ഞങ്ങൾ കെട്ടിപ്പിടിച്ചു കിടക്കുന്നുണ്ട്, നന്നായി ജീവിച്ചങ്ങ് എത്തിയേക്കാം’; അച്ഛന്റെ വേർപാടിൽ അഭയ


കോവിഡ് ബാധിച്ച് ചികിത്സയിലിരിക്കെ ശനിയാഴ്ച്ചയായിരുന്നു മോഹന്റെ മരണം.

Photo | Instagram, Abhaya Hiranmayi

അച്ഛൻ ജി.മോഹന്റെ അപ്രതീക്ഷിത വേർപാടിൽ അനുശോചനം രേഖപ്പെടുത്തുകയും ഒപ്പം നിൽക്കുകയും ചെയ്ത എല്ലാവരോടും നന്ദി പറഞ്ഞ് ഗായിക അഭയ ഹിരൺമയി. കോവിഡ് ബാധിച്ച് ചികിത്സയിലിരിക്കെ ശനിയാഴ്ച്ചയായിരുന്നു മോഹന്റെ (65) മരണം. ദൂരദർശനിൽ നിന്ന് ഫ്ലോർ മാനേജറായി വിരമിച്ചയാളാണ് മോഹൻ.

രാഷ്ട്രീയ നേതാക്കളോടും സഹപ്രവർത്തകരോടും സുഹൃത്തുക്കളോടും ബന്ധുക്കളോടും ഉൾപ്പെടെ അഭയ നന്ദി അറിയിച്ചു. അവസാനമായി അച്ഛനെ ഒരു നോക്കു കാണാനാകാത്തതിന്റെ ദുഃഖവും അഭയ കുറിക്കുന്നു. ഹൈദരാബാദിലാണ് അഭയ ഇപ്പോൾ ഉള്ളത്.

‘ കഴിഞ്ഞ ആഴ്ചയും ഈ ആഴ്ചയുമായി മരിച്ചു തലക്കു മീതെ നിൽക്കുകയാണ് മാമനും അച്ഛനും. കുടുംബസ്വത്തായി കിട്ടിയ അപാര സെൻസ് ഓഫ് ഹ്യൂമർ ഒന്നു കൊണ്ട് മാത്രം കോമഡി അടിച്ചു രക്ഷപെടുന്ന ഒരു കുടുംബം ആണ് എന്റെത്. തീർച്ചയാണ് അച്ഛനും മാമനും പൊട്ടി പൊട്ടി ചിരിക്കുന്നുണ്ടാകും. അതു തന്നെയാണ് ഞങ്ങൾക്കു വേണ്ടതും.

അച്ഛനോടായി ഒന്നു പറയാൻ പറ്റിയില്ല. കാണാൻ കൂടെ കഴിഞ്ഞില്ല. അച്ഛന്റെ അമ്മയും അമ്മാവനും വിജയണ്ണനും രാധയും കെട്ടി പിടിച്ചു ഉമ്മ തരുന്നു, ഗീതയും ലതയും "മൊണ്ണ" എന്നു വിളിച്ചു തൊട്ടടുത്ത് നില്പ്പുണ്ട്. അച്ഛന്റെ മക്കളും മരുമക്കളും വിദ്യ, ദിവ്യ, ചിക്കു, ബാലു, ഡച്ചു, അച്ചു, പിഞ്ചു ഒക്കെ അച്ഛനെ മിസ് ചെയ്യുന്നുണ്ട്. ഹിയാഗോ അച്ഛനെ പ്രതീക്ഷിച്ചു വാലാട്ടി ഇരിപ്പുണ്ട്. അമ്മയും കിളിയും ഞാനും അച്ഛന്റെ കൂടെ കെട്ടിപിടിച്ചു കിടക്കുന്നുണ്ട്. നന്നായി ഉറങ്ങൂ. ഞങ്ങൾ മറുവശത്തുണ്ട്. നന്നായി ജീവിച്ചിട്ട് അങ്ങ് എത്തിയേക്കാം’ , അഭയ ഹിരൺമയി കുറിച്ചു.

തിരുവനന്തപുരം മെഡിക്കൽ കോളജ് ആശുപത്രിയിൽ ചികിത്സയിൽക്കഴിയവേ ആയിരുന്നു മോഹന്റെ അന്ത്യം. അദ്ദേഹത്തിന്റെ ഭാര്യ ലതികയും ഇളയ മകൾ വരദ ജ്യോതിർമയിയും കോവിഡ് ബാധിച്ചു ചികിത്സയിലായിരുന്നു.

Content Highlights : Abhaya Hiranmayi remembers her father G Mohan who died due to covid 19

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented