പറയാനുള്ളത് മുഖത്ത് നോക്കി പറയാം, മകളെ ട്രോളുന്നത് ക്ഷമിക്കാനാവില്ല; അഭിഷേക് ബച്ചൻ‌


അടുത്തിടെയാണ് അഭിഷേകും ഐശ്വര്യയും ചേർന്ന് മകളുടെ 10-ാം ജന്മദിനം മാലിദ്വീപിൽ ആഘോഷിച്ചത്.

Photo | Instagram, https:||www.instagram.com|aishwaryaraibachchan_arb|

മകൾ ആരാധ്യയ്ക്കെതിരേയുള്ള ട്രോളുകളോട് രൂക്ഷമായി പ്രതികരിച്ച് ബോളിവുഡ് നടൻ അഭിഷേക് ബച്ചൻ. തന്റെ പുതിയ ചിത്രമായ ‘ബോബ് ബിസ്വാസു’മായി ബന്ധപ്പെട്ട് ബോളിവുഡ് ലൈഫിനു നൽകിയ അഭിമുഖത്തിലാണ് ആരാധ്യയെക്കുറിച്ചുള്ള ട്രോളുകളോടുള്ള അഭിഷേകിന്റെ പ്രതികരണം.

തന്നെക്കുറിച്ചുള്ള ട്രോളുകൾ സഹിക്കുമെന്നും, എന്നാൽ മകളെ കളിയാക്കി കൊണ്ടുള്ള ട്രോളുകൾ ക്ഷമിക്കാനാവില്ലെന്നും അഭിഷേക് വ്യക്തമാക്കി.

"ഇത് ഒരിക്കലും അം​ഗീകരിക്കാനാവില്ല, എനിക്കൊരിക്കലും ക്ഷമിക്കാനുമാവില്ല.. ഞാനൊരു പബ്ലിക് ഫിഗറാണ്, അത് സമ്മതിക്കാം. പക്ഷേ എന്റെ മകൾ അങ്ങനെയല്ല. നിങ്ങൾക്ക് എന്തെങ്കിലും പറയാനുണ്ടെങ്കിൽ വന്നെന്റെ മുഖത്തു നോക്കി പറയാം." അഭിഷേക് പറഞ്ഞു.

അടുത്തിടെയാണ് അഭിഷേകും ഐശ്വര്യയും ചേർന്ന് മകളുടെ 10-ാം ജന്മദിനം മാലിദ്വീപിൽ ആഘോഷിച്ചത്.

ഇതിനും മുമ്പും മകളെ അനാവശ്യ ട്രോളുകളിലും മറ്റും ബന്ധപ്പെടുത്തുന്നതിനെതിരേ അഭിഷേകും ഐശ്വര്യയും രം​ഗത്ത് വന്നിട്ടുണ്ട്. മകളോടുള്ള അമിതമായ ശ്രദ്ധയുടെ പേരിൽ പല തവണ ഐശ്വര്യ പഴി കേട്ടിട്ടുമുണ്ട്. സോഷ്യൽ മീഡിയയിൽ ആയാലും മാധ്യമങ്ങളുടെ ക്യാമറക്കണ്ണുകളിൽ നിന്നായാലും മകൾക്ക് ഒരു സുരക്ഷിതവലയം തീർക്കാൻ ഐശ്വര്യ ശ്രമിക്കാറുണ്ട്.

2011 ലാണ് ആരാധ്യ ജനിക്കുന്നത്. തന്നെക്കുറിച്ച് പ്രചരിക്കുന്ന ട്രോളുകൾക്കൊന്നും ചെവി കൊടുക്കാത്ത ഐശ്വര്യ പക്ഷെ ഒരിക്കൽ ഇത്തരം ട്രോളുകളിൽ തനിക്കുള്ള അമർഷം രേഖപ്പെടുത്തുകയുണ്ടായി. നെഗറ്റീവ് ട്രോളുകളെ എപ്പോഴും അവഗണിക്കുന്ന ഐശ്വര്യ ഒരിക്കൽ ക്ഷമനശിച്ച് പറഞ്ഞതിങ്ങനെയായിരുന്നു :- '' നിങ്ങൾ എന്തും പറയൂ, അവൾ എന്റെ മകളാണ്. ഞാൻ അവളെ സ്‌നേഹിക്കും, ഞാൻ അവളെ സംരക്ഷിക്കും, ഞാൻ അവളെ കെട്ടിപ്പിടിക്കും, അവൾ എന്റെ മകളാണ്, എന്റെ ജീവിതവും''.

Content Highlights : Abhishek Bachchan against trolls on daughter Aaradhya, Abhishek Aishwarya Aradhya


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Anil Antony

4 min

ഈ പോക്കിന്‌ കോണ്‍ഗ്രസിന് ഭാവി വിദൂരമാണ്, ഒപ്പമുള്ളവരെ കാണുമ്പോള്‍ രാഹുലിനോട് സഹതാപം- അനില്‍ ആന്റണി

Jan 25, 2023


temple

1 min

ഓസ്‌ട്രേലിയയില്‍ ഹിന്ദു ക്ഷേത്രങ്ങള്‍ക്കുനേരെ ആക്രമണം; പ്രതിഷേധമറിയിച്ച് ഇന്ത്യ

Jan 26, 2023


adani

2 min

നഷ്ടം കോടികള്‍: നിയമനടപടിയെന്ന് അദാനി; ഭീഷണിയല്ലാതെ ചോദ്യങ്ങള്‍ക്കുത്തരമുണ്ടോയെന്ന് ഹിന്‍ഡെന്‍ബര്‍ഗ്

Jan 27, 2023

Most Commented