അറിവിന്റെ ശബ്ദം ഉയർന്നു കേട്ടാൽ മാത്രം മതി എനിക്ക്, എൻജോയ് എഞ്ചാമി വിവാ​ദത്തിൽ ധീ


ധീ | ഫോട്ടോ: www.instagram.com/dhee___/

വൈറൽ ​ഗാനമായ എൻജോയ് എഞ്ചാമി എന്ന​ ഗാനം വീണ്ടും വാർത്തകളിൽ ഇടംപിടിക്കുകയാണ്. ​ഗാനത്തിന്റെ യഥാർത്ഥ അവകാശിയാര് എന്ന തർക്കങ്ങൾക്കിടയിൽ വിശദീകരണവുമായി രം​ഗത്തെത്തിയിരിക്കുകയാണ് ഈ ​ഗാനം ആലപിക്കുകയും അഭിനയിക്കുകയും ചെയ്ത ​ഗായിക ധീ. ട്വിറ്ററിൽ പോസ്റ്റ് ചെയ്ത കുറിപ്പിലാണ് പാട്ടുമായി ബന്ധപ്പെട്ട് തന്റെ അഭിപ്രായം അവർ തുറന്നുപറഞ്ഞിരിക്കുന്നത്.

തങ്ങൾ മൂവരും ഒരുപോലെ ആ പാട്ടിന് അവകാശികളാണെന്ന് ധീ അഭിപ്രായപ്പെട്ടു. ​ഗാനരചയിതാവ്, ​ഗായകൻ എന്ന നിലയിൽ അറിവിനും സം​ഗീത സംവിധായകൻ, നിർമാതാവ് എന്ന രീതിയിൽ സന്തോഷ് നാരായണനും താൻ ക്രെഡിറ്റ് നൽകുമെന്നും അവർ പറഞ്ഞു. കിട്ടുന്ന എല്ലാ വേളകളിലും ഇവർ രണ്ടുപേരേക്കുറിച്ചും, പ്രത്യേകിച്ച് അറിവിനേക്കുറിച്ച് അഭിമാനത്തോടെ ‍താൻ പറയാറുണ്ട്. ഒരിക്കൽപ്പോലും എൻജോയ് എഞ്ചാമിയിലെ ഇവർ രണ്ടുപേർക്കുമുള്ള പ്രാധാന്യം കുറച്ചുകാണിക്കുകയോ ​ഗൗരവം കുറച്ചുകാണിക്കുകയോ ചെയ്തിട്ടില്ലെന്നും ധീ എഴുതി.

അറിവിന്റെ ശബ്ദം ഉയർന്നുകേട്ടാൽ മാത്രം മതി തനിക്കെന്ന് ധീയുടെ കുറിപ്പിലുണ്ട്. പാട്ടിന് കിട്ടുന്ന എല്ലാ വരുമാനവും ഉടമസ്ഥാവകാശവും തങ്ങൾ മൂന്നുപേർക്കും തുല്യമാണെന്നും പറഞ്ഞുകൊണ്ടാണ് ​ഗായിക കുറിപ്പ് അവസാനിപ്പിക്കുന്നത്. ചെന്നൈയിൽ കഴിഞ്ഞയാഴ്ച തുടങ്ങിയ ചെസ് ഒളിമ്പ്യാഡിന്റെ ഭാ​ഗമായി ധീയുടെയും കിടക്കുഴി മറിയമ്മാളിന്റെയും 'എൻജോയ് എഞ്ചാമി' പ്രകടമുണ്ടായിരുന്നു. ഇവർക്കൊപ്പം ​ഗായകനായ അറിവ് ഇല്ലാതിരുന്നത് ഏറെ വിവാദമായിരുന്നു.

എൻജോയ് എഞ്ചാമിയുടെ രചനയിൽ തന്നെയാരും സഹായിച്ചില്ലെന്ന് അറിവ് ഇൻസ്റ്റഗ്രാമിൽ പോസ്റ്റിട്ടത് വലിയ ചർച്ചകൾക്ക് വഴിയൊരുക്കിയിരുന്നു. ഇതിന് മറുപടിയെന്നോണം താനാണ് ​ഗാനത്തിന്റെ സം​ഗീതസംവിധായകനും നിർമാതാവും എന്നുപറഞ്ഞ് സന്തോഷ് നാരായണൻ രം​ഗത്തെത്തിയിരുന്നു. തൊട്ടുപിന്നാലെയാണിപ്പോൾ ഈ വിഷയത്തിൽ ​ഗായിക ധീയുടെ വിശദീകരണവും വന്നിരിക്കുന്നത്.

Content Highlights: singer dhee about enjoy enjami ownership issue, santhosh narayanan tweet, arivu instagram post

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

16:50

ഐക്യപ്പെടാന്‍ ചൈന, പുതിയ ഓപ്പറേഷനുമായി അമേരിക്ക; തായ്‌വാനില്‍ സംഭവിക്കുന്നതെന്ത്?| In- Depth

Aug 9, 2022


amazon

2 min

4799 രൂപയുടെ ഹാന്‍ഡ്ബാഗ് 1047 രൂപയ്ക്ക് വാങ്ങാം; ഹാന്‍ഡ്ബാഗുകള്‍ക്ക് ഗംഭീര ഓഫറുകള്‍

Aug 9, 2022


swathi sekhar

1 min

ഭാര്യ കിടപ്പുരോഗി, കാമുകിക്കായി സ്വന്തംവീട്ടില്‍നിന്ന് 550 പവന്‍ മോഷ്ടിച്ചു; വ്യവസായി അറസ്റ്റില്‍

Aug 9, 2022

Most Commented