പി.വൈ രജിസ്‌ട്രേഷന്‍ ചെയ്യാനിത് മെഴ്‌സിഡസോ ലാന്‍ഡോ ലോവറോ അല്ലല്ലോ? 1744 വൈറ്റ് ഓള്‍ട്ടോ ട്രെയിലര്‍


ഷറഫുദ്ദീന്റെ പോലീസ് കഥാപാത്രവും സഹപ്രവര്‍ത്തകരും തമ്മിലുള്ള രംഗങ്ങളും അത്യന്തം രസകരമാണ്.

.

വ്യത്യസ്തമായ ആഖ്യാനവുമായെത്തിയ 'തിങ്കളാഴ്ച നിശ്ചയ'ത്തിന് ശേഷം സെന്ന ഹെഗ്‌ഡെ സംവിധാനം ചെയ്യുന്ന 1744 വൈറ്റ് ഓള്‍ട്ടോയുടെ ട്രെയിലര്‍ പുറത്തിറങ്ങി. ഷറഫുദ്ധീനാണ് ചിത്രത്തിലെ നായകന്‍. കാഞ്ഞങ്ങാട് പശ്ചാത്തലത്തില്‍ വളരെ വ്യത്യസ്തമായ ഒരു കഥയായിരിക്കും ചിത്രമെന്നാണ് ട്രെയിലര്‍ തരുന്ന സൂചന.

ഡാര്‍ക്ക് കോമഡി സ്വഭാവമുള്ള സിനിമയുടെ ട്രെയിലറിന് വന്‍ സ്വീകാര്യതയാണ് ലഭിച്ചത്. തിങ്കളാഴ്ച നിശ്ചയത്തിന് ശേഷമുള്ള സിനിമയ്ക്കായി പ്രേക്ഷകര്‍ കാത്തിരക്കവേയാണ് 1744 വൈറ്റ് ഓള്‍ട്ടോയുടെ പ്രഖ്യാപനം. ഒരു വെള്ള ഓള്‍ട്ടോ കാറിനെ ചുറ്റിപ്പറ്റിയാണ് കഥ വികസിക്കുന്നത്. മെയ്ഡ് ഇന്‍ കാഞ്ഞങ്ങാട് എന്ന ടാഗ് ലൈനിലാണ് സിനിമയെത്തുന്നത്. മോഷ്ടാക്കളുടെ കൈയ്യിലെത്തിപ്പെടുന്ന ഓള്‍ട്ടോകാറും അതിനോടനുബന്ധിച്ച സംഭവങ്ങളും ആശങ്കകളുമാണ് രസകരമായ രീതിയില്‍ ട്രെയിലറില്‍ കാണിക്കുന്നത്.



ആക്ഷേപഹാസ്യത്തിലും തമാശകളിലും പൊതിഞ്ഞ ട്രെയിലര്‍ തന്നെ സിനിമയെന്തായിരിക്കുമെന്ന് വലിയ പ്രതീക്ഷയാണ് പ്രേക്ഷകര്‍ക്ക് നല്‍കുന്നത്. ഷറഫുദ്ദീന്റെ പോലീസ് കഥാപാത്രവും സഹപ്രവര്‍ത്തകരും തമ്മിലുള്ള രംഗങ്ങളും അത്യന്തം രസകരമാണ്. ഒരുപോലെ ചിരിപ്പിക്കുകയും ചിന്തിക്കുകയും ചെയ്യുന്ന ഹെഗ്‌ഡേ ടച്ച് ട്രെയിലറില്‍ തന്നെ നിറഞ്ഞുകാണാം. നവംബര്‍ 18-ന് ചിത്രത്തിന്റെ റിലീസിനായി പ്രേക്ഷകര്‍ കാത്തിരിപ്പിലാണ്.

വിന്‍സി അലോഷ്യസ്, രാജേഷ് മാധവന്‍, നവാസ് വള്ളിക്കുന്ന്, അരുണ്‍ കുരിയന്‍, സ്മിനു സിജോ, ആര്യ സലിം, ആനന്ദ് മന്മഥന്‍, സജിന്‍ ചെറുകയില്‍, ആര്‍ജെ നില്‍ജ, രഞ്ജി കാങ്കോല്‍ തുടങ്ങിയവരാണ് മറ്റ് അഭിനേതാക്കള്‍. കബിനി ഫിലിംസിന്റെ ബാനറില്‍ മൃണാള്‍ മുകുന്ദന്‍, ശ്രീജിത്ത് നായര്‍, വിനോദ് ദിവാകര്‍ എന്നിവര്‍ ചേര്‍ന്നാണ് ഈ സിനിമ നിര്‍മ്മിക്കുന്നത്. ഡ്രീം ബിഗ് ഫിലിംസാണ് ചിത്രം വിതരണം ചെയ്യുന്നത്.

Content Highlights: 1744 white alto trailer , senna hegde,sharafudheen


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


04:02

'ലൈലാ ഓ ലൈലാ...' എവർ​ഗ്രീൻ ഡിസ്കോ നമ്പർ | പാട്ട് ഏറ്റുപാട്ട്‌

Sep 26, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022

Most Commented