ഫഹദിന്റെ ഇ മെയിൽ, ഒട്ടും സമയം ഇല്ലെന്നാണ് ആദ്യം പറഞ്ഞത്; എ.ആർ. റഹ്‌മാൻ 'മലയൻകുഞ്ഞി'ൽ എത്തിയ വഴി


മലയൻകുഞ്ഞിൽ ഫഹദ്, എ.ആർ റഹ്മാൻ

ഹദ് ഫാസില്‍ നായകനായ 'മലയന്‍കുഞ്ഞ്' എന്ന സിനിമയില്‍ സംഗീത സംവിധാനം ചെയ്ത അനുഭവം പങ്കുവച്ച് എ.ആര്‍ റഹ്‌മാന്‍. അവിചാരിതമായി ഫഹദ് തനിക്ക് ഒരു ഇ മെയില്‍ അയച്ചുവെന്നും തുടര്‍ന്നുണ്ടായ സംഭവവികാസങ്ങളാണ് തന്നെ വീണ്ടും മലയാള സിനിമയില്‍ എത്തിച്ചതെന്നും റഹ്‌മാന്‍ പറഞ്ഞു.

ദുബായ് എക്‌സ്‌പോ നടക്കുന്ന സമയത്താണ് ഫഹദിന്റെ ഇ-മെയില്‍ ലഭിച്ചത്. സാര്‍, എനിക്ക് താങ്കളെ ഒരു സിനിമ കാണിക്കാനുണ്ടെന്ന് പറഞ്ഞു. ഞാന്‍ ആശ്ചര്യപ്പെട്ടു. ദുബായിലേക്ക് വരാന്‍ പറയുകയും ചെയ്തു. സിനിമയുടെ തിരക്കഥാകൃത്തും ഛായാഗ്രാഹകനുമായ മഹേഷ് നാരായണനൊപ്പമാണ് ഫഹദ് വന്നത്. ഫഹദ് ഒരു സ്വാഭാവിക നടനാണ്. എനിക്ക് സിനിമ വളരെ ഇഷ്ടമാവുകയും ചെയ്തു. എന്നാല്‍, ഈ സിനിമ ചെയ്യാന്‍ എനിക്കൊട്ടും സമയമില്ലെന്നും അടുത്ത സിനിമയില്‍ നോക്കാമെന്നും ഞാന്‍ പറഞ്ഞു. എന്നിരുന്നാലും മ്യൂസിക് റൂമിലേക്ക് പോയ ഞാന്‍ തീം കമ്പോസ് ചെയ്യാന്‍ ആരംഭിച്ചു. എനിക്ക് ഈ സിനിമ ചെയ്യാന്‍ കഴിയുമോ ഇല്ലയോ എന്ന് ഉറപ്പുണ്ടായിരുന്നില്ല. പക്ഷേ, ഫഹദ് പറഞ്ഞു, സര്‍ താങ്കള്‍ ഇത് ചെയ്യണമെന്ന്. ഈ സിനിമയില്‍ റേഡിയോ മെക്കാനിക്കിന്റെ വേഷത്തിലാണ് ഫഹദ് എത്തുന്നത്. അതെനിക്ക് വളരെയധികം താദാത്മ്യം പ്രാപിക്കാന്‍ കഴിയുന്ന കഥാപാത്രമായിരുന്നു.

കുറച്ച് ദിവസത്തിന് ശേഷം ഞാന്‍ രണ്ട് തീം അയച്ചു നല്‍കി. അതാണ് ട്രെയ്‌ലറില്‍ വന്നത്. അതിന് ശേഷമാണ് സ്‌കോറിങ് ആരംഭിച്ചത്. സമയക്കുറവായിരുന്നു പരിമിതി. പൊന്നിയന്‍ സെല്‍വന്റെ ജോലിയും എക്‌സ്‌പോയുടെ തിരക്കുകളുമുണ്ടായിരുന്നു. ശേഖര്‍ കപൂറിനൊപ്പവും ഞാന്‍ പ്രവര്‍ത്തിക്കുകയായിരുന്നു. എന്നിരുന്നാലും ഞാന്‍ 'മലയന്‍കുഞ്ഞി'ന്റെ ടീമിനൊപ്പം പ്രവര്‍ത്തിക്കാന്‍ തീരുമാനിച്ചു. അവരുടേത് മികച്ച കൂട്ടായ്മയാണ്. രണ്ടു പാട്ടുകള്‍ ചെയ്യാമെന്ന് പറഞ്ഞത് ഞാനായിരുന്നു. 28 വര്‍ഷങ്ങള്‍ക്ക് ശേഷം ഞാന്‍ മലയാളത്തില്‍ മടങ്ങിയെത്തുന്നു. 'മലയന്‍കുഞ്ഞി'ലൂടെയും ബ്ലെസിയുടെ 'ആടുജീവിത'ത്തിലൂടെയും- റഹ്‌മാന്‍ പറഞ്ഞു.


Content Highlights: A. R. Rahman, Malayankunju Film, Fahadh Faasil, Mahesh Narayanan, Sajimon

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

04:45

റുഷ്ദിയിലേയ്ക്കു മാത്രമല്ല, പരിഭാഷകരിലേയ്ക്കും നീണ്ട പതിറ്റാണ്ടിന്റെ പക

Aug 16, 2022


Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


09:55

പവർ പാക്ക്ഡ് 'പാലാപ്പള്ളി'; കടുവയിലെത്തിയ കഥ പറഞ്ഞ് സോൾ ഓഫ് ഫോക്ക് ബാൻഡ് | Soul of Folk

Aug 14, 2022

Most Commented