.jpg?$p=2922c1a&f=16x10&w=856&q=0.8)
യുവൻശങ്കർ രാജ പോസ്റ്റ് ചെയ്ത ചിത്രം, ഇളജരാജ
ഹിന്ദി വിവാദത്തിന്റെ പശ്ചാത്തലത്തില്‍ ഇളജരാജയുടെ മകനും സംഗീത സംവിധായകന്‍ യുവന്‍ ശങ്കര്‍രാജയുടെ പ്രതികരണം ശ്രദ്ധേയമാകുന്നു. ഇരുണ്ട ദ്രാവിഡന്‍, അഭിമാനിയായ തമിഴന്‍ എന്ന കുറിപ്പോടെ കറുത്ത മുണ്ടും കറുത്ത ടീ ഷര്‍ട്ടും ധരിച്ച ചിത്രം യുവന്‍ ശങ്കര്‍ രാജ സാമൂഹിക മാധ്യമങ്ങളിലൂടെ പങ്കുവച്ചതാണ് വലിയ ചര്‍ച്ചകള്‍ക്ക് തുടക്കമിട്ടിരിക്കുന്നത്.
പ്രധാനമന്ത്രി നരേന്ദ്ര മോദിയെക്കുറിച്ച് ഇളയരാജ നടത്തിയ പരാമര്‍ശം വിവാദമായിരിക്കുകയാണ്. ഈ സാഹചര്യത്തില്‍ പിതാവിനുള്ള മകന്റെ മറുപടിയാണെന്ന തരത്തിലും വ്യാഖ്യാനിക്കുന്നവരുണ്ട്. മോദിയെയും ഇന്ത്യന്‍ ഭരണഘടനയുടെ പിതാവും സാമൂഹ്യപരിഷ്‌കര്‍ത്താവുമായ ഡോ. ബി.ആര്‍. അംബേദ്കറെയും താരതമ്യം ചെയ്ത ഇളരാജയ്‌ക്കെതിരേ രൂക്ഷവിമര്‍ശമാണ് പലഭാഗത്തുനിന്നും ഉയരുന്നത്.
"പ്രധാനമന്ത്രി നരേന്ദ്ര മോദിയും ഡോ. ബി.ആര്‍. അംബേദ്കറും തമ്മിലുള്ള ശ്രദ്ധേയമായ ചില സാദൃശ്യങ്ങള്‍ ഈ പുസ്തകം പുറത്ത് കൊണ്ടുവരുന്നു. സമൂഹത്തിലെ അധഃസ്ഥിത വിഭാഗത്തില്‍നിന്ന് പ്രതിസന്ധികളോട് പോരാടി വിജയിച്ചവരാണ് ഇരുവരും. പട്ടിണിയും അടിച്ചമര്‍ത്തുന്ന സാമൂഹ്യ വ്യവസ്ഥയും ഇരുവരും നേരിട്ടിട്ടുണ്ട്. അവയെ ഇല്ലാതാക്കുന്നതിന് ഇരുവരും പ്രവര്‍ത്തിച്ചു. ഇരുവരും ഇന്ത്യയ്ക്ക് വേണ്ടി വലിയ സ്വപ്നങ്ങള്‍ കണ്ടു, എന്നാല്‍ ഇരുവരും പ്രയോഗികതയിലും പ്രവൃത്തിയിലും വിശ്വസിക്കുന്നവരായിരുന്നു."- ഇതായിരുന്നു ഇളജരാജയുടെ പരാമര്‍ശം.
സംസ്ഥാനങ്ങള്‍ തമ്മിലുള്ള ആശയവിനിമയത്തിന് ഹിന്ദി ഉപയോഗിക്കണമെന്നാവശ്യപ്പെട്ട കേന്ദ്ര ആഭ്യന്തര മന്ത്രി അമിത് ഷായെ പരോക്ഷമായി എ.ആര്‍. റഹ്‌മാനും വിമര്‍ശിച്ചിരുന്നു.
തമിഴ് ദേവതയെന്ന അര്‍ഥത്തിലുള്ള 'തമിഴനങ്ക്' എന്ന വാക്കും ദേവതാചിത്രവും ചേര്‍ന്ന പോസ്റ്റിനൊപ്പം കവി ഭാരതീദാസന്റെ 'തമിഴിയക്ക'ത്തില്‍ നിന്നുള്ള 'പ്രിയ തമിഴാണ് നമ്മുടെ അസ്തിത്വത്തിന്റെ വേര്' എന്ന വരിയും ഉള്‍പ്പെടുത്തിയായിരുന്നു റഹ്‌മാന്റെ പ്രതികരണം.
Content Highlights: Yuvan Shankar Raja Instagram post, Hindi Controversy, Ilayaraja, Narendra Modi, AR Rahman
Also Watch
RELATED STORIES
.jpg?$p=fc07f96&f=1x1&w=100&q=0.8)
.jpg?$p=998287b&f=1x1&w=100&q=0.8)
IN CASE YOU MISSED IT
.jpg?$p=6e22375&f=1x1&w=100&q=0.8)
.jpg?$p=2922c1a&f=1x1&w=100&q=0.8)
.jpg?$p=a80322e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..