്റെ സഹപാഠി കൂടിയായിരുന്ന ചലച്ചിത്ര സംവിധായകൻ റഫീക്‌ സീലാട്ട് ഓർക്കുന്നു. എട്ടിൽ പഠിക്കുമ്പോൾ തന്നെ റിസ സ്‌കൂളിനു പുറത്തെ നാടക അരങ്ങിലെത്തി.

കൊച്ചിൻ ബാബു രചിച്ച ‘വെളിച്ചമാണുണ്ണീ’ എന്ന നാടകത്തിൽ ഡോക്ടറുടെ വേഷമായിരുന്നു.

അതൊരു തുടക്കമായിരുന്നു. ഇത്ര സൗന്ദര്യത്തികവുള്ള നടൻ അക്കാലത്ത് കൊച്ചിയുടെ നാടകവേദിയിൽ കണ്ടിരുന്നില്ല. ആദ്യ നാടകത്തിൽ തന്നെ ശ്രദ്ധേയനായ റിസയ്ക്ക് പിന്നീട് നിരവധി അവസരങ്ങൾ കിട്ടി. കൊച്ചിൻ സനാതനയുടെ ‘രഥോത്സവം’ എന്ന നാടകത്തിലൂടെയാണ് പ്രൊഫഷണൽ നാടക രംഗത്തെത്തിയത്. പിന്നീട് കൊച്ചി നീലിമ ആർട്‌സിൽ അഭിനയിച്ചു. ഇതിനിടെ മീനാരാജിനൊപ്പം തെരുവു നാടകങ്ങളിലും അഭിനയിച്ചു. രാഷ്ട്രീയക്കാർ സംഘടിപ്പിച്ച തെരുവു നാടകങ്ങളിൽ അദ്ദേഹം അഭിനയിച്ചത്, രാഷ്ട്രീയത്തോടുള്ള താത്‌പര്യം കൊണ്ടായിരുന്നില്ല, മറിച്ച് നാടകത്തോടുള്ള ഇഷ്ടം കൊണ്ടായിരുന്നു.

ആലപ്പി ഋഷികേശുമായുള്ള പരിചയം, റിസയെ'ചേർത്തല കലാകേന്ദ്ര' ത്തിലെത്തിച്ചു. അവരുടെ'മുത്തുക്കുട' എന്ന നാടകത്തിൽ പ്രധാന വേഷത്തിൽ അഭിനയിച്ചു. തുടർന്ന് കൊല്ലം അനശ്വരയുടെ 'കാറ്റ് വിതച്ചവർ' എന്ന നാടകത്തിലും ശ്രദ്ധേയ വേഷം ചെയ്തു. ഇതിനുശേഷമാണ് തിരുവനന്തപുരം സംഘചേതനയിലെത്തുന്നത്. അതാണ് റിസയുടെ ജീവിതത്തിൽ വഴിത്തിരിവായത്. സംഘചേതനയുടെ ‘സ്വാതി തിരുനാൾ’ എന്ന നാടകത്തിൽ സ്വാതി തിരുനാളിന്റെ വേഷം ചെയ്തിരുന്ന നടൻ സായ്‌ കുമാർ, സിനിമയിലേക്കു പോയി. അതിനു പകരക്കാരനായാണ് റിസയെ പരിഗണിച്ചത്. വെല്ലുവിളി നിറഞ്ഞ ആ വേഷം റിസയുടെ കൈയിൽ ഭദ്രമായിരുന്നു.

പ്രൊഫഷണൽ നാടകരംഗത്ത് ഏതാണ്ട് ആറ് വർഷം മാത്രമാണ് അദ്ദേഹം പ്രവർത്തിച്ചത്. അതിനിടയിൽ സിനിമയിലെത്തുകയും തിരക്കുള്ള നടനായി മാറുകയും ചെയ്തു.

സിനിമയിൽ തിളങ്ങി നിൽക്കുമ്പോൾ, അദ്ദേഹം സ്വന്തമായി ഒരു നാടക ട്രൂപ്പ് തുടങ്ങി. അരുണാ കമ്മ്യൂണിക്കേഷൻസ് എന്ന ആ ട്രൂപ്പ് അധികകാലം പ്രവർത്തിച്ചില്ല.

content highlights : Actor Rizabawa Theatre life movies

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
mv govindan

കേരളത്തിലെ കറിപൗഡറുകളെല്ലാം വ്യാജം, വിഷം - മന്ത്രി എം.വി. ഗോവിന്ദന്‍

Aug 11, 2022


kt jaleel

1 min

പാക് അധീന കശ്മീരിനെ ആസാദ് കശ്മീർ എന്നു വിശേഷിപ്പിച്ച് ജലീൽ; പരാമർശം വൻവിവാദം

Aug 12, 2022


rape survivor vijay babu

1 min

9-ാം ക്ലാസുകാരനെതിരായ പീഡനക്കേസില്‍ ട്വിസ്റ്റ്; പെണ്‍കുട്ടിയുടെ പിതാവ് മകളെ പീഡിപ്പിച്ചകേസില്‍ പ്രതി

Aug 12, 2022

Most Commented