സിൽക്ക് സ്മിത ഓർമ്മയായി കാൽ നൂറ്റാണ്ട് തികയുമ്പോൾ ഈ ഗാനം ഓർക്കാതിരിക്കുന്നതെങ്ങനെ ?


രവിമേനോൻ

നായികയായി സ്മിത ആദ്യം അഭിനയിച്ചത് ആന്റണി ഈസ്റ്റ്മാന്റെ 'ഇണയെ തേടി'യിൽ ആയിരുന്നെങ്കിലും ആ പടം പുറത്തുവരാൻ വൈകി

Silk Smitha, Photo | Facebook, Ravi Menon

സിൽക്ക് സ്മിത ഓർമ്മയായി കാൽ നൂറ്റാണ്ട് തികയുമ്പോൾ ഈ ഗാനം ഓർക്കാതിരിക്കുന്നതെങ്ങനെ? "ഇതിലേ ഏകനായ് അലയും ഗായകാ, കരളിൽ നീ പേറുമീ കണ്ണീരിന്നും ഗാനമായ്, ഒഴുകീ നോവുമായ്..'' -- പൂവച്ചൽ ഖാദർ എഴുതി ശ്യാം ഈണമിട്ട് യേശുദാസ് പാടിയ പാട്ട്.

'ഒറ്റപ്പെട്ടവർ' (1979) എന്ന ചിത്രത്തിലെ ഈ ഗാനരംഗത്ത് രാഘവനോടൊപ്പം പ്രത്യക്ഷപ്പെട്ടത് സ്മിതയാണ് -- അന്നത്തെ വിജയലക്ഷ്മി. ആന്ധ്രക്കാരായ രാമലുവിന്റെയും സർസമ്മയുടെയും മകൾ.

നായികയായി സ്മിത ആദ്യം അഭിനയിച്ചത് ആന്റണി ഈസ്റ്റ്മാന്റെ 'ഇണയെ തേടി'യിൽ ആയിരുന്നെങ്കിലും ആ പടം പുറത്തുവരാൻ വൈകി. സ്മിതയെ ഒരു ഗാനരംഗത്ത് പ്രേക്ഷകർ ആദ്യമായി കണ്ടത് ഒറ്റപ്പെട്ടവരിൽ. "വളരെ പാവമായിരുന്നു ഞാൻ അറിയുന്ന സ്മിത. നാണം കുണുങ്ങിയും. പക്ഷെ സിനിമ അവരെ എങ്ങനെ മാറ്റിയെടുത്തൂ എന്ന് നോക്കൂ.'' -- ആദ്യ നായകൻ രാഘവന്റെ വാക്കുകൾ.

വയനാട്ടിൽ വെച്ചായിരുന്നു ഗാനചിത്രീകരണം. രാഘവൻ രംഗത്ത് പ്രത്യക്ഷപ്പെടുന്നത് അന്ധനായി. കാമുകിയായ ഗ്രാമീണ യുവതിയുടെ റോളിലാണ് സ്മിത.

പിൽക്കാലത്ത് വിവിധ തെന്നിന്ത്യൻ ഭാഷകളിലായി നിരവധി ഗാനരംഗങ്ങളിൽ പ്രത്യക്ഷപ്പെട്ടു സിൽക്ക് സ്മിത. ഏറെയും മാദകത്വമുള്ള വേഷങ്ങളിൽ. ``സ്ഫടിക''ത്തിലെ ഏഴിമല പൂഞ്ചോല, അഥർവ്വത്തിലെ പുഴയോരത്തിൽ പൂന്തോണിയെത്തീല എന്നിവ മലയാളത്തിൽ നിന്നുള്ള ഉദാഹരണങ്ങൾ.

content highlights : silk smitha 25th death Anniversary Ottapettavar spadikam Adharvam movie songs


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 30, 2022


05:23

രാജകുടുംബത്തിന്റെ ഉറക്കം കെടുത്തുന്ന ടെലിവിഷന്‍ സിനിമ; അറം പറ്റുമോ 'King Charles III'

Sep 29, 2022


drug

1 min

തണ്ണിമത്തനില്‍ ഒളിപ്പിച്ച് മയക്കുമരുന്ന് കടത്താൻ ശ്രമം; അഞ്ചംഗ സംഘം സൗദിയിൽ അറസ്റ്റിൽ

Sep 29, 2022

Most Commented