പ്രേംനസീറിന്റെ ഡ്യൂപ്പ് നസീർ കോയ അന്തരിച്ചു, Actor Prem Nazir dupe Nazir Koya Passed Away

05 September 2021, 10:53 AM IST

പ്രേംനസീറിനു സംഘട്ടനരംഗങ്ങളിൽ പരിക്കേൽക്കാതിരിക്കാൻ കുഞ്ചാക്കോയാണ് ജൂനിയർ ആർട്ടിസ്റ്റായിരുന്ന കോയയെ ഡ്യൂപ്പാക്കിയത്

Nazir Koya, Prem Nazir

ആലപ്പുഴ: പ്രേംനസീറിന്റെ ഡ്യൂപ്പായി ഒട്ടേറെ സിനിമകളിൽ സാഹസികവേഷങ്ങൾചെയ്ത ആലപ്പുഴ ചാത്തനാട് വെളിമ്പറമ്പിൽ എ. കോയ (നസീർ കോയ-85) അന്തരിച്ചു. കോവിഡ് ബാധിച്ചതിനെത്തുടർന്നു ചികിത്സയിലായിരുന്നു. ശനിയാഴ്ച പുലർച്ചേയാണ് അന്ത്യം.

കുഞ്ചാക്കോ സംവിധാനം ചെയ്ത ‘ഉമ്മ’ എന്ന ചിത്രത്തിലൂടെ ജൂനിയർ ആർട്ടിസ്റ്റായിട്ടായിരുന്നു തുടക്കം. ‘പഴശ്ശിരാജ’ (പഴയത്) എന്ന ചിത്രത്തിലാണു നസീറിന്റെ ഡ്യൂപ്പായി അരങ്ങേറിയത്. ‘വിയറ്റ്നാം കോളനി’ യാണ് അവസാനചിത്രം. നൂറുകണക്കിനു സിനിമകളിൽ ചെറുവേഷങ്ങൾ ചെയ്തു.

പ്രേംനസീറിനു സംഘട്ടനരംഗങ്ങളിൽ പരിക്കേൽക്കാതിരിക്കാൻ കുഞ്ചാക്കോയാണ് ജൂനിയർ ആർട്ടിസ്റ്റായിരുന്ന കോയയെ ഡ്യൂപ്പാക്കിയത്. നസീറിക്ക എന്നാണു പ്രേംനസീർ കോയയെ വിളിച്ചിരുന്നത്.

ഭാര്യ: പരേതയായ നസീമ. മക്കൾ: നവാസ്, നദീറ, സിയാദ്, നിഷ, നിയാസ്. മരുമക്കൾ: കുൽസുംബീവി, നജീബ്, താഹിറ, ഷാമോൻ, അൻസി.

content highlights : Actor Prem Nazir dupe Nazir Koya Passed Away